2. Samuel 21:15 - O Debleskro Drom 2021 (Sinte)

¹⁵ Pale kran kol Filistarja kurepen i Israelentsa. Un o David djas peskre lurdentsa tele, te kurenn le pen kol Filistarentsa. Un o David was khino.

O Debleskro Lab 2024 (Sinte-Manouche)

¹⁵ Pale kran kol Filistarya kourepen i Israelentsa. Oun o David djas peskre lourdentsa tele, te kourenn le pen kol Filistarentsa. Oun o David vas khino.

2. Samuel 21:15 ပူးပေါင်းရင်းမြစ်များ

2. Samuel 21:16

Koi his mank i Filistarja i baro mursh, bareder har i wawar. Leskro lab his Jishbi-Benob. Koleskri lengsti tchuri his budeder har triin kilogramme pharo. Ninna his les i newo charo dran saster. Kowa kamas o Davides mulo te dell.

2. Samuel 5:17

Har kol Filistarja shunan, kai was djet pral o Davideskro shero tchoredo, te well job baro rai pral Israel, djan jon lauter koi, te rodenn le les. Har o David kowa shunas, djas job tele an peskro sorelo kheer.

2. Samuel 5:22

Kol Filistarja djan pale koi pral, un his an koi tseli tala Refajim.

2. Samuel 5:25

Un o David kras jaake, har o baro Dewel leske penas, un das kol Filistarjen un tradas len pale o tselo drom dran Geba bis pash o foro Geser.

2. Samuel 8:1

Pal jek tsiro kuras pes o David pale i Filistarentsa un was sorleder har jon, un las o Israel dran lengre wasta win, jaake te his kol Filistarjen buder gar penepaske pral lende.

1. Familjakro liil 20:4

Koi pal was i wawar kurepen kol Filistarentsa pash o foro Geser. Koi das o Sibbechai dran o gab Husha i wawar murshes kol bare menshendar mulo. Koleskro lab his Sippai. Jaake wan i Filistarja dino.

Debleskri gili 71:18

Ninna kanna, kai phuro wom, un mire balla parno wan, ma dja mandar, miro Dewel! Kamau te penap i tchawengre tchawenge un lauterenge, kai pal lende wenna, har sorelo tu hal.

Debleskri gili 71:9

Kanna, kai phuro hom, ma muk mandar! Ma dja mandar kanna, kai hi buder kek soor an mande!

Debleskri gili 73:26

Te djal i soor peske dran mande, un miro dji buder gar sorelo hi, palle atcheh tu, miro Dewel, hako tsiro miri soor un miro brawlepen.

Sikepaskro 12:3

Palle trissenn tire mussja, hoi jaake sorelo his. Un tire herja, hoi hidjran tut, len hi buder kek soor. I danda perenn tuke win, jek pal o wawar. Tire jaka dikenn buder gar mishto,