3. Mose 1:3 - O Debleskro Drom 2021 (Sinte)

³ Te kamell lo leske i grumni te anell, te well li leske tseles chatchedo, palle hunte lell lo i murshkani grumni, hoi gar nasselo hi. Un job anell lat glan o wudar o Debleskro plachteno kherestar, te dikell o baro Dewel latches ap leste.

O Debleskro Lab 2024 (Sinte-Manouche)

³ Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

3. Mose 1:3 ပူးပေါင်းရင်းမြစ်များ

1. Mose 22:13

Koi dikas pes o Abraham trujel. Pal leste hi i bakro mank i burra. Leskre shinga hi an kal burra un job nai was gar win. O Abraham djas koi, las ko bakro, maras les un chatchras les o Debleske, gar peskro tchawes.

1. Mose 22:2

Penas o Dewel: “Le tiro jek tchawes, koles, kai tu o djijestar kameh, o Isaakes. Un dja leha an ko them Morija ap koi berga, hoi me tuke penau! Un mare un chatch les mange kote!”

1. Mose 22:8

Koi penas o Abraham leske: “O Dewel della o bakres, te chatchras les leske, miro tchawo.” Un jon dui djan khetne dureder.

1. Mose 8:20

Un o Noah kras i chatchepaskri platsa un las hake viechendar, kai gar pale-tchiddo hi un hake tchirklendar, kai gar pale-tchiddo hi. Un das len mulo un chatchras len ap koi platsa, te parkrell lo pes pash o baro Debleste.

2. Familjakro liil 29:32

Khetne his kolla 70 (efta-deesh) grumja, 100 (sheel) mursh bakre un 200 (dui-sheel) terne bakre. Jaake bud vieche wan tseles chatchedo o baro Debleske.

2. Familjakro liil 35:12

Un i Levitarja tchiwan ko mass kol viechendar, hoi wan tseles chatchedo, ap i rig, te denn le les hake bare familjende, te nai anenn jon les glan o baro Debleste, jaake har tchinlo hi an o Moseskro liil. Kowa kran le ninna i grumjentsa.

Debleskri gili 110:3

Tu te deh tire lurden gole, wenn le lauter o djijestar tuha. Shukar an-rido hi kol terne mursha, kai wenn pash tute ap o Debleskri berga, railo har o diwes, te djal o kham pre.

Debleskri gili 40:8

Doleske penom tuke: Ake hom. Me krau, hoi mandar tchinlo hi an o liil:

2. Mose 12:5

Lenn jek viecho, hoi sasto hi, i mursh, hoi jek bersh phuro hi, nai well i bakrendar, nai well i busjendar.

2. Mose 24:5

Un job bitchras terne murshen win, te marenn le viechen un chatchrenn len o baro Debleske. Koi pashel his ninna terne gurma. Kolen maran le, te nai chan i Israelitarja ko mass khetne glan o baro Debleste.

2. Mose 29:18

Un chatche o tselo bakro ap i chatchepaskri, jaake te djal lauter pre an i jagakro ducho. Ko bakro hi mange, o baro Debleske, un well tseles chatchedo. Un o latcho sungepen, hoi well win, sungell mange mishto.

2. Mose 29:4

An o Arones un leskre tchawen pash o wudar glan o Debleskro plachteno kheer, un le pani un thob len!

2. Mose 29:42

An o tsiro, hoi wella, krenn jaake, tumer un tumare tchawe, hoi pal tumende wenna! Un denn man hako diwes taissarlakro un rati i bakro! Kowa chatchrenn glan mande pash o wudar glan o Debleskro plachteno kheer! Un kote wau pash tumende un rakrau tuha.

2. Mose 32:6

Un jon stan taissarlakro pre un maran viechen, un chatchran len ko debleske, hoi kran le penge. Ninna wawar viechen anan le pashel, te chan le len khetne. Un jon beshan pen, te chan le un te pijenn le. Un jon stan pre un khelan.

