2. Timoteo 3:3 - O Debleskro Drom 2021 (Sinte)

³ Len hi kek dji i wawarenge. Jon wenn gar pale latches pal o tchingepen. Jon rakrenn chochepen pral o wawareste. Jon hi bipandlo un dukrenn i wawaren. Jon kamenn kek latchepen.

O Debleskro Lab 2024 (Sinte-Manouche)

³ Len hi kek dji i vavarenge. Yon venn gar pale lačes pal o čingepen. Yon rakrenn rhorhepen pral o vavareste. Yon hi bipandlo oun doukrenn i vavaren. Yon kamenn kek lačepen.

2. Timoteo 3:3 ပူးပေါင်းရင်းမြစ်များ

1. Mose 49:7

Lengri choli chatchrell sik baro. An lengri choli krenn le sawo tchilatcho dareno koowa. Doleske wenn le praassedo! Kamau te wenn le jaake tradedo, te atchenn le buder gar khetne an Israel. Awa, kate te kote an o tselo them hunte djiwenn lengre tchawen, kai pal lende wenna.

Debleskri gili 15:4

Kowa, kai hadell gar kolen, kai kowa krenna, hoi o baro Dewel gar kamella, Na-a, job hadell kolen, kai o baro Debleha djiwenna. Job krell, ap hoi job pes sowel das, ninna te well kowa leske phares.

Debleskri gili 22:6

Ap tute dan le gole, un tu lal len win. Ap tute dikan le, un tu mukal len gar kokres.

Jesaja 53:3

I menshe dikan tele ap leste, un tchiwan les ap i rig. I mursh pherde duka un nasslepen his lo. I grecho his lo lenge, glan koleste jon pengro shero krik rissran. Un menge his lo tchi-moldo.

Jesaja 60:14

Un i tchawe kolendar, kai rikran tut tele, wenn pash tute, un tchiwenn pen glan tute tele. Un kolla, kai praassan tut, witsrenn pen glan tire herja an i tchik. Un jon kharenn tut ‘foro o baro Deblestar’, un ‘Zion, o foro o Israeleskro Deblestar’.

Daniel 8:23

Ap ko tsiro, kai lengro rajengro tsiro tele naashedo hi, hadenn pen bud menshe pral o Debleste un krenn baro tchilatcho koowa. Palle stell i baro rai pre, koles hi i tchilatcho mui, un hi i baro chocheno.

Mateo 10:21

Ap ko tsiro dell i phraal peskro phrales an lengre wasta, te well lo maredo. Un o dad dell o tchawes an lengre wasta, te well job maredo. Un i tchawe hi midjak ap pengre dadende un pengre dajende, un denn len an i wasta kolendar, kai marenn len.

Mateo 4:1

Pal kowa anas o Debleskro Ducho o Jesuses an o mulo them, kai kamas les o beng o Debleskro dromestar tele te anell.

Louka 10:16

Pale penas o Jesus ap peskre malende: “Koon ap tumende shunella, kowa shunella ap mande. Un koon shunell gar ap tumende, kowa shunell witar gar ap mande. Kowa, kai shunell gar ap mande, kowa shunell ninna gar ap koleste, kai bitchras man.”

Louka 16:14

Kol Farisarja shunan kowa lauter. Jon his pal i lowe, un jon san pral o Jesuseste.

Johanni 6:70

O Jesus penas lenge: “Me rodom tumen deesh-te-dujen win. Un an jekeste tumendar hi o beng.”

Remarja 1:29

Jon hi pherdo tchilatchepen, djunglepen, ninna bok pal i lowe. Jon hi tchilatcho un silwerenn, tchingrenn, chochenn, marenn, un dukrenn i wawaren. Jon rakrenn djungeles pral i wawarende,

Remarja 1:31

Jon kamenn tchi te haiwell. Jon rikrenn gar pengro lab. Len hi kek kamlepen, witar kek dji i wawarenge.

1. Korintarja 7:5

Kek tumendar te rikrell pes kol wawarestar pale! Tumer nai rikrenn tumen i tikno tsiro pale, te kamenn tumer dui kowa, te mangenn o Debles an. Un pal kowa awenn pale khetne har rom un romni! Te krenn tumer kowa gar, palle nai well, te han buder gar o rai pral tumende un perenn an o bengeskro wast.

