2. Samuel 24:2 - O Debleskro Drom 2021 (Sinte)

² Un o baro rai penas ap o Joab un ap kol pralstune lurdende, kai pash leste his: “Djan trujel pash kol tsele menshende an o tselo them Israel, jek rigjatar ap i wawar, un hatsenn win, har bud mursha koi hi, kai nai wenn lurde mange! Kamau de djinap, har bud kolla hi.”

O Debleskro Lab 2024 (Sinte-Manouche)

² Oun o baro ray penas ap o Yoab oun ap kol pralstoune lourdende, kay pash leste his: “Djan trouyel pash kol tsele menshende an o tselo them Israel, yek rigyatar ap i vavar, oun hatsenn vin, har boud morsha koy hi, kay nay venn lourde mange! Kamau de djinap, har boud kolla hi.”

2. Samuel 24:2 ပူးပေါင်းရင်းမြစ်များ

1. Mose 21:14

Sik taissarlakro stas o Abraham pre, las maro un i gono pherdo pani un tchiwas kowa i Hagar ap o phiko, das late ninna o tchawes, un bitchras len pestar krik. Koi djas joi peske un nashas trujel an o mulo tato them pash o foro Beersheba.

2. Samuel 17:11

Doleske penau tuke: Le tuke kol tsele murshen dran Israel khetne mank Dan un Beersheba. Kolla hi jaake bud har i santa pash o baro pani. Kolentsa djas tu tuke an o kurepen.

2. Samuel 2:13

Un o Joab, koleskri dai i Zeruja his, kowa djas kol lurdentsa o Davidestar ninna koi. Un jon tapran pen pash ko pani pash Gibeon, un atchan koi, kol jek ap kai rig, un kol wawar ap koi wawar rig ko panjestar.

2. Samuel 20:23

O Joab his o pralstuno pral kol tsele lurdende an Israel. Un o Benaja, koleskro dad o Jojada his, his o pralstuno pral kol Kretarja un Pletarja.

2. Samuel 23:37

o Zelek, ko Ammonari, o Nachrai dran Beerot. Kowa hidjras o charo o murshestar Joab, koleskri dai i Zeruja hi.

2. Samuel 24:15

Koi mukas o baro Dewel i baro nasslepen pral o Israel te well, hoi was taissarlakro un djas bis ap ko tsiro, hoi o Dewel penas. Jaake meran an o tselo them 70.000 (efta-deesh-serja) menshe.

2. Samuel 3:10

kai o Sauleskro kheer kek rajeskro kheer buder hi. Un o David well baro rai pral Israel un Juda, jek themeskri rigjatar bis ap i wawar!”

2. Samuel 8:16

O Joab, koleskri dai i Zeruja hi, his o pralstuno pral i tsele lurdende, un o Josafat, koleskro dad o Ahilud his, his o baro rajeskro rakepaskro.

1. Familjakro liil 21:2

Un o David penas ap o Joab un ap kol pralstunende pral Israel: “Djan trujel pash kol tsele menshende an o tselo them Israel, jek rigjatar ap i wawar, un hatsenn win, har bud mursha koi hi, kai nai wenn lurde mange! Un penenn kowa mange!”

2. Familjakro liil 32:31

An ko tsiro, kai bitchran i pralstune dran o them Babilonia bitchepangren pash o Hiskija, te putchenn le lestar, hoi an o them djas, har o Dewel sawo baro koowa kras, hoi kek wawar nai krella, kote mukas les o Dewel kokres, te dikell lo, hoi an leskro dji hi, un hoi krals lo.

Gosewe laba 29:23

O pre-phurdepen i menshestar krell, te perell lo. Kowa, kai hadell pes gar, well an-diklo.

Jeremia 17:5

O baro Dewel penell: Praassedo well ko mursh, kai mukell man, o baro Debles, un rikrell pes ap i menshende, un putchell lendar, te wenn le ap leskri rig.

2. Korintarja 12:7

O Dewel kamella, te wap gar pre-phurdo pral ko baro bolepaskro koowa, hoi mukas lo man te dikell. Doleske mukas o Dewel tchomone ap mande te well, hoi dukrell man har i subjengro kasht an miro mass. Kowa hi har te dals man i bengeskro kurepaskro dawa, te wap gar pre-phurdo.

Čačepangre 20:1

Un i tsele murshenge dran Israel his mishto, te wenn le khetne glan o baro Debleste an o foro Mizpa. Jon wan dran o tselo them, hake rigjendar kotar pral, kai i menshe Dan djiwenna bis tele pash o foro Beersheba, un koi pashel dran o tselo them Gilead.