3. Mose 10:11 - O Debleskro Drom 2021 (Sinte)

¹¹ Un hunte sikrenn i Israelende ko tselo koowa, hoi me, o baro Dewel, lendar kamau, halauter hoi me o Moseske penom, un job lenge dureder penas.”

O Debleskro Lab 2024 (Sinte-Manouche)

¹¹ Oun hounte sikrenn i Israelende ko tselo koova, hoy me, o baro Devel, lendar kamau, halauter hoy me o Moseske penom, oun yob lenge doureder penas.”

3. Mose 10:11 ပူးပေါင်းရင်းမြစ်များ

2. Familjakro liil 15:3

Bud bersha prindjran i Israelitarja o tchatcho Debles gar. Len his kek rashai, kai sikras lende o Debleskro drom, un kek Debleskro lab, hoi penas lenge, har te djiwenn le.

2. Familjakro liil 17:9

Un jon penan i menshenge an o tselo them Juda, har te djan le ap o Debleskro drom. Len his o baro Debleskro liil, kai dren tchinlo hi, har te djiwenn le, pash pende. Un djan trujel an i tsele forja an o them Juda, un sikran i menshende o Debleskro drom.

2. Familjakro liil 30:22

Un o Hiskija rakras kamles ap i tsele Levitarja, kai kran le pengri budi mishto glan o baro Debleste. Efta diwessa kran i Israelitarja ko festo. Un khetne chan le ko mass kol viechendar, hoi dan le o baro Debleste, un parkran pen pash leste, ko Dewel lengre phurendar.

Nehemia 8:2

Jaake anas o rashai Esra ap o ersto diwes an o eftato tchon o Moseskro liil glan i tsele Israelitarja, kai khetne wan, glan kol tsele murshende un djuwjende, un lauterende, kai nai haiwan les.

Nehemia 8:8

Un ko liil, kai o Debleskro lab dren tchinlo his, his an o hebretikro rakepen. Un i Levitarja rakran kol laba an o aramtikro rakepen, hoi kal menshe kote rakran. Un palle sikran le len, hoi kol laba kamenn te penell, jaake te haiwan le, hoi koi glan drawedo was.

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!

Jeremia 2:8

Tumare rashaja putchan gar: ‘Kai hi o baro Dewel?’ Har penan le i menshenge, hoi te krenn le, rikran le pen gar ap mire laba. Un kol pralstune pral mire menshende hadan pen pral mande, un shunan buder gar ap mande. Un mire rakepangre, kai hunte penans mire laba dureder, rakran an o lab ko chocheno deblestar Baal, un mangan figuren an, kai kek dewel hi.

Maleachi 2:7

Kowa hi i rashajengri budi: Jon hunte penenn o Debleskro lab an o tchatchepen, te nai djan i menshe pash lende, te kamenn le te djinell, hoi o baro Dewel lendar kamella. I rashaja hi i bitchepangre o baro Deblestar, ko rajestar pral o bolepen un i phub.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Bičepangre 20:27

Me mukom gar tele, te penap tumenge halauter, hoi o Dewel tumenge kras.

5. Mose 17:10

Un kowa, hoi le tumenge penenn, hunte krenn tumer. Denn jak, te krenn halauter jaake, har jon tumenge sikran.

5. Mose 17:11

Ap lengre laba hunte rikrenn tumen, un kolendar gar tele djan, gar tchatches un witar gar serwes.

5. Mose 24:8

Te lell jek tumendar i djungelo nasslepen ap peskro mass, hoi les pale-tchiddo krell, palle denn jak, te krenn halauter jaake, har kol rashaja dran o kheer Levi tumenge penenn. Me penom lenge, hoi te krenn. Un ap kowa hunte rikrenn tumen.

5. Mose 33:10

Jon sikrenn i Israelitarjen tiro drom, awa, o Jakobeskre tchawen tiro tchatchepen. Sungepaskro koowa anenn le glan tute, un chatchrenn viechen tuke ap tiri chatchepaskri.

1. Tessalonikarja 4:2

Tumer djinenna, hoi job tumendar kamella. Mer penam les tumenge.