2. Samuel 8:18 - O Debleskro Drom 2021 (Sinte)

¹⁸ O Benaja, koleskro dad o Jojada hi, his o pralstuno pral kol Kretarja un Pletarja, kai his trul o baro rajeste tardo, te denn le ap leste jak. Ninna o Davideskre tchawe his rashaja.

O Debleskro Lab 2024 (Sinte-Manouche)

¹⁸ O Benaya, koleskro dad o Yoyada hi, his o pralstouno pral kol Kretarya oun Pletarya, kay his troul o baro rayeste tardo, te denn le ap leste yak. Ninna o Davideskre čave his rashaya.

2. Samuel 8:18 ပူးပေါင်းရင်းမြစ်များ

2. Samuel 15:18

Un leskre tsele lurde djan ap leskre dui rigja, ninna i tsele Kretarja un i tsele Pletarja. Kolla dran o foro Gat djan glan leste. Kolla his shob-sheel mursha, kai leske dran o foro Gat palla djan.

2. Samuel 20:23

O Joab his o pralstuno pral kol tsele lurdende an Israel. Un o Benaja, koleskro dad o Jojada his, his o pralstuno pral kol Kretarja un Pletarja.

2. Samuel 20:26

Ninna o Ira i menshendar Jair his o Davideskro rashai.

2. Samuel 20:7

Koi djas o Abishai khetne o Joabeha un leskre lurdentsa win dran o foro Jerusalem. Ninna i Kretarja un i Pletarja un kol tsele sorele kurepangre djan lentsa. Un jon lan o Shebaes palla.

1. Rajengro liil 1:38

Un o rashai Zadok, un o Debleskro rakepaskro o Natan, un o Benaja, koleskro dad o Jojada his, un i Kretarja un i Pletarja djan tele un mukan o Salomes te klissell ap i burika o baro rajestar David, un jon anan les pash o pani Gihon.

1. Rajengro liil 1:44

un bitchras leha o rashai, o Zadok un o Debleskro rakepaskro, o Natan, un o Benaja, koleskro dad o Jojada hi, un i Kretarja un i Pletarja. Un jon mukan les te klissell ap i burika o baro rajestar.

1. Rajengro liil 1:8

O rashai Zadok his gar leha, witar gar o Benaja, koleskro dad o Jojada his, witar gar o Debleskro rakepaskro, o Natan, witar gar o Shimi, un o Rei, un o Davideskre sorele kurepangre.

1. Rajengro liil 2:25

Un o baro rai Salomo bitchras o Benaja, koleskro dad o Jojada his, pash o Adonija, un kowa das les mulo.

1. Rajengro liil 4:4

O pralstuno lurdo his: o Benaja, koleskro dad o Jojada his. I rashaja his: o Zadok un o Abjatar.

1. Rajengro liil 4:5

O rai pral kol pralstunende, kai his tardo pral o them, his: o Asarja, koleskro dad o Natan his. O baro rajeskro maal his: o Sabud, koleskro dad o Natan his.

2. Rajengro liil 11:4

An o eftato bersh bitchras o rashai Jojada bitchepangre, un mukas kol pralstune lurden un klisten gole te dell, kai dan jak ap o rajeskro kheer. Un jon wan pash leste an o baro Debleskro kheer. Un kote las job lendar i sowel tele, te rikrenn le pash leste. Un job sikras len o rajeskro tchawo.

1. Familjakro liil 11:22

O Benaja, koleskro dad o Jojada his, dran o gab Kabzeel, his i wawar kurepaskro mursh, kai baro koowa kras. Kowa das kol dui sorele murshen mulo, kai wan kharedo ‘lewe dran Moab’. Ap i diwes, kai gib das, djas lo an i brunna, un das koi i lewes mulo.

1. Familjakro liil 18:17

O Benaja, koleskro dad o Jojada hi, his o pralstuno pral kol Kretarja un Pletarja, kai his trul o baro rajeste tardo, te denn le ap leste jak. Un o Davideskre tchawe his i glanstune ap i rig o baro rajestar.

Ezekiel 25:16

Doleske penau me, o baro Dewel, tumaro rai: Me hadau miro wast, te dap i Filistarjen i phagi. I tsele menshen, kai an lengro them djiwenn, marau me, kol Kretarjen un ninna i wawaren, kai djiwenn pash o baro pani.

Zefanja 2:5

Djungeles djal kolenge, kai pash o baro pani djiwenn, kol menshenge, kai kharenna Kretarja! O baro Dewel mukell tumenge te penell: Tu them Kanaan, them, kai djiwenn i Filistarja, me kamau tut te marell. Kek tumendar, kai kote djiwell, atchell djido.

1. Samuel 30:14

Mer peram dren an o them Negev, kai i Kretarja djiwenn, un an o them Juda, un an o them Negev, kai kolla djiwenn, kai wenn pal o Kaleb. Un o foro Ziklag chatchram pre.”