3. Mose 10:1 - O Debleskro Drom 2021 (Sinte)

¹ Dui mursh tchawe o Aronestar, o Nadab un o Abihu, lan hakeno peskro sasterno tcharo an o wast, tchiwan jag dren un sungepaskro koowa, un djan koleha an o Debleskro plachteno kheer, te anenn le kowa glan o baro Debleste. Kowa kran le pestar. O baro Dewel penas lenge gar, te krenn le kowa.

O Debleskro Lab 2024 (Sinte-Manouche)

¹ Douy morsh čave o Aronestar, o Nadab oun o Abihu, lan hakeno peskro sasterno čaro an o vast, čivan yag dren oun soungepaskro koova, oun djan koleha an o Debleskro plarhteno kheer, te anenn le kova glan o baro Debleste. Kova kran le pestar. O baro Devel penas lenge gar, te krenn le kova.

3. Mose 10:1 ပူးပေါင်းရင်းမြစ်များ

1. Rajengro liil 18:38

Kote peras jag o baro Deblestar tele, un chas ko mass un ko kasht un kol barra un koi phub, un ninna o tselo pani, hoi trul i chatchepaskri his.

Debleskri gili 141:2

Muk miro mangepen tuke jaake shukar te well, har chatchroms me tuke sungepaskro koowa. Dik ap mire pre-hadede wasta jaake har ap i viecho, hoi mukoms tuke rati te chatchrell.

2. Mose 24:1

Un o baro Dewel penas ap o Moseste: “Ab kate pre pash mande, tu un o Aron, o Nadab, o Abihu un 70 (efta-desha) i phurendar dran Israel. Kal mursha atchenn dureder krik tardo un mangenn man kote an!

2. Mose 24:9

Palle djas o Mose, o Aron, o Nadab, o Abihu un 70 (efta-deesh) i phurendar dran Israel ap i berga pre.

2. Mose 27:3

Kre ninna kol tsele koola dran saster, kolentsa budrenn le ap o Debleskri chatchepaskri: pirja, an kolende i jagakri tchik dren wella, bare roja, tchare, kai o rat dren wella, massengre forshette, jagakre tchare.

2. Mose 28:1

Muk tiro phrales, o Arones, un leskre mursh tchawen glan tute te anell. Kolen rodom win dran i wawar Israelitarja, te wenn le mange rashaja: o Nadab, o Abihu, o Eleasar un o Itamar.

2. Mose 31:11

ninna ko makepaskro djet, hoi ap kowa maklo well, hoi o Debleske hi; un ko kutch sungepaskro koowa, hoi chatchedo wella an o Debleskro kheer. Kowa lauter krenn le jaake, har me les tuke penom.

2. Mose 37:29

Un job kras o makepaskro djet, koleha jon o Debleskro koowa dren makenn. Ninna kras lo ko kutch sungepaskro koowa, hoi chatchedo well. Kowa lauter kras job jaake har kolla, kai kowa mishto haiwenna.

2. Mose 38:3

Un job kras kol tsele koola dran lolo saster, kolentsa budrenn le ap i sasterni chatchepaskri: i pirja, an kolende i jagakri tchik dren wella, bare roja, tchare, kai o rat dren wella, massengre forshette, jagakre tchare.

2. Mose 40:27

un chatchras ap leste kutch sungepaskro koowa. Job kras les jaake har o baro Dewel leske penas.

2. Mose 6:23

O Aron las peske i romni: i Elisheba. Lakro dad hi o Amminadab. Un lakro phraal hi o Nachshon. Un joi las tchawe: o Nadab, un o Abihu, o Eleasar un o Itamar.

2. Mose 8:27

Un o baro Dewel kras jaake har o Mose lestar mangas, un las i tsele matsille, hoi tchurje denn, krik o Faraestar un leskre pralstunendar, ninna leskre tsele menshendar, jaake te atchas gar jek pral.

Jeremia 19:5

Un ko chocheno debleske, hoi kharell Baal, kran le chatchepaskre platse, te chatchrenn le pengre tchawen leske. Kowa penom me lenge gar. Sawo koowa was kek tsiro an miro shero, te penoms ap lende: ‘Krenn kowa.’

