2. Samuel 7:13 - O Debleskro Drom 2021 (Sinte)

¹³ Kowa krell mange i kheer. Un me krau te atchell lo hako tsiro baro rai.

O Debleskro Lab 2024 (Sinte-Manouche)

¹³ Kova krell mange i kheer. Oun me krau te ačell lo hako tsiro baro ray.

2. Samuel 7:13 ပူးပေါင်းရင်းမြစ်များ

1. Mose 49:10

Hako tsiro well o baro rai dran o kheer Juda, un jek leskre menshendar rikrell o rajeskro kasht an o wast jaake rah, bis te well kowa, kai tchatchepah o baro rai hi. Ap koleste shunenn i natsjone ap i phub.

2. Samuel 22:51

Tu kreh baro koowa o Davideske, koles tu wi-rodal, te well lo o baro rai. Un hal jaake latches ap leste un kolende, kai lestar wenn. Tiro kamlepen lenge atchell hako tsireske.

2. Samuel 7:16

Hako tsiro hi tut tchawe, kai pal tute wenna, un jek lendar hi baro rai glan mande. Un tiro rajengri beshepaskri atchell hako tsiro.”

2. Samuel 7:27

Tu, baro Dewel un rai pral o bolepen un i phub, kai hal o Israeleskro Dewel, tu sikral man, hoi kameh te krell – un penal mange: ‘Me krau tuke i kheer.’ Doleske lom man khetne un rakrom jaake ap tute.

1. Rajengro liil 2:24

O baro Dewel kras man baro rai pal miro dadeste David, un penas mange, te wenn dran miro kheer i raja pral Israel. Pash leste, o djido Debleste, dau man sowel: Kau diwes hunte merell o Adonija!”

1. Rajengro liil 2:4

Un o baro Dewel mukell peskro lab tchatcho te well, hoi job ap mande rakras, har lo penas: ‘Te denn tire tchawe garda ap pengre dromma, te djiwenn jon pengro tselo djipen glan mande, un rikrenn ap mande pengro tselo djijestar un pengri tseli sorjah, palle hi an hako tsiro jek tire tchawendar o baro rai pral Israel.’

1. Rajengro liil 2:45

Ap mande, o baro rajeste Salomo, mu tchiwell lo peskri bacht, un mukell dran o Davideskro kheer an hake tsirja i bare raja te well pral Israel.”

1. Rajengro liil 5:5

Jaake nai djiwan i menshe kek darjah an o them Israel un an o them Juda. Hakeno nai beshas tel peskro drakengro ruk un peskro faigetikro ruk. Kowa his jaake an o tselo them, o themestar Dan bis tel pash o foro Beersheba, jaake rah har o Salomo djiwas.

1. Rajengro liil 6:12

“Tu te kreh, hoi tutar kamau un djiweh pal miro tchatchepen un rikreh mire tsele laba, palle well miro lab tchatcho an tiro djipen, ko lab, hoi me rakrom tiro dadeha, o Davideha,

1. Rajengro liil 8:13

Un me mukom tuke kau railo kheer te krell, te djiwess koi dren un nai atcheh hako tsireske.”

1. Rajengro liil 8:15

Un job penas: “Sharedo well o baro Dewel, ko Dewel pral o Israel. Job mukas tchatches te well, hoi lo miro dadeske, o Davideske, penas, har penas lo:

1. Rajengro liil 8:19

Kanna te wess tu gar kowa, kai krell miro kheer, na-a, tiro tchawo, kowa, kai well tuke boldo, kowa mu krell mange i kheer.’

2. Rajengro liil 21:4

Un an o baro Debleskro kheer tchiwas job chatchepangre pre i mule deblenge, kote, kai o baro Dewel penas: “An o foro Jerusalem kamau te mangenn le man an.”

2. Rajengro liil 21:7

Un job anas koi kashteni debletsa Ashera, hoi lestar kerdo was, an o Debleskro kheer, kolestar o baro Dewel ap o David penas un leskro tchaweste, o Salomo: “An kau kheer un an o foro Jerusalem, hoi me mange wi-rodom dran o tselo Israel, kate kamau me, te mangenn le man an hako tsiro.

2. Rajengro liil 8:19

Ninna te djiwas lo sau tchilatcho djipen, kamas o baro Dewel i menshen an o them Juda gar te marell. Glan i rah tsiro penas job peskro budepaskreske David, te well jek kolendar, kai pal leste wenna, baro rai hako tsireske.

