2. Timoteo 2:7 - O Debleskro Drom 2021 (Sinte)

⁷ Muk an tiro shero trujel te djal, hoi penom tuke! Un o rai Jesus dell tut o goswepen, te haiwess kowa lauter.

O Debleskro Lab 2024 (Sinte-Manouche)

⁷ Mouk an tiro shero trouyel te djal, hoy penom touke! Oun o ray Yezous dell tout o gosvepen, te hayvess kova lauter.

2. Timoteo 2:7 ပူးပေါင်းရင်းမြစ်များ

1. Familjakro liil 22:12

Mu dell lo tut goswepen, te djiness, hoi te kress. Job krell tut rai pral Israel, te djas ap leskro drom.

1. Familjakro liil 29:19

Un miro tchaweste Salomo de i tchatcho dji, te rikrell lo tire laba, un krell, hoi tu lestar kameh, un djiwell pal tiro tchatchepen; te krell job ninna lauter, te well tuke kau kheer kerdo, koleske kau tselo koowa khetne anom.

Debleskri gili 119:125

Tiro budepaskro hom me. Muk man tire laba te haiwell, hoi menge sikrenn, har te djiwas.

Debleskri gili 119:144

Tire laba, hoi menge sikrenn, har te djiwas, atchenna hako tsiro tchatcho. Sike mande, har te haiwap len! Palle djiwau.

Debleskri gili 119:73

Tire wasta kran man un rikran man. Kre, te haiwap tire laba!

Debleskri gili 64:9

Lengre laba kokres krenn, te san kolla pral lende, kai dikenn len.

Gosewe laba 24:32

Un me dikom kowa, un mukom les an miro dji te djal; un kowa sikras mange:

Jesaja 1:3

Haki grumni prindjrell koles, koneske joi hi. Un haki burika djinell koi platsa, kai lakro rai dell lat te chal. O Israel prindjrell kowa gar. Mire menshe haiwenn kowa gar.

Jesaja 28:26

Un har job kowa hunte krell, sikras les o Dewel, kowa hoi job djinell, well lestar.

Jesaja 5:12

Jon mukenn penge mishto te djal un krenn bashepen ap dorjengre bashepangre un phurdepangre un wawar bashepangre. Un mool hi ninna pashel. Ap kowa, hoi o baro Dewel krell, dikenn le gar. Kolestar kamenn le tchi te djinell.

Daniel 1:17

Un kol star terne murshen das o Dewel i baro goswepen, te haiwan le lila an bud rakepen te drawerell. Ninna haiwan le pen win an bud koowa. Un o Daniel haiwas ninna te penell, hoi sunja un dikepen kamenn te penell.

Louka 21:15

Me dau tumen ko goswepen, un penau tumenge, hoi tumer hunte penenn. Un palle djinenn le buder gar, hoi te penenn le.

Louka 24:45

Un palle das lo len goswepen, te haiwenn le o Debleskro lab,

Louka 9:44

“Ma bistrenn, hoi me tumenge penau: Me, o Mensheskro Tchawo, wau an i menshengre wasta dino!”

Johanni 14:26

Me te hom buder gar pash tumende, bitchrell o dad tumenge o rakepaskres, kai well ap tumari rig. Kowa hi o Debleskro Ducho. Un job penell tumenge halauter jaake, te nai haiwenn kowa mishto. Un job mukell tumenge halauter an o shero te well, hoi me tumenge penom.

Johanni 16:13

Te well o Debleskro Ducho, kai o tchatchepen an leste hi, sikrell lo tumende o tselo tchatchepen. Job rakrell gar dran peste. Hoi job shunella, kowa rakrell job. Un hoi wella, penell job tumenge glan-wi.

Bičepangre 7:10

un las les win dran halauter, hoi o Josefeske pharo his. Un o Dewel das les bud goswepen un kras, te dikas o baro rai pral o them Egiptia latcho ap o Josefeste. Ko baro rai kras, te was o Josef o rai pral o tselo them Egiptia un pral o tselo rajeskro kheer.

