2. Timoteo 1:5 - O Debleskro Drom 2021 (Sinte)

⁵ Dikom tiro patsepen, an koleste kek chochepen hi. Kau patsepen his ninna an tiri mamjate Lois, un an tiri date Eunike. Un me djinau, kai djiwell kau patsepen ninna an tute.

O Debleskro Lab 2024 (Sinte-Manouche)

⁵ Dikom tiro patsepen, an koleste kek rhorhepen hi. Kava patsepen his ninna an tiri mamyate Lois, oun an tiri date Eunike. Oun me djinau, kay djivell kava patsepen ninna an toute.

2. Timoteo 1:5 ပူးပေါင်းရင်းမြစ်များ

1. Timoteo 1:5

Lauter, hoi peneh tu lenge pral o patsepen, hunte sikrell lende, te well lengro kamlepen dran i djudjo dji, un te well len i patsepen, an koleste kek chochepen hi, un te krenn le lauter jaake, har lengro dji lenge penella.

Bičepangre 16:1

Jon wan ninna an i forja Derbe un Listra. Koi his i terno patslo mursh. Kowa kharas Timoteo. Leskri dai his i biboldetsa. Un joi his patslo. Leskro dad his kek biboldo.

1. Timoteo 4:6

Te peneh tu kau koowa i patslenge, hal tu o Jesuseskro latcho budepaskro. Jaake sikreh, kai djiweh pal o latcho lab o Jesus Kristestar, hoi tu shunal un patsal, un kai djah tu dureder ap o Debleskro drom!

2. Timoteo 3:15

Tu prindjreh o Debleskro lab fun tiknes pre. Un ko lab das tut o goswepen, te hatsal o drom pash o Jesus Kristeste un haiwal, tu hunte patsess ap o Jesus Kristeste, te less ko djipen, hoi gar pre-herella.

Remarja 15:14

Mire phrala, me djinau tchatchepah, tumaro dji hi pherdo latchepen. Un tumer djinenn lauter, hoi o Dewel tumendar kamella. Jaake nai sikrell ko jek o wawareste o tchatcho drom.

Hebrearja 6:9

Kamle mala, ninna te rakrah jaake, patsah soreles, te han tumer ap i feteder drom. Ko drom anell tumen pash o Debleste.

2. Timoteo 1:12

Doleske hunte lap kawa lauter ap mande kate an o stilepen, un me ladjau gar. Me djinau, ap koneste patsaua. Un me djinau, kai o Jesus Kristo rikrell peskre wasta pral kowa, hoi job an miro wast das, bis te job pale wella.

2. Korintarja 6:6

Maro djipen sikrella, te ham o Debleskre budepangre. Mer djiwah i djudjo djipen un djinah, hoi o Dewel kamella. Mer wah gar khino an mare djia, ham kamlo, un krah, hoi o Debleskro Ducho menge penella. Un an maro kamlepen hi kek chochepen.

Remarja 8:38

Me djinau soreles: Tchi nai lell o Debleskro kamlepen mendar krik: kek merepen, kek djipen, kek bolepangre, witar kek tchilatche sorja. Tchi, hoi ap mende wella, kanna un an ko tsiro, hoi wella,

Remarja 4:21

Peskro tselo djijeha djinas lo, o Dewel nai krell kowa, hoi job penas.

Debleskri gili 116:16

Ach, baro Dewel, me hom jek kolendar, kai tuke budrenn. Awa, tiro budepaskro hom un budrau tuke har miri dai kras. Tu kral i shelle pre, hoi pandan man.

Debleskri gili 86:16

Risse tut pash mande, un ab mange latches! Hom tiro budepaskro, – de man tiri soor! Ninna miri dai his tiri budepaskretsa, doleske ab ap miri rig!

Hebrearja 11:13

Kol phure patsle meran lauter. Ninna te lan le kowa gar, hoi kamas o Dewel len te dell, patsan le, te lenn le les. Jon dikan kowa dur glan pende, un his bachtelo pral kowa. Jon penan pendar, te hi len kek them ap i phub, un te hi le kate gar khere.

Remarja 14:14

Me djinau soreles, – maro rai Jesus sikras man kowa: Dell tchi, hoi hi pale-tchiddo an peste. Kowa kokres, kai patsell, te krell tchomone les pale-tchiddo, koleske hi kowa pale-tchiddo.

Remarja 14:5

Jekeske hi jek diwes i Debleskro diwes, ko wawareske hi lo kowa gar. Hakeno hunte djinella peske, kowa, hoi job krella, hi tchatcho un latcho.

Bičepangre 26:26

O baro rai Agrippa djinell kowa lauter. Man hi kek traash, te rakrap leha pral halauter. Me djinau, job shunas kowa lauter. Kowa, hoi koi djas, atchas gar khatedo.

Johanni 1:47

Har o Jesus dikas, kai o Natanael was, penas job: “Dikenn, koi well i tchatcho Israelitari. Un kek chochepen hi an leste.”

Jeremia 3:10

Un an ko tselo koowa was i Juda, lakri pheen, gar pash mande o tselo djijestar, kokres o mujeha, penas o baro Dewel.

Debleskri gili 81:15

Sik anoms ladj ap kolende, kai ap lende djan, un tchiwoms miro wast phares ap lende.

Debleskri gili 77:6

Mange was o phuro tsiro an o shero, kol bersha, hoi glan i rah tsiro his, stan an mande pre.

Debleskri gili 66:3

Penenn ap o Debleste: Har baro hi kowa lauter, hoi tu kral. Kolla, kai tut gar kaman, hunte tchiwenn pen tele glan tute, glan tiri bari soor!

Debleskri gili 22:10

Tu, mo Dewel hals kowa, kai kras te wom boldo, tu mukal man kek darjah te sowell ap o betch miri datar.

Debleskri gili 18:44

Tu lal man win dran o tchingepen mire menshentsa, un kral man o rai pral i menshende dran wawar themma, Menshe, kolen me gar prindjrom, budrenn mange.

Debleskri gili 17:1

I mangepen o Davidestar. Baro Dewel, shun, hoi tutar mangau: De man miro tchatchepen! De jak, har dau ap tute gole! Shun miro mangepen, hoi well dran i mui, hoi gar chochella!

1. Petro 1:22

Tumer shunan ap o tchatcho lab, un tchiwan o tchilatchepen dran tumaro djipen krik. Kanna nai kamenn tumen tchatchepah har phrala un phenja. Mukenn gar tele, te kamenn tumen o tselo djijestar!