2. Samuel 24:15 - O Debleskro Drom 2021 (Sinte)

¹⁵ Koi mukas o baro Dewel i baro nasslepen pral o Israel te well, hoi was taissarlakro un djas bis ap ko tsiro, hoi o Dewel penas. Jaake meran an o tselo them 70.000 (efta-deesh-serja) menshe.

O Debleskro Lab 2024 (Sinte-Manouche)

¹⁵ Koy moukas o baro Devel i baro nasslepen pral o Israel te vell, hoy vas taysarlakro oun djas bis ap ko tsiro, hoy o Devel penas. Yaake meran an o tselo them 70.000 (efta-deesh-zerya) menshe.

2. Samuel 24:15 ပူးပေါင်းရင်းမြစ်များ

2. Samuel 24:2

Un o baro rai penas ap o Joab un ap kol pralstune lurdende, kai pash leste his: “Djan trujel pash kol tsele menshende an o tselo them Israel, jek rigjatar ap i wawar, un hatsenn win, har bud mursha koi hi, kai nai wenn lurde mange! Kamau de djinap, har bud kolla hi.”

1. Familjakro liil 21:14

Koi mukas o baro Dewel i baro nasslepen pral o Israel te well, un 70.000 (efta-deesh-serja) menshe meran.

1. Familjakro liil 27:24

O Joab, koleskri dai i Zeruja his, kras pes ap i budi te tchinell i laba pre, un hunte mukas tele, har was o Debleskri choli doleske pral o Israel. Un jaake hi gar tchinlo an o familjakro liil o baro rajestar David, kitse mursha an o them Israel his, kai nai wenn lurde.

1. Familjakro liil 27:4

An o duito tchon his o Dodai dran Ahoach o pralstuno pral 24.000 lurdende. Un o Miklot his o baro lurdo pral lende.

Jesaja 37:36

Un an koi rati was o baro Debleskro bolepaskro kote, kai i lurde dran o them Assur sowan, un maras 185.000 (sheel-ochta-deesh-te pantch serja) mursha lendar. Un har le taissarlakro pre stan, his kote lauter mule tchiddo.

Habakuk 3:2

Baro Dewel, me shunom, hoi tu lauter kral, Har baro hal tu, baro Dewel! Kre sawo koowa pale an maro tsiro, sawo baro koowa, muk les men ninna te dikell an maro tsiro! An tiri choli biste gar tiro kamlepen!

4. Mose 25:9

Un lestar meran 24.000 (biish-te-star-serja) menshe.

Mateo 24:7

I pralstune pral bare themma kurenn pen i wawar pralstunentsa. Un i menshe dran jek them marenn kolen an i wawar them. An bud themma hi i menshen gar doha te chal. Un kate un kote well i phub trisslemen.

Debleskro tsiro 6:8

Un me dikom i grajes. Kowa his parno har i mulo. Un kowa, kai pre beshdo his, koleskro lab his “Mulo.” Un o merepen was pal leste. Un les was i soor dino, te marell lo i menshen ap o starto kotar i phubjatar. O charo, i diwje vieche, i bok un o nasslepen marenn len.

1. Samuel 6:19

An o foro Bet-Shemesh his menshe, kai dikan an o mochton, kai o Debleskre deesh laba dren hi. Un o baro Dewel maras lendar efta-deesh (70) murshen. Un i tsele menshe rowan, te das len o baro Dewel jaake phares.