2. Samuel 3:25 - O Debleskro Drom 2021 (Sinte)

²⁵ Prindjreh tu gar o Abneres, koleskro dad o Ner hi? Job was, te chochell lo tuke tchomone glan. Job kamell te dikell, kai tu djah un weh, un kamell win te hatsell, hoi tu kreh.”

O Debleskro Lab 2024 (Sinte-Manouche)

²⁵ Prindjreh tou gar o Abneres, koleskro dad o Ner hi? Yob vas, te rhorhell lo touke čomone glan. Yob kamell te dikell, kay tou djah oun veh, oun kamell vin te hatsell, hoy tou kreh.”

2. Samuel 3:25 ပူးပေါင်းရင်းမြစ်များ

1. Mose 42:12

“Na-a”, penas o Josef. “Tumer wan te dikenn, har sorelo maro them hi.”

1. Mose 42:16

Bitchrenn jekes tumendar, te lell lo tumaro terneder phrales. Tumer wawar atchenn an o stilepen. Jaake dikau me, kai tumare laba tchatcho hi. Pash o djipen o baro rajestar! Te chochran man, djinau, kai han phukepangre.”

1. Mose 42:9

Un kowa, hoi job lendar suni das, was an leskro shero. Un job penas ap lende: “Tumer han phukepangre un kamenn te dikenn, har sorelo o them hi. Dran kowa han tumer kai.”

2. Samuel 10:3

penan kol pralstune pral kol Ammonarja ap pengro rajeste, o Hanun: “Patseh tu tchatchepah, kai bitchras o David murshen, te sharenn le tiro dades glan tire jaka, un te penenn le tuke kamle laba pral leste? Patseh tu gar, kai job doleske murshen pash tute bitchras, te dikell job pal, har sorelo maro foro hi, un hoi koi glan djala, te lell lo les dren un krell les paash?”

2. Samuel 3:24

Koi djas o Joab pash o baro rajeste dren, un putchas lestar: “Hoi kral tu? O Abner was pash tute. Hoske mukal les tu jaake krik te djal?

2. Samuel 3:26

Un har o Joab dran o Davideskro kheer win djas, bitchras job murshen pal o Abner. Kowa his pash o pani, kai kharas Sira. Un jon anan les pale. Un o David djinas kowa gar.

2. Samuel 3:27

Har o Abner pale an o foro Hebron was, las o Joab les ap i rig pash o baro wudar, te rakrell job tchorchanes leha. Koi das o Joab les an o per tchurje, jaake te meras lo. Kowa kras lo doleske, kai o Abner leskro phrales, o Asahel, maras.

2. Rajengro liil 18:32

bis te me wau un lau tumen mantsa, un anau tumen an i wawar them, hoi hi jaake har tumaro them. An ko them hi doha djob, mool, maro, drakengre ruka, djeteskre ruka un gwin. Palle nai atchenn djides un hunte merenn gar. Shunenn gar ap o Hiskija! Job chochell tumen, te penell lo ap tumende: ‘O baro Dewel lell men dran lengre wasta win.’

Debleskri gili 121:8

O baro Dewel rikrell peskre wasta pral tute ap tire tsele dromma, kote kai weh un kote kai djah kanna un hako tsiro.

Jesaja 37:28

Tiro tardepen prindjrau un tiro beshepen dikau, un ko tsiro djinau, kai djah tu win, un kai weh pale dren. Un ninna djinau, hawi bari choljah tu diwjes ap mande djah.

4. Mose 27:17

jekes, kai djal glan lende win un dren, un anell len win un dren, te wenn o baro Debleskre menshe gar har bakre, kai len kek bakrengro hi.”

Johanni 7:12

Ninna kol bud menshe, kai wan koi, rakran pral leste. His menshe mashkral lende, kai penan: “Job hi i latcho mursh.” Wawar penan: “Na-a, job chochella i menshen.”

Johanni 7:47

“Chochas lo tumen ninna?” putchan kol Farisarja.

Remarja 2:1

Tu mensho, kai dikeh ap kolende un peneh, har baro hi lengri doosh, tu nai peneh gar tutar: “Man hi kek doosh ap mande.” Ko tchilatchepen, hoi tu ap o wawareste dikeh, hi ninna ap tute. Tu te sikreh ap o wawareskri doosh, rakreh tu o tchatchepen pral tute win.

5. Mose 28:6

Leskri bacht well ap tumaro drom, te djan ap i budi un te wenn khere.