2. Samuel 5:7 - O Debleskro Drom 2021 (Sinte)

⁷ O David las ko sorelo kheer Zion peske dren. Kowa hi kanna o Davideskro foro.

O Debleskro Lab 2024 (Sinte-Manouche)

⁷ O David las ko zorelo kheer Sion peske dren. Kova hi kanna o Davideskro foro.

2. Samuel 5:7 ပူးပေါင်းရင်းမြစ်များ

2. Samuel 5:8

Koi penas o David ap ko diwes: “Koon kol Jebusarjen kamell te dell, kowa hunte djal kote pral an o foro, kai o pani an i berga tele nashell. Me nai dikau len gar glan i jaka, kol bangen un korelen!” Doleske well penlo: I korelo un i bango well gar an o kheer dren.

2. Samuel 5:9

Jaake djiwas o David an kau sorelo kheer un das les ko lab ‘Davideskro foro’. Un job kras budeder khera un kras o foro buchleder kotar, kai o Millo his bis mashkral an o foro.

2. Samuel 6:10

Un job mukas les gar pash peste te anell an o Davideskro foro. Na-a, job mukas les an ko kheer te anell, kai djiwell o Obed-Edom. Kowa his i mursh dran o foro Gat.

2. Samuel 6:12

Un o baro rajeske David was penlo, kai tchiwas o baro Dewel peskri bacht un soor ap o Obed-Edomeskro kheer, un ap lauter, hoi les his, doleske, kai o Debleskro mochton pash leste hi. Koi djas o David koi un las o Debleskro mochton dran o kheer fun o Obed-Edom, un anas les an o Davideskro foro i bachtelo djijeha.

2. Samuel 6:16

Un har o Debleskro mochton an o Davideskro foro anlo was, dikas i Michal, kolakro dad o Saul his, dran i wochni, un dikas o baro rajes o David, har job khelas un stas glan o Debleste, un an lakro dji dikas li tele ap leste.

1. Rajengro liil 2:10

Un o David meras un was paskedo an o foro Jerusalem.

1. Rajengro liil 3:1

Un o Salomo romedineras i tchai o baro rajestar pral o them Egiptia. Kowa his o Farao. Un o Salomo anas lat an ko kotar o forestar Jerusalem, hoi kharell ‘Davideskro foro’, te djiwell li kote jaake rah har budran i budepangre ap o Salomeskro kheer un ap o baro Debleskro kheer un ap i massuri trul Jerusalem.

1. Rajengro liil 8:1

Kote mukas o baro rai Salomo i phureden an Israel pash peste well an o foro Jerusalem: kolla, kai his i pralstune pral i deesh-te-dui bare khera o Jakobeskre deesh-te-dui tchawendar, un i pralstune pral lengre tsele familje. Khetne lentsa kamas job o baro Debleskro mochton, kai o Debleskre deesh laba dren tchiddo hi, an o Debleskro kheer te anell. Ko mochton his tchiddo an o Davideskro foro ap i berga Zion.

1. Rajengro liil 9:24

Un koi tchai o Faraestar tserdas win dran o Davideskro foro, un was an lakro kheer, hoi o Salomo mukas lake te krell. Koi pal mukas lo ko turmo te krell, hoi kharell Millo.

1. Familjakro liil 11:7

Un o David djiwas an kau sorelo kheer. Doleske well ko kheer kharedo ‘Davideskro foro’.

2. Familjakro liil 24:16

Un doleske, kai lo bud latcho koowa kras i Israelenge, o Debleske un o Debleskro kheer, paskran le les an o Davideskro foro pash i bare rajende.

2. Familjakro liil 5:2

Kote mukas o baro rai Salomo i phureden dran Israel pash peste well an o foro Jerusalem: kolla, kai his i pralstune pral i deesh-te-dui bare khera o Jakobeskre deesh-te-dui tchawendar, un i pralstune pral lengre tsele familje. Khetne lentsa kamas job o baro Debleskro mochton, kai o Debleskre deesh laba dren tchiddo hi, an o Debleskro kheer te anell. Ko mochton his tchiddo an o Davideskro foro ap i berga Zion.