1. Familjakro liil 28:10

Doleske de tut jak, o baro Dewel rodas tut win, te kress i kheer leske. Ab sorelo, un kre tut ap i budi!”

2. Familjakro liil 33:4

Un an o baro Debleskro kheer tchiwas job chatchepangre pre i mule deblenge, kote, kai o baro Dewel penas: “An o foro Jerusalem kamau te mangenn le man an hako tsireske.”

2. Familjakro liil 6:16

Kanna, baro Dewel, tu Dewel pral o Israel, rike ninna tiro wawar lab, hoi tu dal miro dadeske, o Davideske, kai tuke koi his. Tu penal, te well hako tsiro jek dran o Davideskri familja o rai pral o Israel. Kowa djal jaake rah, har denn leskre tchawe garda ap pengre dromma, te djiwenn le ap tiro drom jaake, har o David glan tute djiwas.

Hiob 36:7

Job dell jak ap kolende, kai hi an o tchatchepen tardo, un mukell len khetne i rajentsa ap rajengre beshepangre te beshell. Hako tsiro hi le baro.

Debleskri gili 72:17

Leskro lab mu atchell hako tsireske. Jaake rah har o kham ap o bolepen hi, mu well leskro lab sharedo! Lestar mu well latchepen ap i menshende an i tsele themma. Un jon te rakrenn i bacht pral leste win.

Debleskri gili 89:21

Me hatsom o Davides, miro budepaskro. Me makom les miro djeteha, te well lo baro rai.

Debleskri gili 89:29

Hako tsiro atchell miro latchepen ap leste, un miro lab, hoi leske sowel dom, rikrau me.

Debleskri gili 89:4

Job penas: “Miri sowel dom man koleste, koles me mange win rodom: Me dom miro lab miro budepaskro, o Davideste:

Jesaja 49:8

Kawa penell o baro Dewel: Har his o tsiro mishto, shunom ab tiri gole. Har was ko diwes, kai lom tut win dran i bibacht, wom ap tiri rig. Un me dom jak ap tute. Me lom tut: – te wess i drom, kai nai wenn i menshe dran hake themma pash mande, – te tchiwess pale o them pre tardo, – te dess tu lende kol kotja them, hoi lenge hi, un kanna muklo hi,

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

Jeremia 33:17

O baro Dewel penell: Hako tsiro hi jek o Davideskre tchawendar o baro rai pral o them Israel.

Ezekiel 37:25

Un jon djiwenn pale an ko them, hoi dom me miro budepaskres o Jakobeste, an koleste tumare phure djiwan Hako tsireske djiwenn le kote, jon un lengre tchawe un kolengre tchawe. Un jek dran i familja o Davidestar, kai hi har o David miro budepaskro, well lengro rai hako tsireske.

Daniel 2:44

Un an ko tsiro, kai kol bare raja djiwenna, krell o bolepaskro Dewel jek them, hoi an kek tsiro paash kerdo nai well. Kau them well an kek tsiro wawar menshendar dren lino. Leskro baro rai krell kol wawar rajengre themma paash, un leskri soor atchell hako tsireske.

Zakarie 6:12

Un pen leske: Kowa penell o baro Dewel, ko rai pral o bolepen un i phub: Ko mursh, kai well kharedo ‘newo ruk’, well baro ap peskri platsa. Un job krell o baro Debleske i newo kheer.

Zakarie 6:13

Job hi kowa, kai krell o baro Debleske i kheer, un job well sharedo har i baro rai. Job hi beshdo ap peskri raili beshepaskri un hi o rai pral peskre menshende. Un i rashai hi tardo ap peskri tchatchi rig. Un kol dui djiwenn latches khetne.

Mateo 16:18

Doleske penau tuke: Tiro lab hi kanna Petro. Kowa, hoi tu kate penal, hi har i sorelo bar, ap koleste tchiwau miro kheer. Un miro kheer hi kolla, kai patsenn ap mande. Un kek nashte lell len dran mire wasta win, ninna kek merepen.

Hebrearja 3:3

O Jesus hi bareder har o Mose. Kowa hi jaake, har te wals i kheer kerdo: Kowa, kai kras ko kheer, well budeder sharedo har ko kheer, hoi kerdo was.

1. Petro 2:5

Ninna tumer han sawe djide barra. Tumentsa kamell o Dewel peskro kheer pre te tchiwell. Job rodas tumen win, te wenn tumer leskre rashaja, un te wenn leske koi. An tumende das o Jesus Kristo peskro Ducho. Doleske nai sharenn o Debles jaake, har job kowa kamella.