3. Mose 1:10 - O Debleskro Drom 2021 (Sinte)

¹⁰ Te kamell jek i bakro oder i busni o baro Debleske te anell, te well ko viecho tseles leske chatchedo, palle anell lo i murshkano viecho, hoi gar nasselo hi.

O Debleskro Lab 2024 (Sinte-Manouche)

¹⁰ Te kamell yek i bakro oder i bouzni o baro Debleske te anell, te vell ko firho tseles leske rhačedo, palle anell lo i morshkano firho, hoy gar nasselo hi.

3. Mose 1:10 ပူးပေါင်းရင်းမြစ်များ

1. Mose 4:4

Un o Abel las tikne bakren, kai i phureder tchawe pengre dajendar hi, maras len un chatchras lengre feteder kotja o Debleske. Un o baro Dewel dikas latches ap o Abel un ap kowa, hoi job chatchras leske.

1. Mose 8:20

Un o Noah kras i chatchepaskri platsa un las hake viechendar, kai gar pale-tchiddo hi un hake tchirklendar, kai gar pale-tchiddo hi. Un das len mulo un chatchras len ap koi platsa, te parkrell lo pes pash o baro Debleste.

2. Mose 12:5

Lenn jek viecho, hoi sasto hi, i mursh, hoi jek bersh phuro hi, nai well i bakrendar, nai well i busjendar.

Ezekiel 43:22

Un ap o duito diwes aness tu i sasti mursh busni, te well li maredo i doshake. Tu kress lah jaake, har kowa kerdo was o gurumeha ninna, te well ko rateha i doosh un o pale-tchiddo koowa krik lino fun i chatchepaskri.

3. Mose 14:10

Ap o ochtato diwes anell lo dui terne bakre, hoi mursha hi un sasto, un jek bakri, hoi jek bersh phuro un sasto hi. Ninna anell lo triin kilogramme latcho jarro, kai djet dren hi, te well kowa glan o baro Debleste anlo. Koi pashel anell lo i khoro djet.

3. Mose 16:3

Te djal lo koi dren, hunte anas lo glan kowa i terno gurum, hoi well maredo, te well i doosh un o pale-tchiddo koowa krik lino, ninna hunte anas lo i bakro, koleskro tselo mass chatchedo well o Debleske.

3. Mose 16:5

I Israelitarja anenn leske dui mursh busja un jek bakro. I busja wenn maredo, te well i doosh un o pale-tchiddo koowa krik lino. Un o bakro well maredo, te well leskro tselo mass chatchedo o Debleske.

3. Mose 22:19

palle hunte rodell lo i vieches win i grumjendar, bakrendar oder busjendar, hoi i mursh hi un sasto, te dikell o baro Dewel latches ap leste.

3. Mose 23:12

Ap ko diwes, kai hadell o rashai tumaro newo djob pre glan o Debleste, hunte anenn tumer i terno bakro, hoi jek bersh phuro hi un sasto hi, te well lo chatchedo o baro Debleske.

3. Mose 3:1

Te kamell jek o baro Debleske i grumjat te anell, hoi chan i menshe khetne glan leste, palle nai well ko viecho i mursh grumni har ninna i djuwel grumni. Kau viecho hunte well gar nasselo.

3. Mose 4:23

Te haiwell lo pal i tsiro, kai kowa, hoi lo kras, gar tchatcho hi glan o Debleskre jaka, palle hunte anell lo leske i mursh busni, hoi gar nasselo hi.

3. Mose 4:3

Te hi kowa o pralstuno rashai, kai rikras pes gar ap o Debleskro lab, un anas jaake doosh ap i tsele Israelitarjen, palle lell lo i terno gurum, hoi gar nasselo hi, un anell les o baro Debleske, te well leskri doosh, hoi lo ap peste anas, krik lino.

3. Mose 5:15

Te dals jek gar o baro Debleste, hoi hunte dals lo leste, chochras lo o baro Debles, ninna te djinas lo kowa gar. Job hunte anell o Debleske i bakro, hoi sasto hi, te well leskri doosh pale mishto. Kau bakro hunte well jaake bud rupene beme moldo, har tu peneh. Jek rupeni bema hi jaake pharo har i rupeni bema an o Debleskro kheer hi.

3. Mose 9:2

un penas ap o Aron: “Le tuke i terno gurum un i mursh bakro, ko gurum, te well lo maredo, te well i doosh krik lino, un ko bakro, te well lo maredo, un leskro tselo mass o baro Debleske chatchedo. Kal dui hunte wenn sasto. Kolla an glan o baro Debleste:

Maleachi 1:14

‘Praassedo te well hakeno, kai pes sowel das, te dell lo man i latcho mursh viecho. Un palle chochell lo man un anell mange i nasselo vieches. Me hom o pralstuno rai, un i menshe dran wawar themma sharenn man’, penell o baro Dewel, ko rai pral o bolepen un i phub.

4. Mose 15:5

Anenn ninna mool koi pashel! Pash hako terno bakro, hoi well tseles chatchedo, tchorenn jek litari mool, ninna pash hako terno bakro, hoi chan tumer khetne glan o Debleste.

4. Mose 19:2

Kowa, hoi kanna penau, hunte krenn jaake har penau, ninna an ko tsiro, hoi wella: Pen ap kol Israelitarja, te anenn le pash tute i loli grumni, kai kek nasslepen ap late hi, un kai budras gar ap i hachetikri phub, jaake rah har djiwell li.

4. Mose 6:14

Un job hunte dell o baro Debles i bakro, jek bersh phuro un sasto, te well kowa tseles chatchedo o Debleske. Ninna dell job o Debles i bakri, jek bersh phuro un sasto, te well leskri doosh krik lino. Un pale anell lo leske i wawar sasto mursh bakro, hoi chan le khetne glan o Debleste.

Johanni 1:29

Ap o wawar diwes dikas o Johanni, kai o Jesus pash leste wella. Un o Johanni penas: “Dikenn, kawa hi o Debleskro bakro, kai lell i menshengri doosh ap peste.

1. Petro 1:19

Job plaissras peskro kutch rateha, hoi job ratas, har meras lo ap o trushel. O Jesus Kristo his har i bakro, hoi maredo was o Debleske. Ap leste his kek doosh un kek tchilatchepen.