2. Samuel 21:10 - O Debleskro Drom 2021 (Sinte)

¹⁰ Koi las i Rizpa, kolakro dad o Aja his, i gono un tchiwas kowa ap i baro bar, un beshas pes koi pre un atchas kote jaake rah har jon o djob tele tchinan, bis te peras o brishino dran o bolepen ap kol mulende, kai koi bladedo his. Un ap o diwes mukas li gar kol tchirklen ap lende te well, witar gar rati i wesheskre viechen.

O Debleskro Lab 2024 (Sinte-Manouche)

¹⁰ Koy las i Rizpa, kolakro dad o Aya his, i gono oun čivas kova ap i baro bar, oun beshas pes koy pre oun ačas kote yaake rah har yon o djob tele činan, bis te peras o brishino dran o bolepen ap kol moulende, kay koy bladedo his. Oun ap o dives moukas li gar kol čirklen ap lende te vell, vitar gar rati i vesheskre firhen.

2. Samuel 21:10 ပူးပေါင်းရင်းမြစ်များ

1. Mose 40:19

An triin diwessa mukell tut o baro rai dran o stilepen win un bladell tut ap i kasht. Un i tchirkle chan tiro mass tutar krik.”

2. Samuel 21:11

Un o Davideske was penlo, hoi kras o Sauleskri duiti romni, i Rizpa, kolakro dad o Aja his.

2. Samuel 3:7

O Saules his i duiti romni. Koja kharas Rizpa. Lakro dad his o Aja. His i diwes, kai penas o Ish-Boshet ap o Abner: “Hoske sowal tu koi duiti romjah miro dadestar?”

1. Rajengro liil 21:27

Har shunas o Ahab kal laba, tserdas lo peskri plaashka an kotja, riwas peske i gono trujel, chas tchi, un rakras buder gar. Ninna o sopaske riwas lo o gono gar win.

Jeremia 14:22

Kek dewel, koles i menshe an wawar themma an-mangenna, nai bitchrell brishin! Witar gar dell o bolepen dran peste brishin! Na-a, maro baro Dewel, tu hal kowa, kai krell sawo koowa. Doleske dikah ap tute.

Ezekiel 39:4

Ap i berge Israel weh tu mulo dino, tu un tire tsele lurde, ninna kol lurde dran wawar themma, kai tuha wan. Un me dau tumen i diwje viechenge un hake tchirklenge, kai mass chan, te chal.

Hosea 6:3

Mer te das jak koi pre o tselo djijestar, te prindjras o baro Debles! Job wella! Kowa hi jaake tchatcho, har o kham hako diwes pre djala. Job wella, har i brishin pash mende wella, awa, har i brishin pal o wend i phub sapenes krella.

Joel 1:18

I grumja denn gole i bokatar, un nashenn trujel un hatsenn kek khass. Ninna i bakre bokenna.

Joel 2:23

Un tumer menshe dran o foro Zion, awenn bachtelo, un giwenn pral kowa, hoi kras o baro Dewel. Job hi tumaro Dewel, un dell tumen doha brishin ap o tchatcho tsiro, har lo kras glan kowa,

Zakarie 10:1

Mangenn o baro Deblestar, te dell lo brishin ap o tchatcho tsiro. Kowa hi o baro Dewel, kai krell i pesse wolke, un dell tumen doha brishin halautereske, hoi ap i phub bares well.

5. Mose 11:14

Palle dell job o brishin ap tumaro them an peskro tsiro, an o nijal un an o wend, te nai anenn tumaro djob dren, ninna tumari mool un djet.

5. Mose 21:13

Un joi riwell peskre ripja win, hoi ap late his, har li pandli was. Un joi atchell an leskro kheer un rowell i tselo tchon pral peskro dad un peskri dai. Pal ko tsiro nai djal ko mursh pash late, te romedinerell lo lat.

5. Mose 21:22

Te kras jek i tchilatcho koowa, koleske job mulo dino hunte well, un job was maredo un ap i kasht pre pandlo,

5. Mose 21:23

palle atchell ko mulo gar pral i rat ap ko kashteste. Na-a, job hunte well paskedo ap ko emligo diwes, te well ko them gar pale-tchiddo, hoi tumaro baro Dewel tumen dell. Pash leste hi kowa praassedo, kai hi pre-pandlo ap i kasht.

1. Samuel 17:44

un penas ap o David: “Ab kai pash mande, te dap tiro mass te chal i tchirklende un i diwje viechende!”

1. Samuel 17:46

Kau diwes dell o baro Dewel tut an miro wast. Un me dau tut mulo, un dau tiro shero tutar tele. Un kau diwes dau i tsele mule lurden tumendar Filistarja i tchirklende tel o bolepen te chal un i diwje viechende ap kai phub. Palle dikenn un haiwenn le an i tsele themma, te hi i Israelitarjen i Dewel.