2. Samuel 7:6 - O Debleskro Drom 2021 (Sinte)

^6-7 Me djiwom an kek kheer, fun ko diwes, kai me kol Israelitarjen win anom dran o them Egiptia bis kai diwes. Man his tchi har i plachteno kheer har djom lentsa trujel. An ko tselo tsiro penom me kekeske, kai das garda ap mire menshende Israel: ‘Hoske kreh tu mange kek kheer dran zedertikro kasht?’

O Debleskro Lab 2024 (Sinte-Manouche)

^6-7 Me djivom an kek kheer, foun ko dives, kay me kol Israelitaryen vin anom dran o them Egiptia bis kay dives. Man his či har i plarhteno kheer har djom lentsa trouyel. An ko tselo tsiro penom me kekeske, kay das garda ap mire menshende Israel: Hoske kreh tou mange kek kheer dran cedertikro kasht?

2. Samuel 7:6 ပူးပေါင်းရင်းမြစ်များ

2. Samuel 11:11

Penas lo: “O Debleskro mochton, ninna i lurde dran Israel un Juda hi an plachtene khera. Un o Joab, miro pralstuno, un tire lurde sowenn ap i phub. Un me djap an miro kheer, te chap un pijap, un te wap pash miri romjate tchiddo. Jaake tchatcho har kowa hi, kai tu djiweh: Sawo koowa krau me gar.”

1. Rajengro liil 8:16

‘Ko tselo tsiro, har mire menshen Israel dran o them Egiptia win anom, rodom me kek foro win an o tselo them Israel, te krenn le mange kote i kheer, kai wap sharedo. Na-a, hi o David, koles win rodom, te well lo rai pral mire menshende Israel.’”

Bičepangre 7:44

O Stefano penas dureder: Mare phuren his o Debleskro tikno kheer, hoi his kerdo dran viechengre balla, un hidjran les lentsa, har djan le an o mulo them trujel. Kau kheer kran le jaake, har o Dewel kowa o Moseste ap i berga sikras.

2. Korintarja 6:16

An o Debleskro baro kheer well o djido Dewel kokres sharedo un kek wawar koowa. Mer halauter ham o djido Debleskro baro kheer. O Dewel penas: Me kamau te djiwap pash lende un mashkral lende. Me kamau lengro Dewel te well, un jon hi mire menshe.

5. Mose 23:14

Un hakeno, kai djal kote, lell i kasht peha, hadell i tikni cheb win, beshell pes, un tchakrell palle kowa, hoi lestar win djas.

Josua 18:1

Un i tsele Israelitarja wan khetne an o foro Shilo, un tchiwan kote o Debleskro plachteno kheer pre. Ninna te his o them an lengro wast un jon his rai pral leste,

Debleskro tsiro 2:1

“Tchin kau liil ap o Debleskro budepaskro, kai dell jak ap i patslende an o foro Efesus: Kawa penell kowa, kai rikrell kol efta bolepangre momlia an peskro tchatcho wast, un kai djal mashkral kol efta sonakangre momlia trujel.

Čačepangre 20:27

An ko tsiro his o Debleskro mochton, kai o Debleskre deesh laba dren his, koi tardo. Un o Pinhas his o rashai, kai kote o Debleske budras. Leskro dad his o Eleasar. Kowa his i tchawo o Aronestar. Un i Israelitarja putchan o baro Debles: “Djas mer gomme jek kopo pre, te kuras men mare phralentsa, i Benjaminentsa?” O baro Dewel penas: “Djan pre! Taissar dau len an tumare wasta!”