1. Korintarja 7:9

Tumer te djiwenn nai gar kokres, palle romedinerenn. Hi feteder, te romedinerenn tumer, har te dukell o mursheskro dji pal i djuwjate un i djuwjakro dji pal i mursheste.

1. Tessalonikarja 4:8

Koon kamell kol laba gar te shunell, kowa tchiwell o Debles ap i rig, un gar i menshes. Un o Dewel hi kowa, kai das peskro Ducho an tumende.

1. Timoteo 3:11

I djuwja, kai hi i patslenge koi, hunte djiwenn ninna latches glan i menshengre jaka. Jon rakrenn kek chocheno koowa pral i wawarende. Jon rakrenn kek dinelo koowa. Jon krenn pengri tseli budi mishto.

Tito 1:8

Na-a, job well gar jaake! Job lell i wawaren latches an peskro kheer dren! Les well i baro dji i wawarenge. Job dell pes jak, hoi job rakrella. Job hi tchatcho un krella, hoi o Dewel kamella. Job nai lell pes khetne.

Tito 2:3

Pen i phure djuwjenge, te djiwenn le jaake, har o Debleskre tchawe djiwenna, te rakrenn le gar djungeles pral i wawarende, te pijenn le pen gar mato! Jon hunte sikrenn i wawaren, hoi latcho hi.

Jakobo 2:6

Har hi kowa pash tumende? I tchorwele hi tumenge tchi moldo. I brawele hi tumenge budeder moldo. Un jon hi kolla, kai rikrenn tumen tele, un anenn tchilatcho koowa ap tumende un anenn tumen glan i tchatchepangre.

2. Petro 2:14

An lengre jaka dikeh, kai dikenn le pal haki djuwjate. Hako tsiro hi len bok pal tchilatcho koowa. Un jon anenn kolen o tchatcho dromestar tele, kai hi gar sorelo an o patsepen. Lengro dji hi pherdi bok pal i lowe. Praassedo hi le!

2. Petro 2:19

Kolenge penenn le, te nai krenn jon, hoi jon kamenna. Kol chochene sikepangre hi pandlo ap o tchilatchepen, hoi krell lengro djipen paash. I mensho hi pandlo ap kowa, hoi sorleder hi har job.

2. Petro 3:3

Me kamau, te djinenn tumer, glan ko tsiro, kai o Jesus Kristo pale wella, wenna menshe pash tumende, kai san pral tumaro patsepen. Kolla djiwenn jaake har jon kamenna,

Judas 1:16

Kolla hi sawe menshe, kolenge kowa gar mishto doha hi, hoi o Dewel len das. Un jon choirenn pen, kai lenge gar feteder djal. Jon djiwenn pal pengro shero. Jon hi sharede, kai rakrenn shukar labentsa i menshentsa, te lenn le lendar latcho koowa.

Judas 1:18

Jon penan: Glan ko tsiro, kai maro rai Jesus pale wella, wenna sawe menshe, hoi san pral o Debleskro koowa, un djiwenn jaake, har jon kamenna un krenn, hoi o Dewel gar kamella.

Debleskro tsiro 13:15

Un ko duito viecho las i soor, te krell lo ko vieches djido, hoi i menshe penge kran, jaake te nai rakrell kowa ninna, un te nai krell job, te wenn lauter maredo, kai les gar an-mangenna.

Debleskro tsiro 13:17

Ko sikepen nai well o viecheskro lab, ninna leskri numra. Koles, kai ko lab gar ap peste hi, witar gar leskri numra, kowa nashte ginell tchi, un nashte bikrell tchi.

Debleskro tsiro 16:6

Jon maran tire menshen, ninna tire rakepangren, un mukan lengro rat te nashell. Un kanna hunte pijenn le o rat. Kowa hi lengri phagi.”

Debleskro tsiro 17:6

Un me dikom, kai koi djuwel mato his o ratestar, hoi nashas, har o Debleskre menshe maredo wan, kolla, kai patsan ap o Jesuseste un dan pengro patsepen gar pre. Un me nashte patsom gar, hoi dikom.