Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2. Samuel 24:17 - O Debleskro Drom 2021 (Sinte)

17 Har o David kol bolepaskres dikas, kai marell kol menshen, penas job ap o baro Debleste: “Shun, kowa hom me, kai anom doosh ap mande. Me krom i tchilatcho koowa. Kol menshe kate kran kek tchilatcho koowa. Jon hi har bakre, ap kolende kek doosh hi. Mangau tut, muk koi phagi ap mande un miro dadeskro kheer te well!”

အခန်းကိုကြည့်ပါ။ ကော်ပီ

O Debleskro Lab 2024 (Sinte-Manouche)

17 Har o David kol bolepaskres dikas, kay marell kol menshen, penas yob ap o baro Debleste: “Shoun, kova hom me, kay anom doosh ap mande. Me krom i čilačo koova. Kol menshe kate kran kek čilačo koova. Yon hi har bakre, ap kolende kek doosh hi. Mangau tout, mouk koy phagi ap mande oun miro dadeskro kheer te vell!”

အခန်းကိုကြည့်ပါ။ ကော်ပီ




2. Samuel 24:17
23 ပူးပေါင်းရင်းမြစ်များ  

Un o Abraham djas pash leste un penas: “Kameh tu tchatchepah lauteren temerl dell, kolen, kai kek tchilatchepen kran – khetne kolentsa, kai tchilatcho hi?


Doleske, muk man te wap tiro budepaskro, miro rai! Muk kol tchawes te djal peskre phralentsa!


Koi penas o David ap o Nataneste: “Me anom doosh ap mande, un krom i tchilatcho koowa ap o baro Debleste.” Penas o Natan: “Kanna las o baro Dewel tiri doosh tutar krik, un tu mereh gar.


Un o Davideskro dji djas sikeder har job kol tsele murshen an i liil pre-tchinas. Un o David penas ap o baro Debleste: “Kowa his i bari doosh, hoi anom ap mande. Me krom i tchilatcho koowa. Un kanna mangau tut, baro Dewel, le mange koi doosh krik!”


Doleske hunte peness tu ap miro budepaskro o David: Jaake penell o baro Dewel, ko rai pral o bolepen un i phub: Me lom tut i bakrendar krik, kai tu pre garda dal, te wess tu rai pral mire menshende Israel.


Kote penas o Micha: “Me dikom i tsele lurden dran Israel tradedo kate te kote ap i berge, har bakre, kai kek bakrengro ap lende jak dell. Un o baro Dewel penas: ‘Kalen hi buder kek rai. Jon nai djan khere an o latchepen.’”


Doleske lau pale, hoi rakrom un hom beshdo an i tchik un an i jagakri tchik, te sikrap, kai khaitell man kowa, hoi rakrom.


Tu hal kowa, kai lell i menshen an o jak. Lom me doosh ap mande? Te wals kowa jaake, hoi krom me koleha tuke? Hoske hom me kowa, ap koleste karje deh? Hom me tuke i pharepen, hoi hunte hidjress?


Doleske penom me tuke miri doosh, un khatrom gar o tchilatchepen, hoi me krom. Me penom mange: “Me kamau o baro Debleske ko tchilatchepen te penell, hoi krom.” Un tu lal miri doosh mandar krik.


Tu mukal men pale te djal glan kolende, kai kuran pen mentsa. Jaake nai tchoran kolla mare koola, kai pral mende wan.


Giwede laba o Asafestar. Maro Dewel, hoske tchiwal tu men pale hako tsireske? Hoske hal tu jaake chojedo pral mende? Tu hal maro bakrengro, un mer ham tire bakre!


Kolendar kharas lo les krik, te well lo o baro rai pral o Israel, te dell lo jak ap o Debleskre menshende, har i bakrengro dell jak ap peskre bakrende.


Kote mukas o Farao o Moses un o Arones sik gole te dell, un penas ap lende: “Me anom doosh ap mande glan tumaro baro Debleste, un ninna glan tumende.


Un me penom: “Kanna hunte merap! Me hom i mursh, dran koleskro mui sawo rakepen djas, te nai wau me gar glan o Debleste. Un me djiwau mank menshende, dran kolengre muja ninna sawo rakepen djal. Un mire jakentsa dikom o baro rajes, les, o baro Debles, kai hi o rai pral o bolepen un i phub.”


O Jona penas ap lende: “Lenn man un witsrenn man an o baro pani! Palle well o baro pani pale pokones un mukell tumendar tele. Me djinau: Kowa hi miri doosh, kai kau baro phurdepen pral tumende was.”


O baro Dewel, ko rai pral o bolepen un i phub, penell: “Miro charo, hade tut! Dja ap o bakrengro pre, kai mange budrella, ap koleste, kai pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro wast.”


Kol dui mukan pen ap pengro mui te perell, un penan: “Ach Dewel, tu hal o Dewel, kai das hakenes o djipen! Te kras jek mursh i tchilatcho koowa, kameh tu doleske tiri choli pral i tsele menshende te tchiwell?”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