2. Samuel 9:3 - O Debleskro Drom 2021 (Sinte)

³ Penas o baro rai ap leste: “Hi kote gomme jek o Sauleskre menshendar, te krap me o Debleskro latchepen ap leste?” Penas o Ziba ap o baro rajeste: “Koi hi gomme i tchawo o Jonatanestar, koleskre herja hi bango.”

O Debleskro Lab 2024 (Sinte-Manouche)

³ Penas o baro ray ap leste: “Hi kote gomme yek o Sauleskre menshendar, te krap me o Debleskro lačepen ap leste?” Penas o Siba ap o baro rayeste: “Koy hi gomme i čavo o Yonatanestar, koleskre herya hi bango.”

2. Samuel 9:3 ပူးပေါင်းရင်းမြစ်များ

2. Samuel 19:26

Har job kanna dran o foro Jerusalem was, te taprell lo o baro rajes, putchas o baro rai lestar: “Hoske djal tu gar mantsa, Mefi-Boshet?”

2. Samuel 19:27

“Miro baro rai”, penas job, “tu djineh, kai hom bango. Me penom ap miro budepaskro Ziba, te tchiwell lo i ledertikri plachta ap i esla, te beshap koi pre un klissap pash o baro rajeste. Un miro budepaskro chochras man.

2. Samuel 4:4

Ninna o Sauleskro tchawes, o Jonatanes, his i tchawo. Kowa his bango ap hake dui herja. Job his pantch bersh har leskro papo, o Saul, un leskro dad, o Jonatan, marede wan an Jesreel. Har kowa leskri familja shunas, hadas les koi djuwel pre, kai ap leste jak das, un nashas peske. Un har joi sik krik nashas, peras job, un his bango fun ko tsiro. Job kharell Mefi-Boshet.

2. Samuel 9:13

Un o Mefi-Boshet djiwas an o foro Jerusalem un chas hako diwes ap o baro rajeskri chapaskri. Un job his bango ap hake dui herja.

2. Samuel 9:7

Un o David penas ap leste: “Ma traash! Me kamau latchepen ap tute te krell. Kowa krau tiro dadeske Jonatan. Ko tselo brawlepen tiro papestar Saul kamau tuke pale te dell. Un tu nai chah hako diwes ap miri chapaskri.”

Louka 6:36

Tumen hunte well hakeneske i baro dji, jaake har o Debles hakeneske i baro dji hi.

5. Mose 10:15

Tumare phuren kamas lo o djijestar. Un tumer, kai lendar wan, rodas lo peske win mank i menshende dran an i tsele wawar themma. Un ninna kau diwes han tumer leskre wi-rodede menshe.

5. Mose 4:37

Job kamas tumare phuren o tselo djijestar, un rodas lengre tchawen win un kolengre tchawen, un halauter kai lendar wenna. Un job djas tumentsa, har anas lo tumen win dran o them Egiptia peskri bari sorjah,