2. Samuel 21:7 - O Debleskro Drom 2021 (Sinte)

⁷ Un job rodas efta murshen win. O Mefi-Boshet, koleskro dad o Jonatan his un koleskro papo o Saul his, kowa his gar mank kolende. Glan i tsiro das o David glan o baro Debleste o Jonataneske i sowel, te mukell lo leskre tchawen djido.

O Debleskro Lab 2024 (Sinte-Manouche)

⁷ Oun yob rodas efta morshen vin. O Mefi-Boshet, koleskro dad o Yonatan his oun koleskro papo o Saul his, kova his gar mank kolende. Glan i tsiro das o David glan o baro Debleste o Yonataneske i sovel, te moukell lo leskre čaven djido.

2. Samuel 21:7 ပူးပေါင်းရင်းမြစ်များ

2. Samuel 16:4

Penas o baro rai ap o Ziba: “Shun, kowa lauter hi tuke, hoi o Mefi-Boshetes hi.” Penas o Ziba: “Me tchiwau man tele glan tute. Ab hako tsiro jaake latches ap mande, miro baro rai!”

2. Samuel 19:25

O Sauleskro tchaweskro tchawo, o Mefi-Boshet, was ninna tele pash o baro rajeste. Un job thowas gar peskre herja un tchinas gar peskri tchor, thowas witar gar peskre koola jaake rah har o baro rai krik his, bis kai diwes, kai job sastes pale was.

2. Samuel 4:4

Ninna o Sauleskro tchawes, o Jonatanes, his i tchawo. Kowa his bango ap hake dui herja. Job his pantch bersh har leskro papo, o Saul, un leskro dad, o Jonatan, marede wan an Jesreel. Har kowa leskri familja shunas, hadas les koi djuwel pre, kai ap leste jak das, un nashas peske. Un har joi sik krik nashas, peras job, un his bango fun ko tsiro. Job kharell Mefi-Boshet.

2. Samuel 9:1

Un o David putchas: “Atchas jek djido o Sauleskre menshendar, te krap latchepen ap leste? Kowa krau me o Jonataneske.”

2. Samuel 9:10

Kanna budress tu, tire tchawe un tire budepangre ap leskro kotar phub. Un tumer anenn leske dren, hoi koi pre baro wella, te well i menshen tiro rajestar chapaske. Un o Mefi-Boshet, ko tchawo tiro rajestar chal hako diwes ap miri chapaskri.” O Zibanes his deesh-te-pantch mursh tchawe un biish budepangre.

2. Samuel 9:6

Leskro dad his o Jonatan un leskro papo o Saul. Un har kanna o Mefi-Boshet pash o Davideste was, witsras job pes glan leste tele ap peskro mui. O David putchas lestar: “Mefi-Boshet?” Penas kowa: “Awa miro rai, me hom o Mefi-Boshet.”

2. Samuel 9:7

Un o David penas ap leste: “Ma traash! Me kamau latchepen ap tute te krell. Kowa krau tiro dadeske Jonatan. Ko tselo brawlepen tiro papestar Saul kamau tuke pale te dell. Un tu nai chah hako diwes ap miri chapaskri.”

Sikepaskro 8:2

Te dan tumen sowel glan o baro Debleste, te shunenn ap kowa, hoi o baro rai tumenge penell, palle rikrenn tumen ap kowa!

1. Samuel 18:3

Un o Jonatan un o David dan pen sowel, te hi le mala. O Jonatan kamas les budeder har peskro djipen,

1. Samuel 20:12

Un o Jonatan penas ap o David: “Pash o baro Debleste, ko Israeleskro Dewel, dau man sowel, te penap tuke, hoi miro dades tuha glan hi. Taissar un ap o triinto diwes rakrau leha. Te dikau, te hi mishto trul tute tardo, bitchrau jekes, kai kowa tuke penella.

1. Samuel 20:15

Un pal miro merepen ab latches ap mire tchawende, kai pal mande wenna, ninna an ko tsiro, kai marell o baro Dewel lauter kolen, jek pal o wawar, kai kuran pen tuha.

1. Samuel 20:17

Un o Jonatan mangas o Davides: “De tut kate sowel, te atchess miro maal.” O Jonatan kamas o Davides har peskro djipen.

1. Samuel 20:42

“Atch mo Debleha”, penas o Jonatan ap o David. “O baro Dewel mu krell, te bistras gar, hoi mer dui menge win kram, un dam men sowel glan leste. Ninna mire tchawe un tire tchawe, un kolla, kai pal lende wenna, hunte rikrenn pen ap kowa hako tsireske.”

1. Samuel 20:8

Jaake mangau tut: Ab latches ap mande, tiro budepaskro, un rike tiro lab, hoi mer dui men glan o baro Debleste sowel dam, te ham mala. Me te anom doosh ap mande, palle de tu man mulo! Ma an man pash tiro dadeste!”

1. Samuel 23:18

Un jon dui dan pen sowel glan o baro Debleste, te atchenn le mala. Un o David atchas an Horesha, un o Jonatan djas pale khere.

1. Samuel 24:22

Jaake de tut sowel ap o baro Debleste, te mareh gar mire tchawen, kai pal mande wenna, te well miro lab gar bistedo an miro dadeskro kheer.”