2. Samuel 3:39 - O Debleskro Drom 2021 (Sinte)

³⁹ Ninna te makan jon man djeteha dren, te wap baro rai, hom kau diwes gar sorelo. Kal mursha, kolengri dai i Zeruja hi, hi sorleder har me. O baro Dewel mu dell koles tchilatchepen pale, kai tchilatchepen kras!”

O Debleskro Lab 2024 (Sinte-Manouche)

³⁹ Ninna te makan yon man djeteha dren, te vap baro ray, hom kava dives gar zorelo. Kal morsha, kolengri day i Serouya hi, hi zorleder har me. O baro Devel mou dell koles čilačepen pale, kay čilačepen kras!”

2. Samuel 3:39 ပူးပေါင်းရင်းမြစ်များ

2. Samuel 16:10

“Abishai”, penas o baro rai, “kowa hi gar tumaro koowa, tumer tchawe fun i Zeruja. Te penas o baro Dewel leske, te praassell lo man, koon nai penell kanna: ‘Hoske kreh tu kowa?’”

2. Samuel 19:13

Tumer han mire phrala, miro mass un rat. Hoske mukenn tumer kol tsele wawaren glan tumende pash o baro rajeste te well, te lenn le les pale pale?”

2. Samuel 19:22

O Abishai, koleskri dai i Zeruja his, penas: “O Shimi hunte merell. Job praassas koles, kai was o baro Deblestar wi-rodedo, te well lo baro rai.”

2. Samuel 3:38

Un o baro rai penas ap peskre murshende: “Djinenn tumer gar, kai kau diwes i baro mursh un pralstuno meras an Israel?

1. Rajengro liil 2:9

Kau koowa hunte less tu an tiro wast. Tu hal i gosewo mursh un tu djineh, hoi hunte kress leha. Job hi i phuro mursh. Muk les gar an o latchepen te merell! Muk les mulo te dell!”

1. Familjakro liil 22:5

O David penas peske: Miro tchawo, o Salomo, hi terno un djinell gomme gar, har te krell i kheer; ko kheer o baro Debleske hunte well jaake baro un railo, te nai well lo prindjedo un sharedo an i tsele themma. Doleske kamau me leske doha koowa koi te tchiwell. Un jaake las o David bud koowa khetne glan leskro merepen.

1. Familjakro liil 29:1

Un o baro rai, o David, penas ap i tsele menshende, kai kote khetne his: “O Dewel rodas jek mire tchawendar win, o Salomes: Job hi terno un djinell gomme gar, har te krell lo i kheer. Un i kheer maro Debleske te krell, hi i bari budi. Kowa well gar i kheer i mensheske, na-a, kowa well i kheer o baro Debleske.

2. Familjakro liil 13:7

Un leske ap i rig wan tchi-molde, tchilatche mursha, un jon wan sorleder har o Rehabeam, o Salomeskro tchawo; an ko tsiro his o Rehabeam terno, un leskro dji his gar sorelo. Jaake nai rikras lo pes gar soreles glan lende.

Debleskri gili 101:8

Hako diwes tchiwau i tsele tchilatchen an o them pale. Kolen, kai i wawaren tchilatchepen kran, mukau buder gar an o baro Debleskro foro te djiwell.

Debleskri gili 28:4

Kre lentsa pal kowa, hoi jon kran, pal lengro tchilatchepen, hoi jon kran, pal kowa, hoi jon pengre wastentsa kran! De len pale pal kowa, hoi kran le i wawarenge!

Debleskri gili 62:12

Budeder har jek kopo shunom: O Dewel kokres hi sorelo,

Debleskri gili 7:16

Job hadas i cheb win, hoi djas dur tele, un peras palle kokres dren, – an koi cheb, hoi job i wawareske wi-hadas.

Debleskri gili 75:10

Me kamau o Deblestar te rakrell hako tsiro. Un leske, ko Jakobeskro Debleske, giwau un bashrau.

2. Mose 21:12

Kowa, kai dell i menshes jaake phares, te merell lo, kowa hunte merell.

Gosewe laba 20:8

I baro rai, kai o tchatchepen win rakrella pral i menshende, hatsell kolen win, kai tchilatcho hi.

Gosewe laba 25:5

Le o tchilatches krik o baro rajestar, palle atchell job i baro rai, kai an o tchatchepen tardo hi.

Jesaja 3:11

Ap i tchilatchende well bibacht. Lenge djal gar mishto. Ap lengro shero well ko tchilatchepen pale, hoi le kran.

Jesaja 7:4

Un pen ap leste: “De jak! Atch pokones! Ab sorelo un ma traash glan kol dujende, o Rezin, ko Syrari, un o Pekach, koleskro dad o Remalja hi. Ninna te hi le chojedo, hi le tchi wawar har tele chatchedo kasht, kai gomme jagakro ducho pre djal.

Jeremia 38:5

Kote penas o baro rai Zedekja ap lende: Ake, krenn leske, hoi kamenna! Man hi tchi penepaske pash tumende.

Daniel 6:16

Kote nashan kol mursha pale khetne pash o baro rajeste un penan ap leste: “Tu djineh, baro rai, pash i Medarja un o Persarja hi o tchatchepen jaake, te nai well kek lab pale pale lino, hoi o baro rai mukas te tchinell!”

4. Mose 32:23

Te kamenn tumer kowa gar te krell, palle lenn i doosh ap tumende glan o baro Debleste. Un kowa dikenn tumer, te well koi phagi ap tumende.

Remarja 13:4

O Dewel das len pengri budi, te djal tuke latches. Tu te kre tchilatcho koowa, palle hunte daress tu lendar. Hi gar tchitcheske, te well len i soor, te denn le i phagi. O Dewel das len koi budi, te denn le kolen i phagi, kai kran i tchilatcho koowa.

2. Timoteo 4:14

O Alexandro, kowa, kai budrell i sasteha, kras mange bud tchilatchepen. O rai Jesus rakrell i phagi pral leste win pal kowa, hoi job kras.

Čačepangre 9:57

Un ninna o tchilatchepen, hoi i mursha dran o foro Sichem kran, mukas o Dewel ap lengre shere pale te well. Un jaake was koi bibacht pral lende, hoi o Jotam win rakras, koleskro dad o Gideon hi.