2. Mose 35:21

Halauter, kolengre djia chatchan, un kai kaman pendar tchomone te dell, wan un anan tchomone o baro Debleske, te well leske i plachteno kheer kerdo, kai i rashaja nai budrenn leske, un te nai krenn le ripja kolenge.

2. Mose 35:29

Jaake anan i Israelitarja, mursha un djuwja, kolengre djia chatchan, bud koowa pendar, te well koi tseli budi kerdo, hoi o baro Dewel o Moseske penas.

2. Mose 35:5

Hakeno, hoi les an o dji chatchella, te dell lo man pestar tchomone, kowa nai dell man: Sonakai, rup un lolo saster,

2. Mose 36:3

Un o Mose das len ko tselo kutch koowa, hoi i Israelitarja anan, te krenn le o baro Debleske i kheer. Un hako diwes taissarlakro wan le pale te pale pash o Moseste un anan leske budeder kutch koowa pendar.

2. Mose 38:1

Un job kras i sasterni chatchepaskri, kai wenna vieche o Debleske chatchedo. Job kras lat dran akatstikro kasht, dui-te-paash metarja lengsto un ninna jaake buchlo un jek-te-paash metari pral. Pral i tseli chatchepaskri was lolo saster dino. Ap haki pralstuni ekka was i shing win. Kol shinga wan kerdo dran jek kotar kasht har i chatchepaskri.

Jesaja 1:11

“Hoi krap me kol tsele viechentsa, hoi tumer mange anenn”, putchell o baro Dewel. “Man hi doha tumare bakrendar, hoi mange chatchran, hom tchalo ko thulepastar i pesse grumjendar. Ko rat i murshkane grumjendar un tikne bakrendar un busjendar kamau me gar.

Ezekiel 20:40

Ap miri bari berga an Israel, kai me djiwau, kote mangenn man i tsele Israelitarja an, halauter kai an o them hi. Un me lau len an o latchepen an, un kamau, te anenn le mange kote viechen un djob, jaake har glan tchinlo hi, ninna ko koowa, hoi mange ap i rig tchiwan.

Ezekiel 40:39

Un an i wudareskri halla fun kau wudar his star chapangre tardo, dui ap haki rig. Un ap lende wenn kol vieche maredo, hoi o Debleste dino wenn, kolla kai wenn tseles chatchedo, un kolla kai wenn maredo, te well i doosh krik lino, ninna kolla kai wenn maredo, te well lauter pale mishto.

3. Mose 1:10

Te kamell jek i bakro oder i busni o baro Debleske te anell, te well ko viecho tseles leske chatchedo, palle anell lo i murshkano viecho, hoi gar nasselo hi.

3. Mose 14:10

Ap o ochtato diwes anell lo dui terne bakre, hoi mursha hi un sasto, un jek bakri, hoi jek bersh phuro un sasto hi. Ninna anell lo triin kilogramme latcho jarro, kai djet dren hi, te well kowa glan o baro Debleste anlo. Koi pashel anell lo i khoro djet.

3. Mose 16:7

Palle lell job kol dui mursh busja un anell len pash o baro Debleste glan o wudar leskro plachteno kherestar.

3. Mose 17:8

Tu peness lenge: Hako mursh dran o kheer Israel, ninna hako wi-themari, kai mank tumende djiwell, kai kamell i vieches o baro Debleske te marell, sau viecho, koleskro tselo mass chatchedo well, oder sau viecho, hoi chan le khetne glan o baro Debleste,

3. Mose 17:9

kowa hunte anell les glan o wudar o Debleskro plachteno kherestar, te well lo kote o baro Debleske maredo. Koon kowa gar krell, well pale-tchiddo un nai djiwell buder gar mank peskre menshende.

3. Mose 23:12

Ap ko diwes, kai hadell o rashai tumaro newo djob pre glan o Debleste, hunte anenn tumer i terno bakro, hoi jek bersh phuro hi un sasto hi, te well lo chatchedo o baro Debleske.

