2. Samuel 22:31 - O Debleskro Drom 2021 (Sinte)

³¹ I tsele dromma, kai o Dewel man anella, hi latcho. Leskre laba hi latcho un tchatcho. Job rikrell peskro wast pral hakeneste, kai well pash leste.

O Debleskro Lab 2024 (Sinte-Manouche)

³¹ I tsele dromma, kay o Devel man anella, hi lačo. Leskre laba hi lačo oun čačo. Yob rikrell peskro vast pral hakeneste, kay vell pash leste.

2. Samuel 22:31 ပူးပေါင်းရင်းမြစ်များ

2. Samuel 22:3

Miro Dewel, tu hal kowa, pash koleste nai wau un man khatrau. Tire wasta rikreh tu pral mande. Tu hal ko sorelo ap miri rig, un hal mange har i sorelo kheer pral ap i berga. Tu kreh miro djipen sasto, un kreh, te dukrell man kek.

Nehemia 9:8

Un har dikal, te rikrell lo pes ap tute peskro tselo djijeha, kral tu leha win un dal tu tiro lab, te dess leskre tchawende un kolengre tchawende, kai pal lende wenn, ko them, kai djiwenn i Kanaanitarja, un i Hetarja, un i Amorarja, un i Perisarja, un i Jebusarja, un i Girgasharja. Un tu rikral tiro lab. Tu hal tardo an o tchatchepen.

Hiob 34:10

Doleske, tumer mursha, kai jaake bud haiwenn, shunenn ap mande! An kek tsiro krell o sorelo Dewel i tchilatcho koowa. Hako tsiro hi lo an o tchatchepen tardo!

Debleskri gili 119:140

Tire laba hi latcho un tchatcho, un me, tiro budepaskro, kamau len miro tselo djijeha.

Debleskri gili 12:6

“Kanna”, penell o baro Dewel, “stau me pre. Ap i tchorwelende djan le sorjah. Me shunom lengro ropen. Kanna rikrau mire wasta pral hakeneste, kai peskro tselo djijeha kamell, te wap ap leskri rig.”

Debleskri gili 145:17

An lauter, hoi o baro Dewel krell, djal lo pal o tchatchepen. An lauter, hoi krell lo, hi lo latcho.

Debleskri gili 18:30

Awa, khetne tuha nai djau me an o kurepen. Khetne miro Debleha nai stau me pral bare pre-tchidde barra.

Debleskri gili 2:7

Kau baro rai penell: “Mukenn man tumenge kowa te penell, hoi o baro Dewel kamell te krell. Job penas ap mande: ‘Miro tchawo hal tu. Kau diwes wom tiro dad.’

Debleskri gili 35:2

Le tiro shilto an o wast, rib tiro sasterno ripen ap tute! Un ab ap miri rig!

Debleskri gili 84:9

Tu baro Dewel un rai pral o bolepen un i phub, shun miro mangepen! Muk les glan tute te well, tu o Jakobeskro Dewel!

Debleskri gili 91:4

Har i kachni peskre ternen tel leskre mussja khatrell, jaake khatrell o Dewel tut tel leskre sorele mussja. Kote nai djal tuke tchi. Job rikrell tut jaake har lo penas. Doleske nai well kek tchilatchepen ap tute.

Gosewe laba 30:5

O Dewel rikrell hako lab, hoi das lo. Job rikrell peskre wasta pral kolende, kai wenn pash leste, te dell lo jak ap lende.

Sikepaskro 3:14

Me haiwom, kai halauter, hoi o Dewel krella, hako tsireske atchella. Kek mendar nai krell tchomone pashel, un kek mendar nai lell tchomone krik. Kowa halauter krell o Dewel, te sharas mer les.

Daniel 4:34

Me, o Nebukadnezar parkrau man pash o bolepaskro rajeste un hadau les un sharau les. Lauter, hoi job krell un kras, hi mishto. Un leskre dromma hi tchatcho. Un kolen, kai pen bares krenn, nai krell lo tiknes.”

Mateo 5:48

Tumer hunte wenn jaake latches ap i menshende, har tumaro dad an o bolepen hi latches ap i menshende.

5. Mose 32:4

Job hi maro sorelo rikepaskro. Lauter, hoi job krell, hi mishto. Leskre tsele dromma hi tchatcho. Maro Dewel rikrell peskro lab; an leste hi kek tchilatchepen. Chochepen djinell lo gar.

Debleskro tsiro 15:3

Un jon giwan koi gili, hoi o Debleskro budepaskro, o Mose, giwas. Jon giwan lat o terno bakreske, un penan: Baro un shukar hi halauter, hoi tu kral, maro rai, tu sorelo Dewel! Mishto un tchatcho hi tire dromma, baro rai pral i tsele themma!