2. Timoteo 3:7 - O Debleskro Drom 2021 (Sinte)

⁷ Kalla djuwja kamenn hako tsiro newo koowa te shunell un haiwenn gar, hoi o tchatchepen hi.

O Debleskro Lab 2024 (Sinte-Manouche)

⁷ Kalla djouvya kamenn hako tsiro nevo koova te shounell oun hayvenn gar, hoy o čačepen hi.

2. Timoteo 3:7 ပူးပေါင်းရင်းမြစ်များ

Gosewe laba 14:6

I pre-phurdo, te rodell lo o goswepen, hatsell lo les gar. Kowa, kai peskro djijeha rakrell, koleske hi gar phares tchomone dren te dikell.

Mateo 13:11

Penas lo ap lende: O Dewel mukell tumen te haiwell, har kote djal, kai dell lo menshen pash peste gole, te djan le ap leskro drom. I wawar menshe haiwenn kowa gar.

Johanni 5:44

Har nai patsenn tumer mange? Tumer rodenna, te well jek i wawarestar sharedo. Te wenn tumer o Deblestar sharedo, kowa hi tumenge tchi moldo.

Efesarja 4:14

Palle ham buder gar har tikne tchawe, kai lauter patsenna, kau diwes jaake un ko wawar diwes wawartchandes. Un mer shunah buder gar ap kolende, kai chochenna, un kamenn men o tchatcho dromestar tele te anell.

5. Mose 29:4

40 (star-deesh) bersha djas lo glan tumende an o mulo tato them: Tumare koola djan gar paash, un tumare kircha ap tumare pire nashan pen gar tele.

1. Timoteo 2:4

Job kamella, te wenn i tsele menshe ap leskro drom, un te haiwenn le leskro tchatchepen.

2. Timoteo 2:25

ninna te kamenn le gar ap leste te shunell. Job rakrell latches lentsa, te anell lo len ap o tchatcho drom! O Dewel nai dell len o dji, te mukenn le pengro tchilatcho drom, un te haiwenn le, hoi o tchatchepen hi.

Hebrearja 5:11

Pral kowa wals men tumenge budeder te penell. Un menge hi kowa phares, te rakras jaake, te haiwenn tumer les: Tumare djia wan khino.