2. Samuel 22:24 - O Debleskro Drom 2021 (Sinte)

²⁴ Jaake te hatsell lo tchi ap mande, kai nai tchingrell lo mantsa, un dau jak, te well kek doosh ap mande.

O Debleskro Lab 2024 (Sinte-Manouche)

²⁴ Yaake te hatsell lo či ap mande, kay nay čingrell lo mantsa, oun dau yak, te vell kek doosh ap mande.

2. Samuel 22:24 ပူးပေါင်းရင်းမြစ်များ

1. Mose 17:1

O Abram his 99 (enja-deesh-te-enja) bersh phuro. Koi mukas pes o baro Dewel glan leste te dikell, un penas ap leste: “Me hom o sorelo Dewel. Dja ap miro drom, te hatsap kek tchilatchepen ap tute!

1. Mose 6:9

Kowa hi ko liil, kai tchinlo hi pral o Noah peskre tchawentsa. O Noah his i mursh, kai latcho un tchatcho his. I tsele menshendar an ko tsiro kras job kokres kek tchilatchepen. O Noah djiwas o Debleha.

1. Mose 7:1

Un o baro Dewel penas ap o Noah: “Dja an ko panjeskro kheer: tu un tiri tseli familja. I tsele menshendar ap i phub hal tu kokres latcho un tchatcho glan mande.

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

Debleskri gili 17:1

I mangepen o Davidestar. Baro Dewel, shun, hoi tutar mangau: De man miro tchatchepen! De jak, har dau ap tute gole! Shun miro mangepen, hoi well dran i mui, hoi gar chochella!

Debleskri gili 51:6

Ap tute kokres krom, hoi tchilatcho hi. Awa me krom, hoi midjak hi glan tire jaka. Doleske hi tut tchatches an tiro rakepen. Tu kreh o tchatchepen, te deh man i phagi.

Debleskri gili 84:11

Jek diwes ap i platsa glan tiro kheer hi feteder har i serja wawar diwessa. Me kamau budeder te wap tardo pash o wudar glan tiro kheer, har te djiwap pash i tchilatchende.

Gosewe laba 4:23

De jak ap kowa, hoi patseh dur an tiro dji! Kolestar well o djipen.

Johanni 1:47

Har o Jesus dikas, kai o Natanael was, penas job: “Dikenn, koi well i tchatcho Israelitari. Un kek chochepen hi an leste.”

2. Korintarja 5:11

Mer djinah, har trashas maro rajestar. Doleske rakrah i menshenge an o dji, te patsenn le ap leste. O Dewel djinell, te djah mer o tchatcho drom. Kamoms, te djinenn an tumare djia kowa ninna.

Efesarja 1:4

Har o bolepen un i phub gar koi his, rodas lo men win, te djas ap o Jesuseskro drom. Job rodas men win, te dell lo men i djudjo dji, te hatsell lo kek doosh ap mende. Jaake bud kamas lo men,

Kolossarja 1:21

Ninna tumen anas o Dewel pash peste. Glan i rah tsiro djiwan tumer dur lestar, kran tchilatcho koowa, un kaman o Debles gar.

Kolossarja 1:22

Kanna wan tumer o Debleskre mala. Har peskro tchawo tumenge meras, las lo tumari doosh tumendar un kras tumen djudjo un erligo glan leste.

Hebrearja 12:1

Kanna dikah, bud bud menshe patsan, te hi kowa tchatcho, hoi o Dewel penas. Mer ham gar kokres, kai patsah. Doleske hunte kras har jon kran, un mukas gar tele te nashas ap o Debleskro drom, hoi glan mende hi. Te tchiwas lauter tele, hoi kamell men pale te rikrell! Ninna hunte tchiwas o tchilatchepen tele, hoi kamell men te taprell.