2. Timoteo 4:5 - O Debleskro Drom 2021 (Sinte)

⁵ Tu, Timoteo, de jak har tu djiweh! Rike win, ninna te krenn le tuke o djipen phares! Pen i menshenge o latcho lab o Jesus Kristestar! Koi budi das tut o Dewel. Kre koi budi mishto!

O Debleskro Lab 2024 (Sinte-Manouche)

⁵ Tou, Timoteo, de yak har tou djiveh! Rike vin, ninna te krenn le touke o djipen phares! Pen i menshenge o lačo lab o Yezous Kristestar! Koy boudi das tout o Devel. Kre koy boudi mishto!

2. Timoteo 4:5 ပူးပေါင်းရင်းမြစ်များ

Jesaja 62:6

Jerusalem, me tchiwom murshen ap tire massurja, te denn le jak ap tute. O tselo diwes un i tseli rat denn le bares gole, un mukenn gar tele, te bistrell tut o baro Dewel gar.

Jeremia 6:17

Ninna dom tumen menshen, kai denn jak ap tumende. Denn garda koi pre, te phurdenn le i phurdepaskri, hoi sikrella: Bibacht wella … Jon penan: Mer kamah len gar te shunell.

Ezekiel 3:17

Tu, mensho, wess kowa, kai dikell i bibacht te well un penell kowa i Israelenge dureder, jaake har jek ap i foro jak dell, un i menshenge penell, te wenn lurde. Te penau me tuke i lab, hunte peness kowa lenge, te djinenn le, hoi kamau ap lende te anell.

Ezekiel 33:2

Tu, mensho, rake ap i menshende dran tiro them, un pen lenge: Te anau me o charo pral i them, un i menshe an ko them rodenn i murshes lendar win, te dell job jak,

Ezekiel 33:7

Tu, mensho, tut rodom win, te dess jak ap o kheer Israel. Te shuneh i lab dran miro mui, hunte peness kowa lenge, te djinenn le, hoi kamau me pral lende te anell.

Mateo 25:16

Un ko mursh, kai kol pantch gone pherdo rup las, kowa djas sik pash i bikepangre, ginas un bikras bud koowa, un anas pantch wawar gone pherdo rup khetne pashel.

Markus 13:34

Kowa hi jaake har pash i mursheste, kai djas ap o them. Job mukas peskro kheer un das peskre budepangren lauter an o wast, hakeneste das lo leskri budi. Un penas ap koleste, kai pash o wudar beshdo hi: De garda ap miro kheer! Ma sob!

Markus 13:37

Kowa, hoi me tumenge penaua, ko penau lauterenge: Denn jak un sowenn gar!

Louka 12:37

Bachtele hi kol budepangre, kai sowenn gar, te well lengro rai pale. Me penau tumenge: O rai penell lenge, te beshenn le pen tele, te chan le. Un job pandell peske i damdira trujel, un hi lenge koi.

Bičepangre 21:8

O wawar diwes djam mer dureder, un wam an o foro Cesarea. Kote djam an o kheer, kai o Filipo djiwell, un atcham pash leste. Kowa his i mursh, kai penell i menshenge o latcho lab o Jesus Kristestar. Job his jek kol eftendar, kai his wi-rodedo an o foro Jerusalem, te denn le i tchorwele patslende chapaske.

Remarja 15:19

Un job sikras peskri soor, har kras o Debleskro Ducho baro koowa, hoi kek wawar nai krella. Jaake penom o latcho lab o Jesus Kristestar an o tselo them trul o foro Jerusalem bis an o them Illirikum.

Efesarja 4:11

Job hi kowa, kai das i patslen pengri budi. Koi hi kolla, kolen job bitchras, te penenn le i menshenge lestar. Wawar rakrenna, hoi job lenge an o dji tchiwas, hoi kek wawar djinella. Wawar anenn kol menshen, kai gar patslo hi, pash o Jesus Kristeste. Pale wawar rikrenn i patslen khetne, un sikrenn lende o Debleskro drom.

Efesarja 4:12

Lauter kolla krenn pengri budi, te wenn i tsele patsle soreles an o patsepen, un te haiwenn le o Debleskri budi mishto te krell.

Kolossarja 1:25

Lengro budepaskro wom me. O Dewel das man koi budi, te penap tumenge o tselo Debleskro lab.

Kolossarja 4:17

Penenn ap o Archippo: Kre koi budi, hoi o rai Jesus tut das! Muk gar tele!

1. Tessalonikarja 5:6

Doleske, te sowas mer gar har i wawar, te rikras mare jaka pre, un te das jak har djiwah!

1. Timoteo 4:12

Ninna te hal tu terno, ma muk tut ap i rig te tchiwell! Tu djiwess jaake, te dikenn i wawar patsle, har hunte djiwenn jon. Kowa dikenn le ap tire laba, tiro djipen, tiro kamlepen i wawarenge, tiro patsepen ap o Jesuseste, un tiro djudjo dji.

1. Timoteo 4:15

Kre kowa lauter tiro tselo djijeha un tiri tseli sorjah, te dikell hakeno, kai tiro patsepen bareder wella!

2. Timoteo 1:8

Ma ladj tut, te rakress tu maro rajestar, o Jesusestar! Ma ladj tut mange, ninna te hom me kanna leske an o stilepen! Na-a, rake maro rajestar, ninna te wenn duka ap tute, jaake har me lau duka ap mande, te well o latcho lab o Jesusestar penlo. O Dewel dell tut i soor.

2. Timoteo 2:10

Me lau kowa lauter ap mande kol menshenge, kolen o Dewel win rodas, te lenn jon o djipen un o railepen, hoi gar pre-herella. Kowa dell len o Jesus Kristo.

2. Timoteo 2:3

Jaake har i latcho kurepaskro duka ap peste lella, jaake le ninna duka o Jesus Kristeske ap tute!

2. Timoteo 4:17

O rai Jesus his ap miri rig, un das man i soor, te nai penap kote o tselo latcho lab lestar, jaake te shunan les ninna kolla, kai hi kek bibolde. Un job las man jaake dran lengre wasta win, har te woms dran i leweskro mui win lino.

Hebrearja 13:17

Shunenn ap kolende, kai sikrenn tumen, har te djan ap o Debleskro drom! Krenn kowa, hoi jon tumenge penenna! Lengri budi hi, te denn le jak ap tumende. Un jon hunte penenn o Debleske, har jon kran pengri budi. Djiwenn jaake, te krenn le pengri budi i bachtelo djijeha! Te rowenn jon pral tumende, palle wals kowa tumenge gar mishto.

1. Petro 1:13

Doleske awenn gar khino an tumare djia, un denn garda, te atchenn ap o Debleskro drom! Dikenn ap ko baro latchepen, hoi o Dewel dell tumen ap ko diwes, kai well o Jesus Kristo pale.

Debleskro tsiro 3:2

Stenn pre o sopastar! Mashkral tumende hi gomme menshe, kai patsenn ap mande. Kolla hi gar bud. Un lengro patsepen hi tikno. Krenn lengro patsepen pale soreles! Glan miro Debleste hi kowa gar mishto doha, hoi tumer mange krenn.