3. Mose 23:18

Pash ko maro anenn tumer efta bakre, jek bersh phuro un sasto, ninna jek terno gurum un dui mursh bakre. Kolla wenn maredo un chatchedo o baro Debleske. Khetne lentsa well leske o chapen dran jarro chatchedo, un i mool glan leste win tchoredo. Un ko latcho sungepen, hoi well win, sungella mishto o baro Debleske.

3. Mose 3:1

Te kamell jek o baro Debleske i grumjat te anell, hoi chan i menshe khetne glan leste, palle nai well ko viecho i mursh grumni har ninna i djuwel grumni. Kau viecho hunte well gar nasselo.

3. Mose 4:15

Un i phureder lendar tchiwenn pengre wasta ap o viecheskro shero un marenn les kote glan o baro Debleste.

3. Mose 4:23

Te haiwell lo pal i tsiro, kai kowa, hoi lo kras, gar tchatcho hi glan o Debleskre jaka, palle hunte anell lo leske i mursh busni, hoi gar nasselo hi.

3. Mose 4:3

Te hi kowa o pralstuno rashai, kai rikras pes gar ap o Debleskro lab, un anas jaake doosh ap i tsele Israelitarjen, palle lell lo i terno gurum, hoi gar nasselo hi, un anell les o baro Debleske, te well leskri doosh, hoi lo ap peste anas, krik lino.

3. Mose 4:32

Te kamell jek i bakro o Debleske te anell, te well leskri doosh krik lino, palle anell lo i bakri, hoi gar nasselo hi,

3. Mose 5:15

Te dals jek gar o baro Debleste, hoi hunte dals lo leste, chochras lo o baro Debles, ninna te djinas lo kowa gar. Job hunte anell o Debleske i bakro, hoi sasto hi, te well leskri doosh pale mishto. Kau bakro hunte well jaake bud rupene beme moldo, har tu peneh. Jek rupeni bema hi jaake pharo har i rupeni bema an o Debleskro kheer hi.

3. Mose 5:18

Job hunte anell o rashajeske i bakro, hoi sasto hi, te well leskri doosh pale mishto. Kau bakro hunte well jaake bud moldo, har tu peneh. Koleha krell o rashai, te well lauter pale mishto mank o Debleste un ko mensheste, kai gar djinas, kai kowa, hoi lo kras, i doosh his. Un o baro Dewel bistrell leskri doosh.

3. Mose 6:2

Pen ap o Aron un leskre mursh tchawende: Jaake hunte krenn tumer o viecheha, koleskro tselo mass mange chatchedo well: Ko mass atchell ap i chatchepaskri koi tseli rat, bis te well o newo diwes. Un koi jag ap i chatchepaskri hunte chatchell i tseli rat un djal gar win.

3. Mose 6:8

Jek lendar lell kolestar i wast pherdo jarro, kai djet dren hi, ninna ko tselo sungepaskro koowa, hoi pral o jarro tchiddo hi, un mukell kowa ap o Debleskri chatchepaskri pre te chatchrell. Jaake sikrell lo, te hi ko tselo chapen o baro Debleske. Un ko latcho sungepen, hoi well win, sungell mishto o baro Debleske.

3. Mose 7:16

Te das jek pes sowel te dell lo tchomone o Debleste, un anell doleske sau viecho o Debleske, well ko mass ko emligo diwes chalo. Te atchell tchomone pral, nai chan le les o wawar diwes ninna. Jaake hunte well ninna kerdo, te das jek i viecho pestar o baro Debleste.

3. Mose 8:18

Palle las lo ko jek bakro, koleskro tselo mass chatchedo well o baro Debleske. Un o Aron un leskre tchawe tchiwan pengre wasta ap o viecheskro shero.

3. Mose 8:21

Un job thowas leskre buke un leskre herja o panjeha, un tchiwas len ninna ap i chatchepaskri, un mukas ko tselo vieches pre te chatchrell ap o Debleskri chatchepaskri. Jaake har o baro Dewel penas, was ko tselo bakro leske chatchedo. Un o latcho sungepen, hoi was win, sungas mishto o baro Debleske.

