2. Samuel 3:32 - O Debleskro Drom 2021 (Sinte)

³² Un har o Abner paskedo was an o foro Hebron, rowas o baro rai soreles pash o mulengro kheer, kai o Abner dren tchiddo was. Ninna i tsele menshe rowan.

O Debleskro Lab 2024 (Sinte-Manouche)

³² Oun har o Abner paskedo vas an o foro Hebron, rovas o baro ray zoreles pash o moulengro kheer, kay o Abner dren čiddo vas. Ninna i tsele menshe rovan.

2. Samuel 3:32 ပူးပေါင်းရင်းမြစ်များ

2. Samuel 1:12

Jon rowan o tselo diwes. Un chan tchi bis te was i rati. Pral o Sauleste rowan le, un pral leskro tchaweste Jonatan, un pral o baro Debleskre menshende, i Israelitarja, kai wan maredo i chareha.

2. Samuel 4:12

Un o David penas ap peskre lurdende: “Denn len mulo!” Kolla dan len mulo, un dan lengre wasta un herja tele. Un pandan len pre pash o pani an o foro Hebron! O shero fun o Ish-Boshet lan jon un paskran kowa an o mulengro kheer, kai o Abner paskedo hi an o foro Hebron.

Hiob 31:28

Kowa wals i doosh, hoi hunte wals glan o tchatchepangre murshende anlo. Koleha phukroms ap o Debleste an o pralstunepen.

Hiob 31:29

Me wom gar bachtelo koi pral, har djas koleske djungeles, kai mange tchilatchepen kamas. Witar gar dom gole i bachtjatar, har was i bibacht pral leste.

Gosewe laba 24:17

Te perell kowa, kai tuke tchilatchepen kamell, ma ab bachtelo! Tiro dji te sal gar pral leskri bibacht!

1. Samuel 30:4

Kote rowas o David un kol mursha, kai pash leste his, jaake soreles bis te jon gar buder nai rowan.