2. Samuel 24:22 - O Debleskro Drom 2021 (Sinte)

²² O Arauna penas ap o David: “Miro baro rai, le tuke kowa lauter un mare viechen o Debleske, jaake har kameh. Dik, koi hi i grumja chatchepaske! Le ninna ko wurdin un ko wawar kasht, hoi hi i grumjen trul i meen, te well tut kasht chatchepaske!

O Debleskro Lab 2024 (Sinte-Manouche)

²² O Arauna penas ap o David: “Miro baro ray, le touke kova lauter oun mare firhen o Debleske, yaake har kameh. Dik, koy hi i groumya rhačepaske! Le ninna ko vourdin oun ko vavar kasht, hoy hi i groumyen troul i meen, te vell tout kasht rhačepaske!

2. Samuel 24:22 ပူးပေါင်းရင်းမြစ်များ

1. Mose 23:11

“Na-a, miro rai, shun, hoi me penau: Tu hunte plaissress mange tchi. Me dau tut ko kotar them un koi grotta. Glan mire menshende dau tut kowa, te paskress tiri muli romjat.”

1. Rajengro liil 19:21

Un o Elisa djas pale pale pash i grumjende, las dui grumjen un maras len. Ko kasht, hoi kol dujen khetne rikras, las lo un kras i jag. Koi pre keras lo o mass, das les peskre menshende, un jon chan. Palle stas lo pre, un nashas pal o Elija, un was leskro budepaskro.

1. Familjakro liil 21:22

Un o David penas ap o Arauna: “Bike mange tiri djobeskri platsa, te krap kote i chatchepaskri o baro Debleske, te djal koi nasslepen i menshendar krik. Me dau tut jaake bud lowe har koi platsa moldo hi.”

Čačepangre 6:26

Un kre i chatchepaskri o baro Debleske, kai tiro Dewel hi, kate pral ap kai berga, kai tumaro sorelo kheer tardo hi! Un le ko duito gurum un mare les mange un chatche les mange kote! Kre koi jag ko kashteha, hoi i debletsa Ashera his, hoi tu trujel dal!”

1. Samuel 6:14

Un o wurdin was ap i kotar phub, hoi his i murshes, kai kharas Josua un his dran Bet-Shemesh. Kote atchas o wurdin tardo. Kote his i baro bar tchiddo. Un i Levitarja lan ko mochton tele, kai o Debleskre deesh laba dren hi, ninna ko tikno mochton, hoi koi pashel tardo hi, an koja ko sonakaskro koowa his. Un tchiwan lauter ap ko baro bar. Un i menshe dan ko wurdineskro kasht tiknes, un maran kol grumjen un chatchran len o baro Debleske. Ap ko diwes maran kol mursha dran Bet-Shemesh kote gomme budeder viechen o baro Debleske. His vieche pashel, kai wan tseles chatchedo, un wawar, kai chan le khetne glan leste.