Jeremia 32:35

Un jon kran mulne platse o chocheno debleske, o Baaleske an o telstuno them, kai kharella Ben-Hinnom, te nai mukenn le pengre tchawen un tchen o debleske Moloch an i jag te djal. Sawo koowa penom me lenge gar. Un an kek tsiro was mange kowa an miro shero dren, te putchoms sawo koowa lendar. Har jon sawo djungelo koowa kran, anan le i doosh ap o tselo them Juda.

Jeremia 44:15

I tsele mursha, kai djinan, kai lengre romja wawar deblenge sungepaskro koowa chatchran, un i tsele djuwja, kai pashel tardo his, ninna kol Hebrearja dran o them Egiptia un dran Patros, – khetne his le bud bud menshe – kolla lauter penan ap o Jeremia:

Jeremia 44:8

Tumer choirenn man koleha, hoi krenn kote an o them Egiptia, kai djan, te djiwenn koi. Tumer chatchrenn sungepaskro koowa wawar deblenge. Kamenn tumer halauter te merell? Kamenn, te praassenn tumen i menshe dran i tsele wawar themma un san pral tumende?

Jeremia 7:31

Un kran an koi tala Ben Hinnom i chatchepaskri, hoi kharell Tofet, te chatchrenn jon pengre tchawen un tchen. Sawo koowa penom me lenge gar. Un kowa was mange gar an o shero.

3. Mose 16:1

Pal kowa, kai anan o Aroneskre dui tchawe jaake sungepaskro koowa glan o baro Debleste, har kowa gar tchatcho his, un doleske meran, penas o baro Dewel ap o Moseste:

3. Mose 16:12

Palle djal lo pash ko sonakaskro bob, hoi glan o baro Debleste tardo hi, un lell kolestar i sasterno tcharo pherdo kasht, hoi chatchell, un dui wasta pherdo sungepaskro koowa, un djal koleha pal ko wudar dran than an i kutch isema.

3. Mose 22:9

I rashaja hunte rikrenn halauter, hoi lenge penom, te lenn le kek doosh ap pende, un merenn doleske, kai djan le gar o Debleskro koowa jaake trujel, har hunte krans le. Me hom o baro Dewel, un rodom len win, te wenn le mire rashaja.

3. Mose 9:24

I jag djas win o baro Deblestar, un chatchras ko mass pre kol viechendar, koleskro tselo mass chatchedo well, ninna kol thulle kotja, hoi ap o Debleskri chatchepaskri tchiddo his. Har kowa i tsele menshe dikan, dan le i bachtjatar gole, un tchiwan pen tele glan o baro Debleste ap i phub.

4. Mose 26:61

O Nadab un o Abihu meran, har anan jon glan o baro Debleste sawo sungepaskro koowa, hoi gar jaake kerdo his, har o baro Dewel kowa kamas.

4. Mose 4:18

“Denn jak, te atchenn kol Kohatarja djido mashkral kol Levitarja,

5. Mose 17:3

un djal koi un mangell wawar deblen an, un witsrell pes tele glan o kham, o tchon un i bolepangre momlia, un krell jaake sawo koowa, kolestar me penom, te krenn kowa gar,

5. Mose 4:2

Tchiwenn kek lab koi pashel, hoi me penom, te hunte krenn! Lenn ninna tchi kolestar krik, te rikrenn les gar. Rikrenn tumen ap i laba tumaro baro Deblestar, hoi me tumenge penau.

Hebrearja 9:4

An i palstuni isema his o sonakaskro bob tardo, kai kutch gudlo kasht pral pre chatchedo was, hoi mishto sungella. Koi his ninna o sonakaskro mochton. An leste his o sonakaskro khoro, kai his ko maro dren tchiddo, hoi Manna kharella. An ko mochton his ninna o Aroneskro kasht, hoi senelo was, ninna kol dui tchinle barra. Ap kolende his i deesh Debleskre laba tchinlo, hoi o Dewel peskre menshentsa win kras.