2. Samuel 3:8 - O Debleskro Drom 2021 (Sinte)

⁸ Koi tapras o Abner i bari choli pral kol laba, hoi o Ish-Boshet penas. Un o Abner das gole: “Hom me i djuklo dran o them Juda? Bis kau diwes krau lauter, hoi nai krau o Sauleskro khereske, leskri tseli familjake un leskre tsele malenge; me rikrom mire wasta pral tute, te peral gar, an o Davideskre wasta. Un tu kameh i doosh ap mande te anell kal djuwjake?

O Debleskro Lab 2024 (Sinte-Manouche)

⁸ Koy tapras o Abner i bari rholi pral kol laba, hoy o Ish-Boshet penas. Oun o Abner das gole: “Hom me i djouklo dran o them Youda? Bis kava dives krau lauter, hoy nay krau o Sauleskro khereske, leskri tseli familyake oun leskre tsele malenge; me rikrom mire vasta pral toute, te peral gar, an o Davideskre vasta. Oun tou kameh i doosh ap mande te anell kal djouvyake?

2. Samuel 3:8 ပူးပေါင်းရင်းမြစ်များ

2. Samuel 16:9

O Abishai, koleskri dai i Zeruja his, penas ap o baro rajeste: “Miro rai, nai praassell kau mulo djuklo tut, o baro rajes? Me kamau pash leste te djal, te dap leskro shero tele.”

2. Samuel 2:8

O Sauleskro pralstuno lurdo, o Abner, koleskro dad o Ner hi, kowa las o Sauleskro tchawes Ish-Boshet, un anas les an o foro Mahanajim,

2. Samuel 3:18

Kanna krenn kowa! O baro Dewel penas o Davidestar: Miro budepaskro, o David, well kowa, khetne leha lau mire menshen Israel win dran i wasta kol Filistarendar, un lauterendar, kai leske tchilatchepen kamenn.”

2. Samuel 3:9

Mu krell o Dewel ap mande, hoi job kamella, te krau me gar kowa, hoi o baro Dewel o Davideske penas, un das pes koi pre sowel,

2. Samuel 5:2

Glan i rah tsiro har o Saul baro rai pral mende his, anal tu o Israel an o kurepen un pale khere. Un o baro Dewel penas tuke ninna: ‘Tu dess jak ap mire menshende Israel, un tu wess o rai pral o Israel.’”

2. Samuel 9:8

Koi mukas o Mefi-Boshet pes ap i phub te perell glan leste, un penas: “Miro rai, koon hom me? Hom gar feteder har i mulo djuklo, un tu hal jaake latches ap mande!”

2. Rajengro liil 8:13

O Hasael penas: “Me hom i tchorwelo djuklo. Har nai krau me sawo koowa?” Koi penas o Elisa: “O baro Dewel sikras mande, kai weh tu baro rai pral Syria.”

Debleskri gili 76:10

har o Dewel pre stas, te rakrell lo o tchatchepen win, un te well lo halauterenge ap i rig, kai tikno rikedo wan ap kai phub.

Jesaja 37:23

Koon hi kowa, pral koleste tchilatche laba rakral? Un kones tire labentsa praassal? I pre-phurdo hal, un ap mande tele dikal, pral o Israeleskro Debleste tut hadal!

5. Mose 23:18

Mank i Israelitarja hunte well kek djuwel un kek mursh, kai bikrell pes lowenge an o kheer i wawar deblestar.

1. Samuel 15:28

Koi penas o Samuel ap leste: “Jaake har lal tu sorjah ko kotar than dran miri baja win, jaake las o baro Dewel peskre menshen Israel sorjah dran tiro wast win, te wess tu buder kek rai pral lende. Un job kras i wawares rai pral lende, jekes kai hi feteder har tu.

1. Samuel 17:43

Un job penas ap o David: “Hom me i djuklo, te weh tu i kashteha ap mande?” Un rakras bibacht pral leste an o lab peskro deblestar,