2. Samuel 8:16 - O Debleskro Drom 2021 (Sinte)

¹⁶ O Joab, koleskri dai i Zeruja hi, his o pralstuno pral i tsele lurdende, un o Josafat, koleskro dad o Ahilud his, his o baro rajeskro rakepaskro.

O Debleskro Lab 2024 (Sinte-Manouche)

¹⁶ O Yoab, koleskri day i Serouya hi, his o pralstouno pral i tsele lourdende, oun o Yosafat, koleskro dad o Ahiloud his, his o baro rayeskro rakepaskro.

2. Samuel 8:16 ပူးပေါင်းရင်းမြစ်များ

2. Samuel 18:2

Pral kolla lauter tchiwas job triin lurdengre rajen, hakenes pral i triinto kotar kol lurdendar. Kolla triin his: o Joab, leskro phraal o Abishai, koleskri dai i Zeruja hi, un o Itai dran Gat. Un o baro rai penas ap i lurdende: “Me kamau tumentsa an o kurepen te djal.”

2. Samuel 19:13

Tumer han mire phrala, miro mass un rat. Hoske mukenn tumer kol tsele wawaren glan tumende pash o baro rajeste te well, te lenn le les pale pale?”

2. Samuel 2:13

Un o Joab, koleskri dai i Zeruja his, kowa djas kol lurdentsa o Davidestar ninna koi. Un jon tapran pen pash ko pani pash Gibeon, un atchan koi, kol jek ap kai rig, un kol wawar ap koi wawar rig ko panjestar.

2. Samuel 8:15

Jaake his o David baro rai pral o tselo them Israel, un kras, te lell hakeno peskro tchatchepen.

1. Rajengro liil 4:3

I tchinepangre, kai tchinan o rajeskre lila his: o Elihoref un o Achija, kolengro dad o Shisha his. Kowa, kai penas i menshenge o baro rajeskre laba his: o Josafat, koleskro dad o Ahilud his.

2. Rajengro liil 18:18

Kote mukan le o baro rajes te kharell. Un o Hiskija bitchras pash lende triin murshen: o pralstunes pral peskro kheer, o Eljakim, leskro dad hi o Hilkija, un o Shebna, kowa kai tchinell i lila, un o moskro Joach, koleskro dad o Asaf hi.

2. Rajengro liil 18:37

Un kol triin pralstune, kolen o Hiskija bitchras, o Eljakim, ko pralstuno pral leskro kheer, koleskro dad o Hilkija hi, un o Shebna, kai tchinas i lila, un o moskro Joach, koleskro dad o Asaf hi, jon kran pengre koola paash i dukatar un djan pash o Hiskija un penan leske kol laba, kai ko pralstuno dran o them Assur ap lende penas.

1. Familjakro liil 11:6

Un o David penas: “Koon o ersto hi, kai dell kol Jebusarjen, kowa wella o pralstuno lurdo!” Kote djas o Joab, koleskri dai i Zeruja hi, glan i wawarende pre an o foro, un was o pralstuno lurdo.