2. Timoteo 2:6 - O Debleskro Drom 2021 (Sinte)

⁶ O hacho, kai phares budrella, hi o glanstuno, kai chal kolestar, hoi dran i phub was.

O Debleskro Lab 2024 (Sinte-Manouche)

⁶ O harho, kay phares boudrella, hi o glanstouno, kay rhal kolestar, hoy dran i phoub vas.

2. Timoteo 2:6 ပူးပေါင်းရင်းမြစ်များ

Gosewe laba 27:18

Kowa, kai ap peskro faigetikro ruk jak della, kowa chal lestar ninna. Un kowa, kai ap peskro rajeste latchepen krell, well lestar sharedo.

Mateo 20:1

Un o Jesus penas lenge, har kote hi, kai dell o Dewel menshen pash peste gole, te djan le ap leskro drom. O Dewel hi har i rai, koles his i kotar them, kai drakengre ruka tardo hi. Sik taissarlake djas lo an o foro dren, un rodas peske i budepangren, te budrenn le ap leskro kotar them.

Mateo 25:16

Un ko mursh, kai kol pantch gone pherdo rup las, kowa djas sik pash i bikepangre, ginas un bikras bud koowa, un anas pantch wawar gone pherdo rup khetne pashel.

Louka 10:2

Un job penas ap lende: “Bud djob hi win tardo, te well lo an o kheer dren anlo. Jaake hi bud menshe koi, kai kamenn pash o Debleste te well. Un hi gar doha budepangre koi, te anenn le len pash leste. Doleske mangenn o Deblestar, te bitchrell lo budepangren, kai leske budrenna!

1. Korintarja 9:23

Kowa lauter krau me, te patsenn bud ap o latcho lab o Jesus Kristestar, te lap ninna kowa, hoi mange o Dewel an peskro lab penella.

2. Timoteo 2:7

Muk an tiro shero trujel te djal, hoi penom tuke! Un o rai Jesus dell tut o goswepen, te haiwess kowa lauter.

Hebrearja 10:36

Tumer hunte wenn gar khino an tumare djia, te krenn kowa lauter, hoi o Dewel kamella! Palle dell lo tumen peskro brawlepen jaake, har job penas.

Hebrearja 6:7

Mer menshe ham har i phub, ap late bud kope o brishin das. O Dewel dikell latches ap koleste, kai hi har koi phub, hoi lell o brishin an peste dren, un anell latcho koowa win kolenge, kai budrenn koi.