Nehemia 3:15

Un o Djido Panjeskro Wudar kras o Shallum, koleskro dad o Kol-Hose his. O Shallum his o pralstuno pral o them trul o foro Mizpa. Job kras ko Djido Panjeskro Wudar un tchiwas i dacha pre, un kol dui wudja dren, ninna i kashtengre un i saster, hoi i wudja pandenna. Un job tchiwas i massuri pale pre pash ko tikno pani Shelah, hoi pash o baro rajeskri baar his, bis pash o barrengro drom, hoi djal tele dran o Davideskro foro.

Debleskri gili 132:13

O baro Dewel rodas peske i berga Zion win. Un leske hi shukar te djiwell lo kote.

Debleskri gili 2:6

“Ap i berga Zion, kai mange hi, tchiwom me i baro rajes, koles me wi-rodom.”

Debleskri gili 48:12

Pral kowa hi kol menshe ap i berga Zion bachtelo. Tu dal men maro tchatchepen. Doleske denn le gole i bachtjatar an i tsele forja an o them Juda.

Debleskri gili 48:3

Shukar hi o foro ap i berga Zion. I bacht hi i tseli phubjake. An kau foro hi o Dewel o baro rai.

Debleskri gili 51:18

Vieche, hoi anenn le tuke, kameh gar. Te wals jaake, doms len tute. Vieche, hoi tuke chatchedo wenna, krenn tiro dji gar bachtelo.

Debleskri gili 87:2

O djijestar kamell lo o foro Zion peskre shukar wudjentsa. Budeder kamell lo ko foro har i tsele khera, kai djiwenn o Jakobeskre tchawe.

Debleskri gili 9:11

Doleske rikrenn kolla ap tute, kai tiro lab prindjrenna. Koon tut, o baro Debles, rodella, koles mukeh tu gar kokres.

Jesaja 12:6

Giwenn un denn gole i bachtjatar, tumer, kai djiwenn an o foro Zion. O Israeleskro Dewel hi bares mashkral tumende.

Jesaja 59:20

O baro Dewel penell: Mire menshenge an o foro Zion wau, te lap len dran o merepen win. Kolenge dran o kheer Jakob wau, kai mukan pengro tchilatcho drom.

Jeremia 21:13

Denn jak, penell o baro Dewel: Kanna wau me pral tumende, kai djiwenn pral i tala ap ko baro bar. Tumer penenn: Kek nai well pral mende. Kek nai well an maro kheer.

Micha 4:2

Bud menshe dran wawar themma wenn kai, un penenn: “Awenn, djas pral ap i berga o baro Deblestar, pash ko kheer kolestar, kai o Jakobeskro Dewel hi. Kote sikrell job mende, har te djas ap leskro drom, te djiwas mer jaake har job kamell.” I berga Zion hi koi platsa, kai sikrell job i menshende, hoi lo lendar kamell. Un dran Jerusalem djan sawe menshe win, kai penenn i wawarenge o baro Debleskro lab.

Remarja 9:33

An o Debleskro lab hi tchinlo: Dikenn, me tchiwau i baro bar an o foro Zion. Pral koleste perenn le, un ap koleste choirenn le pen. Un kowa, kai ap leste patsella, kowa hunte ladjell pes gar glan mande.

Hebrearja 12:22

Kowa lauter dikan tumer gar. Na-a. Tumaro tsillo, kai wenn khetne o Debleha, hi ap i berga Zion an o bolepen. Kote hi o foro o djido Deblestar tardo, o newo foro Jerusalem. Kote hi bud bud serja bolepangre, kai sharenn o Debles.

Debleskro tsiro 14:1

Un me dikom ko terno bakres ap i berga Zion tardo. Un leha his jek-sheel-te-star-deesh-te-star serja (144.000) menshe. Kolen hi o Jesuseskro lab un o lab leskro dadestar glan ap lengre shere tchinlo.