2. Samuel 7:14 - O Debleskro Drom 2021 (Sinte)

¹⁴ Me kamau leskro dad te well. Un job well miro tchawo. Un job te krell i tchilatcho koowa, dau me les i phagi, jaake har menshe i phagi denna.

O Debleskro Lab 2024 (Sinte-Manouche)

¹⁴ Me kamau leskro dad te vell. Oun yob vell miro čavo. Oun yob te krell i čilačo koova, dau me les i phagi, yaake har menshe i phagi denna.

2. Samuel 7:14 ပူးပေါင်းရင်းမြစ်များ

1. Rajengro liil 11:34

O Davideske, kai mange koi his, krau me kowa gar, jaake rah har o Salomo djiwell. O Davides rodom win, un job rikras pes ap mire laba un miro tchatchepen. Doleske nai atchell o Salomo baro rai peskro tselo djipen.

1. Rajengro liil 9:6

Te mukenn tumer miro drom, tumer un tumare tchawe, te rikrenn tumen gar pal mire laba un miro tchatchepen, hoi me tumenge dom, un djan pash wawar debla, un mangenn len an, un witsrenn tumen glan lende tele ap i phub,

1. Familjakro liil 17:13

Me kamau leskro dad te well. Un job well miro tchawo. Miro latchepen lau gar lestar krik, har me miro latchepen kolestar krik lom, kai glan tute o baro rai his.

1. Familjakro liil 22:10

Kowa te krell mange i kheer. Un job mu well miro tchawo, un me kamau leskro dad te well. Un me krau, te well hako tsiro jek leskre tchawendar o rai pral Israel.’

1. Familjakro liil 28:6

Un ap mande penas lo: ‘Tiro tchawo, o Salomo, krell mange i kheer un platse koi glan. Les rodom mange win, te well job miro tchawo, un me wau leskro dad.

Hiob 5:17

Dik, bachtelo hi ko mensho, koleske o Dewel leskri doosh sikrell! Doleske ma hade tut khatar leste, te dell tut o sorelo Dewel.

Debleskri gili 2:7

Kau baro rai penell: “Mukenn man tumenge kowa te penell, hoi o baro Dewel kamell te krell. Job penas ap mande: ‘Miro tchawo hal tu. Kau diwes wom tiro dad.’

Jeremia 30:11

Me, o baro Dewel, hom pash tumende, te wap ap tumari rig. Kol natsjone, mank kolende tradom tumen, kolla hunte djan tele. Tumer djan gar tele. Tumende dau i phagi har tumenge mishto hi. Kek dawentsa nai mukau tumen gar. Wals gar mishto, te dap tumen kek phagi.

Mateo 3:17

Un i rakepen dran o bolepen penas: “Kawa hi miro tchawo, koles me kamau. Pral leste hom me bachtelo.”

1. Korintarja 11:32

Te lah mer i phagi o Deblestar, palle krell job kowa, te djas mer gar khetne i wawar menshentsa nashedo.

2. Korintarja 6:18

Un me kamau tumaro dad te well, un tumer han mire tchawe un mire tcha. Kowa penell o baro Dewel, kai hi o rai pral o bolepen un i phub.

5. Mose 8:5

Jaake haiwenn tumer an tumare djia, tumaro baro Dewel kras tumentsa har i dad peskro tchaweha.

Hebrearja 1:5

An o Debleskro lab hi tchinlo, kai penell o Dewel ap peskro tchaweste: Tu hal miro tchawo. Kau diwes wom tiro dad. Sawe laba penas lo ap kekeste peskre bolepangre. Witar gar penas lo ap kekeste lendar: Me wau tiro dad. Un tu weh miro tchawo.

Debleskro tsiro 21:7

Kowa, kai soreles an o patsepen atchas, un gar pre das, kowa lell kau shukar koowa mandar. Me wau leskro Dewel. Un job well miro tchawo.

Debleskro tsiro 3:19

Lauteren, kai kamau o djijestar, kolende sikrau lengri doosh, un penau lenge dawentsa, te shunenn le ap mande. Mukenn kanna tumaro tchilatcho drom, un awenn pale ap miro drom!