3. Mose 1:5 - O Debleskro Drom 2021 (Sinte)

⁵ Palle marell lo kai grumni glan o baro Debleskro kheer. Un kol rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja. Kai chatchepaskri hi tardo glan o wudar o plachteno kherestar.

O Debleskro Lab 2024 (Sinte-Manouche)

⁵ Palle marell lo kay groumni glan o baro Debleskro kheer. Oun kol rashaya dran o kheer Aron lenn o rat oun čorenn les troul o Debleskri rhačepaskri ap leskre star rigya. Kay rhačepaskri hi tardo glan o voudar o plarhteno kherestar.

3. Mose 1:5 ပူးပေါင်းရင်းမြစ်များ

2. Familjakro liil 35:11

Un jon maran i terne bakre, dan o rat i rashajende, un kolla witsran les trul i chatchepaskri. Un i Levitarja tserdan i hauta tele.

2. Mose 29:11

Un tu mareh les pash o baro Debleskri chatchepaskri glan o Debleskro plachteno kheer glan o wudar.

2. Mose 29:16

Palle mare les, le leskro rat un tchore les trul o Debleskri chatchepaskri win.

2. Mose 40:6

Glan o Debleskro plachteno kheer tchip i sasterni chatchepaskri, kai i vieche o Debleske chatchedo wenna.

Jesaja 52:15

Un kanna dikenn bud menshe dran wawar themma bare jakentsa ap leste, un lengre rajenge atchell o rakepen krik. Kowa, hoi lenge gar dren ginlo was, dikenn le kanna. Un kolestar jon tchi shunan, kowa dikenn le un haiwenn les.

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

Ezekiel 43:18

Un job penas ap mande: Tu mensho, kawa penell o baro Dewel, maro rai: Kawa hi, hoi hunte kress ap kau diwes, kai hi kai chatchepaskri kerdo, ap kolate vieche chatchedo wenn o baro Debleske, un viechengro rat ap late witsedo well.

3. Mose 1:11

Un job marell les glan o baro Debleste pash koi chatchepaskri, ap koi rig, kai norden hi. Un i rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja.

3. Mose 1:15

Un o rashai anell koi tauba pash i chatchepaskri un phagell lake o shero tele, chatchrell o shero ap i chatchepaskri, un mukell o tchirkleskro rat win ratell ap i rig fun i chatchepaskri.

3. Mose 16:15

Palle marell job koi mursh busni, te well i doosh un o pale-tchiddo koowa i menshendar Israel krik lino. Un job djal ko rateha pal i wudar dran than an i kutch isema, un krell ko rateha jaake, har lo les ko rateha ko gurumestar kras. Job witsrell peskro gushteha tchomone ap o pralstuno kotar, hoi ap o mochton tchiddo hi, un ap koi platsa glan o mochton.

3. Mose 17:11

An o rat hi o djipen. Un me kamau, te well lo ap i chatchepaskri anlo, te well i doosh un o pale-tchiddo koowa tumendar krik lino. An o rat hi o djipen. Doleske lau leha i doosh un o pale-tchiddo krik.

3. Mose 3:13

palle tchiwell job peskro wast ap lakro shero un marell lat glan o Debleskro plachteno kheer. Un i rashaja lenn o rat un tchorenn les trul o Debleskri chatchepaskri ap leskre star rigja.

3. Mose 3:2

Job tchiwell peskro wast ap o viecheskro shero un marell les glan o wudar o Debleskro plachteno kherestar. Un i rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja.

3. Mose 3:8

palle tchiwell job peskro wast ap leskro shero un marell les glan o Debleskro plachteno kheer. Un i rashaja lenn o rat un tchorenn les trul o Debleskri chatchepaskri win.

3. Mose 4:29

Un job hunte tchiwell peskro wast ap o viecheskro shero un marell les kote kai i vieche maredo wenn, hoi chatchedo wenn o Debleske.

3. Mose 4:33

un tchiwell peskro wast ap o viecheskro shero, un marell les kote, kai i vieche maredo wenn, hoi o Debleske chatchedo wenn. Kowa hunte krell lo, te well leskri doosh krik lino.

3. Mose 4:7

Ninna makell lo ko ratestar ap i shinga, hoi ap i star ekke o bobestar hi, kai o sungepaskro koowa chatchedo well. Ko bob hi tardo an o Debleskro plachteno kheer. O tselo wawar rat tchorell lo win tella pash koi chatchepaskri, kai i vieche chatchedo wenna. Koi chatchepaskri hi tardo win glan o wudar o Debleskro plachteno kherestar.

Micha 6:6

Tumer putchenn: Har te wap glan o baro Debleste? Hoi te anap ko pralstuno Debleske? Har nai mangau les an? Anap leske grumja, hoi jek bersh phuro hi, te wenn le leske maredo un tseles chatchedo?

4. Mose 18:17

I grumni, i bakro un i busni dess tu gar pale un less kek lowe lenge. Jon wenn mange. Lengro rat tchoress tu ap o Debleskri chatchepaskri. Un lengro thulepen chatchress tu o baro Debleske, te sungell o sungepen, hoi pre djala, mishto o Debleske.

Hebrearja 10:11

Hako rashai krell hako diwes peskri budi, un marell bud kope viechen o Debleske. Kal vieche nai lenn gar i doosh i menshendar.

Hebrearja 12:24

Kote hi ninna o Jesus, maro rakepaskro, kai kras menge o newo drom, te djiwas khetne o Debleha. Job meras menge, un leskro rat las mari doosh mendar. O Jesuseskro rat hi feteder har o Abeleskro rat. Har o Abel maredo was, das leskro rat gole pal i phagi pral o Kain. O Jesuseskro rat lell mari doosh mendar.

1. Petro 1:2

O Dewel, maro dad an o bolepen, rodas tumen win, un das tumen peskro Ducho, te wenn tumer o Debleskre tchawe, un krenn, hoi o Jesus Kristo tumendar kamella. Un job thowas tumari doosh peskro rateha tumendar tele. Mu well tumen bud latchepen un bacht an o dji!

1. Samuel 1:25

Un jon maran o gurum, un anan o tchawes pash o Eli.