2. Samuel 8:15 - O Debleskro Drom 2021 (Sinte)

¹⁵ Jaake his o David baro rai pral o tselo them Israel, un kras, te lell hakeno peskro tchatchepen.

O Debleskro Lab 2024 (Sinte-Manouche)

¹⁵ Yaake his o David baro ray pral o tselo them Israel, oun kras, te lell hakeno peskro čačepen.

2. Samuel 8:15 ပူးပေါင်းရင်းမြစ်များ

2. Samuel 15:3

koi penas o Absalom ap leste: “Dikau, tu hal an o tchatchepen an kau koowa. Un kek hi pash o baro rajeste, kai shunell tut.

2. Samuel 20:23

O Joab his o pralstuno pral kol tsele lurdende an Israel. Un o Benaja, koleskro dad o Jojada his, his o pralstuno pral kol Kretarja un Pletarja.

2. Samuel 3:12

O Abner bitchras murshen pash o Davideste, te penenn le leske an o Abnereskro lab: “Koneske hi kau them? Kre mantsa win, te was mala! Un me wau ap tiri rig, te less o tselo Israel.”

2. Samuel 5:5

An o foro Hebron his les penepaske efta bersha un shob tchon pral o them Juda. Un an o foro Jerusalem his les penepaske 33 (trijanda-te-triin) bersha pral o Israel un o Juda.

2. Samuel 8:14

Un job tchiwas moskre dren an hako foro an o them Edom. Un o Davides his penepaske pral o tselo them Edom. O baro Dewel his ap o Davideskri rig, kai job ninna djas.

2. Samuel 8:16

O Joab, koleskri dai i Zeruja hi, his o pralstuno pral i tsele lurdende, un o Josafat, koleskro dad o Ahilud his, his o baro rajeskro rakepaskro.

1. Rajengro liil 10:9

Sharedo well o baro Dewel, kai tiro Dewel hi, job, kai dikell latches ap tute, un kras te wal o rai pral o Israel! O baro Dewel kamell peskre menshen Israel an hako tsiro. Doleske tchiwas lo tut pral lende, te wess lengro rai, te aness o tchatchepen pash lende, un hakeno peskro tchatchepen lell.”

1. Rajengro liil 4:1

Un jaake his o Salomo o baro rai pral o tselo Israel.

1. Familjakro liil 18:14

Jaake his o David baro rai pral o tselo them Israel, un kras, te lell hakeno peskro tchatchepen.

Debleskri gili 119:121

Me krau o tchatchepen, un djau o tchatcho drom. De man gar an o wast kolendar, kai kamenn ap mande pre te djan.

Debleskri gili 72:2

Kre lestar i tchatchepaskro rai, kai dell koles o tchatchepen, kones tchatcho hi, ninna te hi lo tchorwelo.

Debleskri gili 75:2

Mer sharah tut, maro Dewel. Mer parkrah men pash tute, te hal pash mende, un rakrah halauterestar, hoi tu kral an tiri bari soor.

Debleskri gili 89:14

Tut hi i soreli mussi, tiro wast hi sorelo, un pre hadedo tiro tchatcho wast, te sikress tiri soor pral i menshende.

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

Amos 5:15

Dikenn tchilatches ap kowa, hoi tchilatcho hi, un dikenn latches ap kowa, hoi latcho hi! Dikenn koi pre, te lell kowa peskro tchatchepen, koon an o tchatchepen hi! Palle nai well o baro Dewel latches kolenge, kai dran o kheer Josef pral atchenn. Job hi o rai pral o bolepen un i phub.

Amos 5:24

Krenn lauter, te well hakeneske peskro tchatchepen! Mukenn o tchatchepen te nashell an o tselo them har i lengsto pani, hoi les hako tsiro pani hi.

Hebrearja 11:33

Kol tsele mursha patsan, hoi o Dewel lenge penas. Mashkral lende his ninna kolla, hoi kuran pen kol bare rajentsa un kol rajengre lurdentsa. Un jon his sorleder har kol bare raja un lengre lurde. Wawar kran o tchatchepen un dikan pengre jakentsa, har kowa tchatcho was, hoi o Dewel lenge penas. Wawar wan glan bare un diwje margodje witsedo, un kolla dandran len gar.

1. Samuel 14:47

Har was o Saul o baro rai pral o Israel, djas lo an o kurepen lauterentsa, kai djiwan trul o them Israel un kaman les tele te rikrell. Kolla his i menshe dran o them Moab, Ammon un Edom, ninna i bare raja an o them Zoba, un i Filistarja. Un kai lo ninna djas, kote was lo o sorleder.