3. Mose 9:2

un penas ap o Aron: “Le tuke i terno gurum un i mursh bakro, ko gurum, te well lo maredo, te well i doosh krik lino, un ko bakro, te well lo maredo, un leskro tselo mass o baro Debleske chatchedo. Kal dui hunte wenn sasto. Kolla an glan o baro Debleste:

Zakarie 13:7

O baro Dewel, ko rai pral o bolepen un i phub, penell: “Miro charo, hade tut! Dja ap o bakrengro pre, kai mange budrella, ap koleste, kai pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro wast.”

Maleachi 1:14

‘Praassedo te well hakeno, kai pes sowel das, te dell lo man i latcho mursh viecho. Un palle chochell lo man un anell mange i nasselo vieches. Me hom o pralstuno rai, un i menshe dran wawar themma sharenn man’, penell o baro Dewel, ko rai pral o bolepen un i phub.

4. Mose 15:3

un tumer anenn i vieches tumare grumjendar un bakrendar chatchepaske o baro Debleske, hunte denn tumer i chapen koi pashel. Krenn kowa pash hako viecho, hoi mange anenn: pash ko viecho, hoi well tseles chatchedo mange; pash ko viecho, hoi chan tumer khetne glan mande; pash ko viecho, koleha i mensho sikrell, te das lo pes sowel, te dell lo man tchomone; pash ko viecho, hoi kamell i mensho pestar mande te dell; pash ko viecho, hoi chatchrenn tumer mange ap tumare bare diwessa. O latcho sungepen kol viechendar hi mishto mange. Ko chapen, hoi anenn pashel, hunte well jek kilogrammi latcho jarro, un jek litari djet. Kowa well halauter khetne kerdo.

4. Mose 15:8

Te kameh tu o Debleske i grumni te anell, nai well jek, hoi well leske tseles chatchedo, nai well jek, kolah tu sikreh, te dal tut sowel, te deh tchomone o Debleste; nai well jek, hoi deh, te chan tumer o mass khetne glan o baro Debleste,

4. Mose 19:2

Kowa, hoi kanna penau, hunte krenn jaake har penau, ninna an ko tsiro, hoi wella: Pen ap kol Israelitarja, te anenn le pash tute i loli grumni, kai kek nasslepen ap late hi, un kai budras gar ap i hachetikri phub, jaake rah har djiwell li.

4. Mose 23:19

O Dewel hi gar i mensho, kai chochella, witar gar i mensheskro tchawo, koles khaitell, hoi job kras. Penell job tchomone, hoi job gar krella? Penell job kowa, kai rikrell job gar?

4. Mose 23:27

O Balak penas ap leste: “Am kai! Me kamau tut ap i wawar platsa te anell. Nai well jaake, kai hi kowa mishto glan o Debleskre jaka, kai tu kote pral lende i bibacht win rakreh.”

4. Mose 23:3

Un o Bileam penas ap o Balak: “Dja pash ko viecho, hoi chatchreh o Debleske. Me kamau dureder te djal. Nai well, te mukell pes o baro Dewel glan mande te dikell. Palle kamau tuke te penell, hoi job mande sikrella.” Un job djas ap i berga, kai hi kek weesh.

4. Mose 23:30

O Balak kras, har o Bileam penas, un chatchras ap haki chatchepaskri jek terno gurum un jek bakro.

4. Mose 28:11

Ap o ersto diwes an hako tchon hunte chatchrenn tumer o baro Debleske dui terne mursh grumja, jek mursh bakro un efta jek-bershengre bakre, kai gar nasselo hi.

4. Mose 28:19

Un hunte chatchrenn o baro Debleske dui terne mursh grumja, jek mursh bakro, un efta jek-bershengre bakre, kai gar nasselo hi.

4. Mose 28:31

Un kowa halauter hunte anenn pash kol vieche un ko jarro un koi mool, hoi well hako diwes o Debleske anlo. Kol vieche, hoi anenn o Debleske, hunte wenn sasto.

