2. Samuel 23:18 - O Debleskro Drom 2021 (Sinte)

¹⁸ O Abishai, koleskro phraal o Joab hi, un kolengri dai i Zeruja hi, kowa his ko pralstuno kol triin-deshendar. O Abishai las leskro witsepaskro tchuri, un das triin-sheel lurden mulo, un les his i baro lab mank kol triin-deshende.

O Debleskro Lab 2024 (Sinte-Manouche)

¹⁸ O Abishay, koleskro phraal o Yoab hi, oun kolengri day i Serouya hi, kova his ko pralstouno kol triin-deshendar. O Abishay las leskro vitsepaskro čouri, oun das triin-sheel lourden moulo, oun les his i baro lab mank kol triin-deshende.

2. Samuel 23:18 ပူးပေါင်းရင်းမြစ်များ

2. Samuel 10:10

Kol wawar lurden tchiwas job tel o wast peskro phralestar Abishai, te kurenn pen kolla kolentsa dran o them Ammon.

2. Samuel 10:14

Har kol Ammonarja dikan, kai kol Syrarja nashan, nashan jon ninna glan o Abishai an o foro dren. Koi mukas o Joab tele kol lurdendar dran o them Ammon, un was an o foro Jerusalem.

2. Samuel 18:2

Pral kolla lauter tchiwas job triin lurdengre rajen, hakenes pral i triinto kotar kol lurdendar. Kolla triin his: o Joab, leskro phraal o Abishai, koleskri dai i Zeruja hi, un o Itai dran Gat. Un o baro rai penas ap i lurdende: “Me kamau tumentsa an o kurepen te djal.”

2. Samuel 2:18

Koi pashel his ninna kol triin phrala, kolengri dai i Zeruja his: o Joab, o Abishai, un o Asahel. O Asahel his sik har i wesheskri busni ap peskre herja.

2. Samuel 20:10

O Amasa das gar jak ap koi tchuri an o Joabeskro serwo wast. Kowa das les ko tchurjeha an o per tchurje, jaake kai leskre buke ap i phub peran. Un das les gar i duito kopo tchurje. Un job meras. Un o Joab un leskro phraal Abishai lan o Shebaes palla.

2. Samuel 23:19

Un job was budeder an-diklo har kol wawar kol triin-deshendar, un his lengro pralstuno. Jaake an-diklo har kol triin, his job gar.

2. Samuel 3:30

Un o Joab un leskro phraal Abishai maran o Abneres doleske, kai job lengro phrales Asahel an o kurepen pash Gibeon mulo das.

1. Familjakro liil 2:16

Un lengre phenja his: i Zeruja un i Abigail. Un i tchawe fun i Zeruja his: o Abishai un o Joab un o Asahel; khetne his le triin.

Sikepaskro 4:12

Jek te hi lo kokres, nai well sik khetne dino. Dui te hi khetne, nai wenn le sorleder har kowa, kai djal ap lende pre. Triin pesse thaba krenn i dori, hoi djal gar sik paash.