2. Timoteo 4:7 - O Debleskro Drom 2021 (Sinte)

⁷ Me budrom phares o Jesuseske un dom miro patsepen gar pre. Me nashom jaake ap o Jesuseskro drom, har te woms i naashepaskro, kai nashell i rah drom. Kanna nashom o tselo drom.

O Debleskro Lab 2024 (Sinte-Manouche)

⁷ Me boudrom phares o Yezouseske oun dom miro patsepen gar pre. Me nashom yaake ap o Yezouseskro drom, har te voms i naashepaskro, kay nashell i rah drom. Kanna nashom o tselo drom.

2. Timoteo 4:7 ပူးပေါင်းရင်းမြစ်များ

Gosewe laba 23:23

Muk tuke o tchatchepen un o goswepen bud moldo te well! Muk tuke hako tsiro tchomone te penell, te haiwess lauter mishto.

4. Mose 8:25

Te wenn jon paash-sheel bersh, hunte budrenn le buder gar.

Louka 11:28

Koi penas lo: “Bachtele hi kolla, kai ap o Debleskro lab shunenna, un kowa ninna krenna, hoi o Dewel penella.”

Louka 8:15

Koi latchi phub hi har o dji kol menshendar, kai o Debleskro lab shunenna, un djiwenn koi pal. An lengre djia well ko lab sorelo. Un jon atchenn soreles an o patsepen tardo.”

Johanni 17:6

Tu dal menshen dran kai phub gole un dal len mande. Kolende sikrom, koon tu hal. Jon his tiro un tu dal len mande. Un jon rikran pen ap tiro lab.

Johanni 4:34

Penas o Jesus lenge: “Me djiwau kolestar, te krap, hoi o Dewel mandar kamella. Un leskri budi krau jaake rah, har job kamella. Doleske bitchras man lo ap i phub.

Bičepangre 13:25

Har o Johanni lauter kras, hoi o Dewel leske penas, penas job: Me hom gar kowa, koleske tumer man rikrenn. Me penau tumenge: Kowa, koles o Dewel bitchrell tumenge, well pal mande. Me hom gar mishto doha, te pandap leskre kircha pre.

Bičepangre 20:24

Me dau tchi buder ap miro djipen. Jek koowa kamau me an miro djipen te krell: Me kamau koi budi te krell, hoi das man maro rai Jesus: Job penas mange, te penap i menshenge, har latcho o Dewel lenge hi, un har kras job i drom, te nai wenn le pash leste.

Filiparja 1:30

Kol duka, hoi ap tumende wenna, his man ninna, har homs pash tumende. Un ninna kanna ap kau tsiro shunenn tumer mandar, kai hunte lap duka ap mande.

1. Timoteo 1:18

Miro tchawo Timoteo, kowa penau tuke, te rikress tu kowa an tiro dji. Ma biste kol laba, hoi glan i tsiro pral tute glan-wi penlo wan! Kolla laba denn tut i soor, te mukess gar tele te krell o Debleskri budi, jaake har i latcho kurepaskro gar pre dell an o kurepen.

1. Timoteo 6:12

Jaake har i kurepaskro kurell pes mishto un dell gar pre, jaake dess tu gar tiro patsepen pre, te tapress ko djipen, hoi gar pre-herella. O Dewel das tut gole, te tapress les. Un tu penal glan bud menshende, kai patseh ap o Jesus Kristeste.

1. Timoteo 6:20

Tu, Timoteo, atch pash kowa, hoi o Dewel an tiro wast tchiwas! Ma shun ap kolende, kai rakrenn laba, hoi tchi moldo hi, un hoi gar o Deblestar wenna! Jon rakrenn dinelo koowa, un patsenn, kai djinenn le budeder har kol wawar. Lengro hi gar tchatcho.

2. Timoteo 1:14

Kal latche laba hi har i kutch brawlepen, hoi an tiro wast dino was. Rike len! O Debleskro Ducho, kai an tute djiwella, dell tut koi soor, te kress kowa.

2. Timoteo 3:10

Me sikrom tut, har te djas ap o Debleskro drom, un tu atchal ap leskro drom, un djiwal jaake, har me tuke glan djiwom. Tu kameh kowa, hoi me ninna kamau. Tu dikal, har me patsau ap o Jesus Kristeste. Un tu djineh, har rikrom ap o patsepen. Tu djineh ninna, har kamom i wawaren o djijestar, un har rikrom lauter win.

Debleskro tsiro 3:10

Tumer rikran ko lab, hoi tumenge penom, un wan gar khino an o patsepen ap mande. Doleske rikrau mire wasta pral tumende an ko pharo tsiro, kai i bibacht wella pral i tsele menshende ap kai phub, te well diklo, hoi an lengre djia hi.

Debleskro tsiro 3:8

Me prindjrau lauter, hoi tumer mange kran. Dikenn, me krom i wudar glan tumende pre, hoi kek nai pandell. Tumen hi i tikni soor, un rikran miro lab an tumare djia, un dan man gar buchoste.

Debleskro tsiro 6:11

Un hakenes lendar las i parno ripen. Un jek penas ap lende: “Mukenn tele i tikno tsiro! Tumare phrala, kai budrenn o Debleske har tumer budran, kolendar wenna ninna maredo, jaake bud har o Dewel mukell, te wenn le maredo.”