2. Samuel 5:2 - O Debleskro Drom 2021 (Sinte)

² Glan i rah tsiro har o Saul baro rai pral mende his, anal tu o Israel an o kurepen un pale khere. Un o baro Dewel penas tuke ninna: ‘Tu dess jak ap mire menshende Israel, un tu wess o rai pral o Israel.’”

O Debleskro Lab 2024 (Sinte-Manouche)

² Glan i rah tsiro har o Saul baro ray pral mende his, anal tou o Israel an o kourepen oun pale khere. Oun o baro Devel penas touke ninna: Tou dess yak ap mire menshende Israel, oun tou vess o ray pral o Israel.”

2. Samuel 5:2 ပူးပေါင်းရင်းမြစ်များ

1. Mose 49:24

his leskro bogo soreles an leskro wast, un leskre mussja his soreles kerdo, o Jakobeskro sorelo Dewel das les soor. Job dell garda ap o Israel har i bakrengro ap peskre bakre, un dell len gar pre.

2. Samuel 6:21

O David penas ap i Michal: “Me khelom, te sharap o baro Debles. Job rodas man win glan tiro dadeste un leskri familja, te krell job dran mande o rai pral leskre menshende, o Israel. Doleske kamau dureder glan leste te khelell,

2. Samuel 7:8

Doleske hunte peness tu ap miro budepaskro o David: Jaake penell o baro Dewel, ko rai pral o bolepen un i phub: Me lom tut i bakrendar krik, kai tu pre garda dal, te wess tu rai pral mire menshende Israel.

2. Rajengro liil 20:5

“Dja pale pale un pen ap o Hiskija, ko rajeste pral mire menshende: ‘Kawa penell o baro Dewel, ko Dewel tiro dadestar, o Davidestar: Me shunom tiro mangepen un me dikom tire swa. Dik, me kamau tut sastes te krell – an o triinto diwes nai djah tu pral an o baro Debleskro kheer.

1. Familjakro liil 11:2

Glan i rah tsiro har o Saul baro rai his, anal tu o Israel an o kurepen un pale khere. Un tiro baro Dewel penas tuke ninna: ‘Tu dess jak ap mire menshende Israel, un tu wess o rai pral o Israel.’”

2. Familjakro liil 1:10

De man kanna goswepen, te djinap har te djap lentsa trujel! Har nai dap hakeneste tire bud menshendar peskro tchatchepen, tu te deh man kowa gar?”

Jesaja 40:11

Job dell jak ap lende har i bakrengro dell jak ap peskre bakre un dell len te chal, un lell i terne bakren an peskre mussja, un hidjrell len an peskri baja. Un kolla, kai len terne hi, lenge djal lo latches trujel.

Jesaja 55:4

Dikenn, me krom les, te well lo rai un pralstuno pral wawar themma, te sikrell job lende, koon me hom.

Ezekiel 34:23

Un me mukau jek bakrengro lenge pre te stell, kai dell jak ap lende. Kowa well dran i familja o Davidestar, un hi har o David miro budepaskro. Job well lengro bakrengro un dell jak ap lende.

Micha 5:4

Un job anell lenge i latcho tsiro. Te wenn i lurde dran o them Assur an maro them, un phagenn an mare khera dren, tchiwah mer sorele pralstunen un rajen pre, te rikrenn le len pale.

4. Mose 27:17

jekes, kai djal glan lende win un dren, un anell len win un dren, te wenn o baro Debleskre menshe gar har bakre, kai len kek bakrengro hi.”

Mateo 2:6

Tu, o foro Betlehem, hoi an o them Judea tchiddo hi, tut hi i baro lab mashkral i tsele forja an o them Judea. Dran tute wella ko baro rai, kai ap mire menshende, o Israel, garda della, jaake har i bakrengro rai garda della ap peskre bakre.”

Johanni 10:11

Me hom o latcho bakrengro. O latcho bakrengro mukell peskro djipen i bakrenge.

Hebrearja 2:10

O Dewel kamas, te wenn bud menshe peskre tchawe, un lenn leskro railepen. Doleske hunte las peskro tchawo duka un merepen ap peste, te nai anell lo len ap ko drom, kai lenn le o Debleskro djipen. Jaake his kowa mishto glan o Debleskre jaka, kai lauter kras, un koleske lauter kerdo was.

1. Samuel 13:14

Kanna kral tu gar pal leskro lab. Doleske atcheh gar baro rai. O baro Dewel rodas peske i wawar murshes win, jekes pal peskro dji. Koles krell lo rai pral peskre menshende.”

1. Samuel 16:1

Un o baro Dewel penas ap o Samuel: “Har rah kameh tu gomme pal o Saul te rowell, koles me pale tchiwom, te well lo buder gar o rai pral o Israel? Le kanna i tushni djet tuha, un kre tut ap o drom! Me bitchrau tut pash o Isai an o foro Betlehem. Mank leskre mursh tchawende hi kowa, koles me mange win rodom, te well job baro rai.”

1. Samuel 18:13

Un bitchras les krik pestar, un tchiwas les pral jek sero lurdende, te well lo lengro pralstuno. Un o David djas glan kol lurdende an o kurepen.

1. Samuel 18:16

O tselo Israel un o tselo Juda kaman les, har dikan le, hawo latcho kurepaskro job hi.

1. Samuel 18:5

Un o David djas o Sauleske an o marepen, un lauter, hoi job an o wast las, djas leske mishto. Un o Saul hadas les pral i lurden, te well lo lengro pralstuno. Un i tsele Israelitarja kaman les. Un ninna bare mursha an o Sauleskro kheer kaman les.

1. Samuel 25:28

Biste mange, te hadom me man un rakrom ap tute! Me djinau, o baro Dewel dell tut i kheer, hoi atchella. Tu hal kowa, kai djal o baro Debleske an o kurepen. Kek tchilatchepen mu well hatslo ap tute, jaake rah har tu djiweh!

1. Samuel 25:30

Un ap ko tsiro, kai das tut o baro Dewel ko tselo latchepen, hoi job tut peskro lab pre das, un kras, te wal o baro rai pral o Israel,

1. Samuel 9:16

“Taissar kau tsireske bitchrau me i murshes dran o them Benjamin pash tute. Koles less tu un makess les o kutch djeteha, te well lo rai pral mire menshende, i Israelitarja. Kowa lell len win dran o wast i Filistarendar. Me dikom har phares jon o djipen mire menshendar kran. Un lengri gole was glan mande.”