2. Samuel 6:5 - O Debleskro Drom 2021 (Sinte)

⁵ Un o David un i tsele menshe an Israel khelan bachteles glan o baro Debleste, giwan gilja, un kran bashepen ap dorjengre bashepangre, ap tikne pauke un ap wawar bashepangre.

O Debleskro Lab 2024 (Sinte-Manouche)

⁵ Oun o David oun i tsele menshe an Israel khelan barhteles glan o baro Debleste, givan gilya, oun kran bashepen ap doryengre bashepangre, ap tikne pauke oun ap vavar bashepangre.

2. Samuel 6:5 ပူးပေါင်းရင်းမြစ်များ

2. Rajengro liil 3:15

Kanna, anenn mange i bashepaskro!” Un har ko bashepaskro ap i dorjengri bashepaskri bashras, was o baro Debleskri soor ap o Elisa,

1. Familjakro liil 13:8

O David un i tsele menshe an Israel khelan bachteles glan o Debleste, giwan gilja, un kran bashepen ap dorjengre bashepangre, ap pauke, ap phurdepangre un wawar bashepangre.

1. Familjakro liil 15:28

Jaake anan i tsele Israelitarja o mochton o baro Debleskre deesh labentsa pral an Jerusalem. Jon dan gole i bachtjatar, giwan un bashran ap phurdepangre, dorjengre bashepangre un wawar bashepangre.

2. Familjakro liil 20:28

Un jon wan an o foro Jerusalem dren, un bashran ap i zimbale, harfe un phurdepangre. Jaake wan le glan o baro Debleskro kheer.

Debleskri gili 47:5

Job rodas menge o them win, un das les mende, te djiwas kote. Pral kowa ham bachtelo, mer, i tchawe o Jakobestar, kolen job bud kamell.

Daniel 3:10

Tu, maro baro rai rakral un penal: ‘Hakeno, kai shunell o phurdepaskro bashepen, o bashepen ap i dorjengre bashepangre un ko wawar bashepen, kowa hunte witsrell pes tele un hunte mangell koi sonakaskri figura an.

Daniel 3:15

Kanna shunenn: Jaake sik, har shunenn tumer o phurdepaskro bashepen un bashepen ap i dorjengre bashepangre un ko tselo wawar bashepen, witsrenn tumen tele ap i phub, un mangenn koi figura an, hoi me krom! Te witsrenn tumen gar glan late ap i phub, palle wenn tumer gomme kate an i bobeskri jag witsedo! Un koon hi ko dewel, kai nai lell tumen win dran miro wast?”

Daniel 3:5

Te shunenn tumer o bashepen ap i phurdepangre, ap i dorjengre bashepangre un ap i tsele wawar bashepangre, palle hunte witsrenn tumen tele glan koi sonakaskri figura, hoi mukas o baro rai Nebukadnezar pre te tchiwell.

Daniel 3:7

Un kol tsele menshe, kai khetne wan dran hako them un dran hako rakepen, shunan o phurdepaskro bashepen un o bashepen ap kol dorjengre bashepangre un ko tselo wawar bashepen. Koi witsran le pen tele ap i phub glan koi sonakaskri figura, hoi mukas o baro rai Nebukadnezar pre te tchiwell.

Amos 5:23

Mukenn tele koi gole tumare giljendar! Tumaro bashepen ap i harfe kamau buder gar te shunell.

Amos 6:5

un bashenn ap i harfa un krenn gilja har o David.

1. Samuel 10:5

Pal kowa weh tu pash o foro Gibea-Elohim, kai i lurde i Filistarendar jak denn. Te weh tu kote an o foro, dikeh tu, har Debleskre rakepangre i berga tele wenn. Un glan kolende hi bashepangre, kai bashrenn ap dorjengre bashepangre un ap phurdepangre, un denn ap tikne pauke. Un i Debleskre rakepangre rakrenn o Debleskro rakepen win.