2. Samuel 6:20 - O Debleskro Drom 2021 (Sinte)

²⁰ Un o David was khere, te penell lo peskre menshenge ‘latcho diwes’ un te putchell lo lendar, har lenge djala. Un i Michal, o Sauleskri tchai, djas win pash leste, un penas: “Hawo railepen his ko baro rajes pral Israel kai diwes, har riwas job pes win glan kol djuwjende, kai leskre pralstunenge budrenn, jaake har pen kol wi-ladjede menshe wi-riwenna!”

O Debleskro Lab 2024 (Sinte-Manouche)

²⁰ Oun o David vas khere, te penell lo peskre menshenge lačo dives oun te poučell lo lendar, har lenge djala. Oun i Mikal, o Sauleskri čay, djas vin pash leste, oun penas: “Havo raylepen his ko baro rayes pral Israel kay dives, har rivas yob pes vin glan kol djouvyende, kay leskre pralstunenge boudrenn, yaake har pen kol vi-ladjede menshe vi-rivenna!”

2. Samuel 6:20 ပူးပေါင်းရင်းမြစ်များ

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

2. Samuel 6:14

O David khelas peskri tseli sorjah glan o baro Debleste. Un trul leste his les i rashajeskri laintikri damdira.

2. Samuel 6:16

Un har o Debleskro mochton an o Davideskro foro anlo was, dikas i Michal, kolakro dad o Saul his, dran i wochni, un dikas o baro rajes o David, har job khelas un stas glan o Debleste, un an lakro dji dikas li tele ap leste.

2. Samuel 6:18

Un pal kowa rakras lo pral i menshende i bacht o baro Deblestar win, kai o rai pral o bolepen un i phub hi.

2. Samuel 6:19

Un job das hako menshes, kai kote hi, murshen un djuwjen, hakenes, jek maro, jek kotar mass un jek drakengri merkli. Koi pal djan i tsele menshe khere, hakeno an peskro kheer.

1. Familjakro liil 16:43

Un i tsele menshe djan penge, hakeno an peskro kheer. Un ninna o David djas khere, te penell lo peskri familjake ‘latcho diwes’.

Hiob 30:8

Tchi-molde hi le, kolengre laba kek prindjrell, un kai wan win tradedo dran o them.

Debleskri gili 101:2

Me dau jak, te djap o tchatcho drom. Kamau te wess pash mande. I djudjo djijeha djiwau khetne lauterentsa an miro kheer.

Debleskri gili 30:1

I gili o Davidestar, te giwenn le ap kol bare diwessa, kai o Debleskro kheer kerdo was.

Sikepaskro 7:17

Rike tut pale o tchilatchepastar! Un ma ab har i dinelo! Hoske kameh te merell glan tiro tsiro?

Markus 14:66

O Petro his glan o kheer beshdo. Koi was i budepaskretsa o baro rashajestar.

Markus 3:21

Un har leskre menshe kowa shunan, penan le: “Job hi dinelo!” Un jon kaman les te taprell.

Johanni 13:6

Har job pash o Simon Petreste was, penas kowa ap leste: “Rai, thoweh tu mire pire?”

Josua 24:15

Hi tumenge gar mishto an tumare jaka, te mangenn o baro Debles an, palle rodenn kau diwes kate win, kones tumer kamenn an-te-mangell: Kol deblen, kolen tumare phure an-mangan, har jon gomme ap i wawar rig o lengsto panjestar his, oder kol chochene deblen, kolen i Amorarja an-mangenn, an kolengro them tumer kanna djiwenn. Me un miro kheer, mer kamah o baro Debles an-te-mangell.”

Čačepangre 9:4

Un jon dan les efta-deesh rupene kotja dran o kheer, kai mangan le o debles Baal-Berit an. Kol lowentsa ginas o Abimelech diwje depangre, hoi leske palla djan.

1. Samuel 14:49

O Saules his triin mursh tchawe: O Jonatan, o Jishwi, un o Malkishua, un dui tcha. I phureder his i Merab, un i tikneder i Michal.

1. Samuel 18:20

I Michal, i wawar tchai o Saulestar, kamas o Davides. Har shunas o Saul kowa, his leske kowa mishto jaake.