2. Samuel 23:22 - O Debleskro Drom 2021 (Sinte)

²² Kowa kras o Benaja, koleskro dad o Jojada his. Job his bares an-diklo mank kol wawar trijanda sorele kurepangre.

O Debleskro Lab 2024 (Sinte-Manouche)

²² Kova kras o Benaya, koleskro dad o Yoyada his. Yob his bares an-diklo mank kol vavar triyanda zorele kourepangre.

2. Samuel 23:22 ပူးပေါင်းရင်းမြစ်များ

2. Samuel 20:7

Koi djas o Abishai khetne o Joabeha un leskre lurdentsa win dran o foro Jerusalem. Ninna i Kretarja un i Pletarja un kol tsele sorele kurepangre djan lentsa. Un jon lan o Shebaes palla.

2. Samuel 23:20

O Benaja, koleskro dad o Jojada his, dran o gab Kabzeel, his i wawar kurepaskro mursh, kai baro koowa kras. Kowa das kol dui sorele murshen mulo, kai wan kharedo ‘lewe dran Moab’. Ap i diwes, kai gib das, djas lo an i brunna, un das koi i lewes mulo.

2. Samuel 23:21

Job maras ninna i baro murshes, i Egiptari. Koles his o witsepaskro tchuri an o wast. Job djas pash leste tele, i kasht an o wast, un tserdas ko witsepaskro tchuri dran kol Egiptareskro wast, un das les kolah tele tchurje.

2. Samuel 23:23

Un was budeder an-diklo har i wawar kol triin-deshendar. Job his gar jaake an-diklo har kol triin. Un o David kras, te well job o pralstuno pral leskre lurdende, kai denn jak ap leskro djipen.

2. Samuel 8:18

O Benaja, koleskro dad o Jojada hi, his o pralstuno pral kol Kretarja un Pletarja, kai his trul o baro rajeste tardo, te denn le ap leste jak. Ninna o Davideskre tchawe his rashaja.