2. Samuel 6:16 - O Debleskro Drom 2021 (Sinte)

¹⁶ Un har o Debleskro mochton an o Davideskro foro anlo was, dikas i Michal, kolakro dad o Saul his, dran i wochni, un dikas o baro rajes o David, har job khelas un stas glan o Debleste, un an lakro dji dikas li tele ap leste.

O Debleskro Lab 2024 (Sinte-Manouche)

¹⁶ Oun har o Debleskro morhton an o Davideskro foro anlo vas, dikas i Mikal, kolakro dad o Saul his, dran i vorhni, oun dikas o baro rayes o David, har yob khelas oun stas glan o Debleste, oun an lakro dji dikas li tele ap leste.

2. Samuel 6:16 ပူးပေါင်းရင်းမြစ်များ

2. Samuel 3:14

Ninna bitchras o David murshen pash o Ish-Boshet, koleskro dad o Saul his, un mukas leske te penell: “De man miri romja Michal pale! Kolake plaissrom tuke o murshkano masseha sheel murshendar, kai mulo dom mank i Filistarja.”

2. Samuel 5:7

O David las ko sorelo kheer Zion peske dren. Kowa hi kanna o Davideskro foro.

2. Samuel 6:15

O David un i tsele menshe dran Israel anan o baro Debleskro mochton pral an o foro Jerusalem, un dan gole i bachtjatar un bashran ap i phurdepangre.

2. Samuel 6:20

Un o David was khere, te penell lo peskre menshenge ‘latcho diwes’ un te putchell lo lendar, har lenge djala. Un i Michal, o Sauleskri tchai, djas win pash leste, un penas: “Hawo railepen his ko baro rajes pral Israel kai diwes, har riwas job pes win glan kol djuwjende, kai leskre pralstunenge budrenn, jaake har pen kol wi-ladjede menshe wi-riwenna!”

1. Familjakro liil 15:29

Un har was o mochton o baro Debleskre deesh labentsa an o Davideskro foro anlo, dikas i Michal, kolakro dad o Saul his, dran i wochni. Un har dikas li o baro rajes, o David, har job stas un khelas, dikas li tele ap leste an lakro dji.

Debleskri gili 123:3

Kre tiro dji menge pre, baro Dewel, kre tiro dji menge pre! Har rah dikenn le ap mende, har te wams tchi moldo!

Debleskri gili 69:7

Ma muk kolen pengro patsepen te nashrell, kai pen ap tute rikrenna, te dikenn le har djungeles mange djala. Tu, baro Dewel, kai hal o rai pral o bolepen un i phub, ma muk man te anap ladj ap kolende, kai tut rodenna, o Debles pral o Israel.

Jesaja 53:3

I menshe dikan tele ap leste, un tchiwan les ap i rig. I mursh pherde duka un nasslepen his lo. I grecho his lo lenge, glan koleste jon pengro shero krik rissran. Un menge his lo tchi-moldo.

Bičepangre 2:13

Wawar san len win, un penan: “Kol mursha hi mato!”

1. Korintarja 2:14

I mensho, koles o Debleskro Ducho gar hi, haiwell gar, hoi o Debleskro Ducho penella. O Debleskro koowa hi leske dinlepen. Ko mensho nai dikell gar, har o Dewel kowa dikella.

1. Samuel 18:17

Un o Saul penas peske: “Miro wasteha kamau gar o Davides te marell. I Filistarja mu denn les mulo.” Doleske penas lo ap o David: “Me kamau tut miri phureder tchat, i Merab, te dell, te romedineress lat. Tu, ab i tchatcho mursh un kure tut mishto an o baro Debleskro kurepen.”

1. Samuel 18:20

I Michal, i wawar tchai o Saulestar, kamas o Davides. Har shunas o Saul kowa, his leske kowa mishto jaake.