2. Samuel 3:35 - O Debleskro Drom 2021 (Sinte)

³⁵ O tselo diwes wan menshe pash o Davideste, un kaman, te chal job. Koi das job pes sowel un penas: “O Dewel nai krell mantsa, hoi job kamella, te chau me maro oder wawar koowa, bis te o kham tele djas.”

O Debleskro Lab 2024 (Sinte-Manouche)

³⁵ O tselo dives van menshe pash o Davideste, oun kaman, te rhal yob. Koy das yob pes sovel oun penas: “O Devel nay krell mantsa, hoy yob kamella, te rhau me maro oder vavar koova, bis te o kham tele djas.”

2. Samuel 3:35 ပူးပေါင်းရင်းမြစ်များ

2. Samuel 1:12

Jon rowan o tselo diwes. Un chan tchi bis te was i rati. Pral o Sauleste rowan le, un pral leskro tchaweste Jonatan, un pral o baro Debleskre menshende, i Israelitarja, kai wan maredo i chareha.

2. Samuel 12:17

Koi wan kol phureder dran leskro kheer un kaman les pre hadell i phubjatar. Un job kamas gar, un chas witar gar lentsa.

2. Samuel 3:34

Tire wasta his gar pandlo. Tire herja his gar an sasterne dorja. Abner, hoske meral har jek, koles i tchilatcho mulo das?” Koi rowan kol menshe budeder.

2. Samuel 3:36

I tsele menshe shunan kowa. Un kowa his mishto an lengre jaka, har ninna lauter mishto his an lengre jaka, hoi o baro rai kras.

2. Samuel 3:9

Mu krell o Dewel ap mande, hoi job kamella, te krau me gar kowa, hoi o baro Dewel o Davideske penas, un das pes koi pre sowel,

1. Familjakro liil 10:12

kran pen i tsele tchatche mursha ap o drom, un lan o mulo Saules un leskre mule tchawen, un anan len an o foro Jabesh, un paskran len tel ko baro ruk pash o foro Jabesh, un chan tchi efta diwessa.

Jeremia 16:7

Koi hi kek buder, kai dell chapen kolen, kai pral atchan un rowenn. Ninna te meras lengro dad un lengri dai, hi kek koi, kai dell len tchomone te pijell, te wenn le pale soreles.

Ezekiel 24:17

Tchorchanes nai leh phares ducho. Ma rob i bari goljah har jek pral jekeste rowell, kai meras! Rike tiro diklo trul tiro shero, un ma rib tire kircha win! Ma tchake tiri tchor tele! Un ma cha ko maro, hoi kolenge anlo well, kai rowenn pral i mensheste, kai meras.

Ezekiel 24:22

Palle krenn tumer har me, o Hesekijel, krom: Tumare tchora tchakrenn gar tele, un tumer chan kek maro, har kolla chan, kai pral i muleste rowenn.

Čačepangre 20:26

Pale djan i tsele lurde dran Israel pre an o foro Betel, un rowan un dan gole glan o baro Debleste. Un chan tchi un pijan tchi ko tselo diwes bis i rat was. Un jon chatchran viechen o baro Debleske, sawe kai wan tseles chatchedo un sawe, kai chan le khetne glan o baro Debleste.

Ruth 1:17

Kote kai tu mereh, kamau ninna te merell. Un kote kamau me paskedo te well. O baro Debleskri choli well pral mande, te rikrau gar, hoi tuke penom. O merepen kokres nai tchinell men, – ko jekes o wawarestar.”

1. Samuel 3:17

“Hoi penas o Dewel tuke?” putchas lestar o Eli. “Pen mange lauter, un rike tchi pale! O Dewel te dell tut i phagi, te peneh mange gar i tsele laba, hoi lo ap tute rakras.”