1. Korintarja 12:8

Ko jekes dell o Debleskro Ducho i gosewo lab, un i wawares, te haiwell lo, hoi o Dewel kamella. Un job penell kowa i wawarenge dureder. Hi jek Debleskro Ducho, kai kowa lauter krella.

5. Mose 32:29

Har kamaus, te wans le gosewo! Palle haiwans le, hoi ap lende wella.

5. Mose 4:39

Jaake hunte djinenn kau diwes un bistrenn kowa gar: Dell kek wawar Dewel har o baro Dewel kokres. Kek wawar dewel hi an o bolepen un witar gar ap i phub.

Filiparja 4:8

Pale penau tumenge, mire phrala, rakrenn pral kowa, hoi latcho un tchatcho hi, hoi djudjo hi, hoi kamlo hi, hoi mishto hi pash i menshende! Awa, rakrenn pral lauter kowa, hoi shukar hi un well sharedo!

Kolossarja 1:9

Un har mer kowa shunam, mangam o Debles tumenge, un mukam gar tele, te mangas lestar, te dell lo an tumende o goswepen, hoi dell o Debleskro Ducho, te haiwenn tumer, hoi o Dewel kamella.

1. Timoteo 4:15

Kre kowa lauter tiro tselo djijeha un tiri tseli sorjah, te dikell hakeno, kai tiro patsepen bareder wella!

2. Timoteo 2:6

O hacho, kai phares budrella, hi o glanstuno, kai chal kolestar, hoi dran i phub was.

2. Timoteo 2:8

Rike an tiro shero o Jesus Kristes! Koles las o Dewel dran i mulende win, un kras les djido. Job his o Davideskre menshendar. Jaake penau kowa i menshenge.

Hebrearja 12:3

Dikenn, hawo tchilatcho koowa i tchilatche menshe ap leste kran, te wenn tumer gar khino an tumare djia, un te atchenn soreles an o patsepen!

Hebrearja 13:7

Ma bistrenn, har kolla pengro djipen djiwan, kai penan tumenge o Debleskro lab, un sikran tumen leskro drom! Dikenn, har jon djiwan un meran, un soreles an o patsepen tardo his! Djan jaake ap o Jesuseskro drom har jon djan!

Hebrearja 3:1

Mire patsle phrala, o Dewel das tumen gole, te djiwenn pash leste an o bolepen. Doleske dikenn ap o Jesuseste, kones o Dewel bitchras, te anell lo i menshen ap leskro drom. Les hi peskro dadeskro wast. Un job hi maro baro rashai. Ap leste patsah mer. Job mangell o Debles menge.

Hebrearja 7:4

Kowa sikrell tumen, har baro o Melchisedek his! Koles das maro kamlo dad, o Abraham, o deshto kotar lauterestar, hoi las job an o kurepen.

Jakobo 1:5

Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.

Jakobo 3:15

Sawo goswepen well gar o Deblestar. Kowa well o menshestar un o bengestar.

Jakobo 3:17

Ko goswepen, hoi o Deblestar wella, hi wawartchandes. I mensho, kai hi les kau goswepen, kowa djiwell i djudjo djipen. Job kamell te djiwell lo latches i wawarentsa khetne. Job hi kamlo un latcho. Les hi i dji i wawarenge, un krell bud latcho koowa. Job mukell pes gar ap jekeskri rig te tserdell. Les hi gar dui tchipja.

1. Johanni 5:20

Mer djinah, kai o Debleskro tchawo ap kai phub was, te krell lo mare jaka pre, te prindjras o tchatcho Debles. Un jaake har mer ham khetne o Debleskro Tchaweha, o Jesus Kristeha, jaake ham khetne o tchatcho Debleha. O Jesus Kristo hi o tchatcho Dewel. Un job dell ko djipen, hoi gar pre-herella.