2. Samuel 4:11 - O Debleskro Drom 2021 (Sinte)

¹¹ Tumer tchilatche menshe kran i djungleder koowa har kowa kras! Tumer dan i murshes mulo, kai pal o tchatchepen djiwas, un dan les mulo an leskro kheer ap leskro tchiben. Tumer hunte plaissrenn leskro rateske! Tumer han buder gar moldo te djiwenn ap kai phub.”

O Debleskro Lab 2024 (Sinte-Manouche)

¹¹ T'mer čilače menshe kran i djoungleder koova har kova kras! T'mer dan i morshes moulo, kay pal o čačepen djivas, oun dan les moulo an leskro kheer ap leskro čiben. T'mer hounte playsrenn leskro rateske! T'mer han bouder gar moldo te djivenn ap kay phoub.”

2. Samuel 4:11 ပူးပေါင်းရင်းမြစ်များ

1. Mose 4:11

I phub kras peskro mui pre un pijas tiro phraleskro rat, koles tu mulo dal. Kanna nai budress buder gar ap i phub. Tu wess praassedo ap i phub.

1. Mose 6:13

Doleske penas o Dewel ap o Noah: “Kolla, kai djiwenn ap i phub, kran, te was i phub pherdo tchilatchepen un midjak koowa. Kamau gar, te djiwenn le dureder. Awa, me krau, te merenn i tsele menshe un halauter, hoi ap i phub hi.

1. Mose 7:23

Jaake was o tselo djipen ap i phub tassedo: i menshe, i vieche, i bare un i tikne, ninna i tchirkle. Halauter was tassedo. O Noah kokres atchas djido un kolla, kai djan khetne leha an o panjeskro kheer.

2. Samuel 16:8

Tu lal o Sauleske leskri rajeskri beshepaskri tuke! Kanna anell o baro Dewel o tselo rat o Sauleskre menshendar pral tute. O rajeskri beshepaskri das o baro Dewel tiro tchaweste, o Absalomeste. Marepaskro, kai hal, kanna hal tu an i bibacht!”

2. Samuel 3:27

Har o Abner pale an o foro Hebron was, las o Joab les ap i rig pash o baro wudar, te rakrell job tchorchanes leha. Koi das o Joab les an o per tchurje, jaake te meras lo. Kowa kras lo doleske, kai o Abner leskro phrales, o Asahel, maras.

2. Samuel 3:39

Ninna te makan jon man djeteha dren, te wap baro rai, hom kau diwes gar sorelo. Kal mursha, kolengri dai i Zeruja hi, hi sorleder har me. O baro Dewel mu dell koles tchilatchepen pale, kai tchilatchepen kras!”

Debleskri gili 109:15

Muk kowa, hoi le kran, hako tsiro glan tire jaka te well! Kre, te well leskro lab bistedo an o tselo them!

Debleskri gili 9:12

Giwenn o baro Debleske, kai ap i berga Zion khere hi! Penenn i menshenge an wawar themma, hoi job lauter kras!

2. Mose 21:12

Kowa, kai dell i menshes jaake phares, te merell lo, kowa hunte merell.

2. Mose 9:15

Me nai hadoms glan rah tsiro miro wast pre un doms tut i nasslepah temerl, tut un tire tsele menshen, jaake te wans tumendar kek buder ap kai phub.

Gosewe laba 2:22

Kolla, kai o tchilatchepen krenn un o Debles mukenn, wenn win tradedo dran o them, jaake te hatseh buder kek lendar.

Gosewe laba 25:26

Har i djungelo pani un i brunna, hoi khandella, hi jek, kai an o tchatchepen tardo hi un glan i tchilatcheste trissella.

Jeremia 10:11

Pen lenge: Kol deblenge, kai kran gar o bolepen, witar gar i phub, hi kek platsa ap kai phub un tel o bolepen, un nai atchenn gar.

Habakuk 1:12

[Me penom:] Tu, miro baro Dewel, hal kokres o tchatcho Dewel, un hal hako tsireske koi! Muk men gar te merell! Baro Dewel, pash tute khatrah men, tu dal len gole, te denn le menge i phagi, awa, tu bitchral len, te denn le men dawa.

Habakuk 1:4

O tchatchepen nashrell peskri soor, un well buder gar win rakedo. Kowa hoi i tchatchepangre mursha penenn, dell i tchilatchenge tchatcho un gar i latchenge. Jaake well dran o tchatchepen chochepen.

1. Johanni 3:12

Mer hunte was gar har o Kain. Kowa his o bengestar un maras peskro phrales. Hoske maras lo les? Leskro phraal kras, hoi latcho his. Un o Kain kras, hoi tchilatcho his. Doleske maras o Kain peskro phrales.