2. Samuel 6:22 - O Debleskro Drom 2021 (Sinte)

²² un kamau gomme tikneder te well har kanna, un tchi te well an mire jaka. Pash kol djuwjende, kolendar tu rakral, wau an-diklo.”

O Debleskro Lab 2024 (Sinte-Manouche)

²² oun kamau gomme tikneder te vell har kanna, oun či te vell an mire yaka. Pash kol djouvyende, kolendar tou rakral, vau an-diklo.”

2. Samuel 6:22 ပူးပေါင်းရင်းမြစ်များ

1. Mose 32:10

Un o Jakob penas ap o Debleste: “Tu, o Dewel miro papestar Abraham un miro dadestar Isaak, tu hal o baro Dewel, kai penal ap mande: ‘Dja pale an tiro them un pash tire menshende. Me krau tuke latchepen.’

2. Samuel 6:21

O David penas ap i Michal: “Me khelom, te sharap o baro Debles. Job rodas man win glan tiro dadeste un leskri familja, te krell job dran mande o rai pral leskre menshende, o Israel. Doleske kamau dureder glan leste te khelell,

2. Samuel 6:23

Un i Michal, o Sauleskri tchai, kolat his kek ternepen an peskro tselo djipen.

Hiob 40:4

Dik, me hom tchi moldo! Hoi penap me tuke? Me tchiwau miro wast ap miro mui.

Hiob 42:6

Doleske lau pale, hoi rakrom un hom beshdo an i tchik un an i jagakri tchik, te sikrap, kai khaitell man kowa, hoi rakrom.

Debleskri gili 131:1

I gili o Davidestar te giwell ap o drom an Jerusalem. Baro Dewel, me hom gar pre-phurdo, un mire jaka dikenn gar tele ap i wawarende. Me kamau gar baro koowa, witar gar sawo koowa, hoi dur pral mande hi.

Jesaja 50:6

Me rikrom kolenge miro dumo, kai dan mange dawa, un rikrom mire tchamja kolenge koi, kai tserdan balla dran miri tchora. Me khatrom gar miro mui, har praassan le man un tchungran ap mande.

Jesaja 51:7

Shunenn, hoi penau, tumer, kai prindjrenn o tchatchepen, tumer menshe, kai kamenn miro drom te djal. Ma darenn glan ko praassepen, koleha i menshe tumen praassenn! Ma darenn glan lengro baro mui!

Markus 14:66

O Petro his glan o kheer beshdo. Koi was i budepaskretsa o baro rashajestar.

1. Timoteo 1:15

Hi tchatcho, hoi kanna penau. Un tumer nai patsenn man: Maro rai, o Jesus Kristo, was ap kai phub, te anell lo kolen ap o drom pash o Debleste, kai dur lestar an o tchilatchepen djiwenna. Kolendar hom me o djungleder.

Hebrearja 12:2

Te dikas ap o Jesus Kristeste! Kowa anas men ap o Debleskro drom, un djal glan mende, bis te wah pash leste. O Jesus Kristo meras ap o trushel. Ninna te his kowa i ladj leske, las lo kau merepen ap peste. Job djinas, pal kowa well i bari bacht ap leste. Un kanna hi lo beshdo ap o Debleskri tchatchi rig.

1. Petro 4:14

Te praassenn le tumen doleske, kai patsenn tumer ap o Jesus Kristeste, nai wenn tumer bachtelo. Palle nai djinenn: O Debleskro railo Ducho hi ap tumende tchiddo.

1. Petro 5:6

Doleske krenn tumen tikno tel o Debleskro sorelo wast! O Debleskro tsiro wella, kai job tumen bares krella.

1. Samuel 2:30

Doleske penell o baro Dewel, kai o Israeleskro Dewel hi: Tchatchepah, me penom, te wenn i mursha dran tiro kheer un dran tiro dadeskro kheer hako tsireske rashaja glan mande. Kanna penau, kowa kamau buder gar. Me krau kolen baro, kai man bares krenna. Un kowa, kai ap mande tchi della, ap koleste well witar tchi dino.