2. Samuel 5:18 - O Debleskro Drom 2021 (Sinte)

¹⁸ Un i Filistarja wan, un his an koi tseli tala Refajim.

O Debleskro Lab 2024 (Sinte-Manouche)

¹⁸ Oun i Filistarya van, oun his an koy tseli tala Refayim.

2. Samuel 5:18 ပူးပေါင်းရင်းမြစ်များ

1. Mose 14:5

An o deesh-te-starto bersh was o baro rai Kedor-Laomer un kol wawar bare raja, kai leha khetne his. Un jon kuran pen: kol menshentsa an o foro Asterot-Karnajim – kolla his i Refajarja; kol menshentsa an o foro Ham, – kolla his i Susarja; kol menshentsa, kai djiwenna an o them, kai o foro Kirjatajim tardo hi, – kolla his i Emarja;

2. Samuel 23:13

His an ko tsiro, kai o djob dren anlo was, koi his i Filistarja an i tala Refajim. Koi wan triin kol trijanda sorele murshendar pash o Davideste pash koi grotta pash o foro Adullam.

2. Samuel 5:22

Kol Filistarja djan pale koi pral, un his an koi tseli tala Refajim.

1. Familjakro liil 11:15

Har his i Filistarja an i tala Refajim tardo, koi wan triin kol trijanda sorele murshendar pash ko baro bar, kai his o David an koi grotta pash o foro Adullam.

Jesaja 17:5

Palle hi o tselo them Israel har i hachetikri phub, kai o djob tchinlo un dren anlo was, jaake muklo har i tala Refajim, te was o djob dren anlo.

Josua 15:8

un fun kotar dureder pre an i tala Ben-Hinnom, hoi ap koi rig koi bergatar tchiddo hi, kai o kham pralstunes tardo hi. Ap koi berga hi ko foro tchiddo, kai i Jebusarja djiwan. Kau foro hi kanna Jerusalem. Un kotar djas o drom dureder bis pral pre ap i berga, hoi hadell pes ap koi rig fun i tala Hinnom, kai o kham tele djal. Kai berga hi tchiddo ap i nordetikri rig ko telstuno themestar, hoi kharell Refajim.

Josua 17:15

Kote penas o Josua ap lende: “Te han tumer jaake bud menshe, te hi kol berge Efrajim gar bares doha tumenge, palle djan pre an o weesh an o them, kai i Perisarja un i Refajarja djiwenn, un denn kote kol ruka trujel, te well tumen budeder them.”

Josua 18:16

Un kotar djas o drom tele glan i berga, hoi hadell pes glan i tala Hinnom. Kai berga hi tchiddo ap i nordetikri rig ko telstuno themestar, hoi kharell Refajim. Palle djas o drom tele an i tala Hinnom un dureder an i tala langs koi berga, kai ko foro tchiddo hi, kai i Jebusarja djiwan, ap koi rig i bergatar, kai o kham pralstunes hi. Fun kotar djal lo tele bis pash o pani En-Rogel,