4. Mose 29:13

un chatchrenn leske viechen. Un o latcho sungepen, hoi djal pre, te wenn le chatchedo, sungella mishto o baro Debleske. Ap o ersto diwes chatchrenn leske deesh-te-triin terne mursh grumja, dui mursh bakre, un deesh-te-star jek-bershengre bakre, kai gar nasselo hi.

4. Mose 29:2

Un tumer hunte chatchrenn viechen o Debleske. Un ko latcho sungepen, hoi pre djal, te wenn le chatchedo, sungella mishto o baro Debleske. Kolla hi kol vieche, hoi hunte chatchrenn leske tseles: jek terni mursh grumni, jek mursh bakro, un efta jek-bershengre bakre, kai gar nasselo hi.

Louka 1:35

O bolepaskro penas ap late: “O Debleskro Ducho un leskri soor well pral tute. Doleske well o ternepen o Deblestar un well Debleskro tchawo kharedo.

Johanni 1:36

Un har job dikas, kai o Jesus koi djal, penas lo: “Dikenn, kawa hi o Debleskro bakro!”

Johanni 10:7

Doleske penas o Jesus pale ap lende: “Tchatchepah, me penau tumenge: Me hom o wudar i bakrenge.

Johanni 10:9

Me hom ko wudar. Te djal jek an kau wudar dren, kowa djal gar nashedo. Job djal dren un win, un job hatsell shukar senlepen chapaske.

2. Korintarja 8:12

Te dell jek o djijestar jaake bud har nai dell lo, dikell o Dewel latches ap leste. Job kamell gar, te dell lo budeder, har les hi.

2. Korintarja 9:7

Hakeno hunte dell jaake bud lowe, har leskro dji leske penella. Les hunte khaitell kowa gar, hoi job das! Job dell kowa pestar un gar, har te kaman le les lestar. O Dewel kamell kol menshen, kai denn o djijestar.

Efesarja 2:18

Mende halauterende das job o Debleskro Ducho. Un kowa krell, te nai wah mer lauter glan o Debleste, maro dadeste.

Efesarja 5:27

Jaake kras lo len railes un shukar. Kek djungelo un tchilatcho koowa hi ap lende. Djudjo un erligo hi le glan leste tardo.

5. Mose 12:27

Kote chatchrenn leske kol viechen, hoi wenn tseles chatchedo, lengro mass un rat. Kol wawarendar, hoi tumer chan, tchore o rat ap o baro Debleskri chatchepaskri win.

5. Mose 15:21

Te hi tchomone djungelo ap ko viecho, te hi les i bangi heri, te hi lo korelo, oder i wawar doosh hi ap leste, palle chatchress les tu gar tiro baro Debleske.

5. Mose 17:1

Tu maress tiro baro Debleske kek grumni, kek bakro oder busni, hoi nasselo oder djungelo hi. Kowa wals i tchilatcho koowa glan tiro baro Debleste.

Hebrearja 7:26

O Jesus hi o baro rashai, kai hunte well men. Job hi latcho glan o Debleskre jaka. Kek tchilatchepen, witar kek doosh hi ap leste. Na-a, job hi gar jaake har mer tchilatche menshe ham, kai ham pale-tchiddo glan o Debleste. Un o Dewel kras les bareder har hako wawar an o bolepen.

Hebrearja 9:14

kitse sorleder hi o Jesus Kristeskro rat. O Debleskro Ducho, kai djiwella hako tsiro, das o Jesus Kristeste i soor, te nai das lo peskro djipen an o merepen. Un job meras o Debleske jaake har i bakro, ap koleste kek doosh hi. Kowa kras lo, te lell lo mari doosh mendar, jaake te djiwas mer buder gar pal kol laba, hoi tchi moldo hi un i menshe an o merepen anenna. Kanna hi maro dji djudjo, un mer nai wah tchatchepah o djido Debleske koi.