3. Mose 1:11 - O Debleskro Drom 2021 (Sinte)

¹¹ Un job marell les glan o baro Debleste pash koi chatchepaskri, ap koi rig, kai norden hi. Un i rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja.

O Debleskro Lab 2024 (Sinte-Manouche)

¹¹ Oun yob marell les glan o baro Debleste pash koy rhačepaskri, ap koy rig, kay norden hi. Oun i rashaya dran o kheer Aron lenn o rat oun čorenn les troul o Debleskri rhačepaskri ap leskre star rigya.

3. Mose 1:11 ပူးပေါင်းရင်းမြစ်များ

2. Mose 24:6

Un o Mose las o rat un tchoras jek paash an tchare. Un o wawar paash tchoras lo ap i chatchepaskri, kai i vieche chatchedo wan o Debleske.

2. Mose 40:22

Un job anas i chapaskri an o kheer un tchiwas lat glan o kutch kotar than ap i serwi rig,

Ezekiel 43:18

Un job penas ap mande: Tu mensho, kawa penell o baro Dewel, maro rai: Kawa hi, hoi hunte kress ap kau diwes, kai hi kai chatchepaskri kerdo, ap kolate vieche chatchedo wenn o baro Debleske, un viechengro rat ap late witsedo well.

Ezekiel 8:5

Un job penas ap mande: Tu, mensho, dik kote, kai norden hi! Un me dikom kote, kai norden hi. Un kote win glan o wudar his i chatchepaskri. Un pash o wudar his koi figura, pral kolate o Dewel jaake chojedo his.

3. Mose 1:5

Palle marell lo kai grumni glan o baro Debleskro kheer. Un kol rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja. Kai chatchepaskri hi tardo glan o wudar o plachteno kherestar.

3. Mose 14:13

Pal kowa marell lo ko terno bakres kote, kai wenn ninna vieche maredo, te well i doosh un o pale-tchiddo koowa krik lino, un kol wawar, kolengro tselo mass chatchedo well. Kai platsa hi i Debleskri platsa. Jaake har hi o rashajeske ko mass i viechestar, hoi well maredo, te well i doosh un o pale-tchiddo koowa krik lino, jaake hi ninna o rashajeske ko mass i viechestar, hoi well maredo, te well ko mensho pale erligo kerdo glan o Debleste. O mass sau viechestar, hoi o Debleske anlo was, nai chan kokres i rashaja un kek wawar.

3. Mose 4:29

Un job hunte tchiwell peskro wast ap o viecheskro shero un marell les kote kai i vieche maredo wenn, hoi chatchedo wenn o Debleske.

3. Mose 7:2

Ap koi platsa, kai well ninna ko viecho maredo, koleskro tselo mass chatchedo well, ap kai platsa hunte well ko viecho maredo, hoi jek anas, te well leskri doosh pale mishto kerdo. Un o viecheskro rat well win tchoredo trul o Debleskri chatchepaskri.

3. Mose 8:19

Un o Mose maras les, las leskro rat un tchoras les trul o Debleskri chatchepaskri win.