2. Samuel 21:1 - O Debleskro Drom 2021 (Sinte)

¹ An ko tsiro, kai o David djiwas, was i bari bok pral o them, un i menshen his triin bersh tchi te chal. Un o David putchas o baro Deblestar, hoske kowa jaake hi. Un o baro Dewel penas: “Ap o Saul un ap leskro kheer hi i rateskri doosh tchiddo, doleske, kai o Saul das kol Gibeonarjen mulo.”

O Debleskro Lab 2024 (Sinte-Manouche)

¹ An ko tsiro, kay o David djivas, vas i bari bok pral o them, oun i menshen his triin bersh či te rhal. Oun o David poučas o baro Deblestar, hoske kova yaake hi. Oun o baro Devel penas: “Ap o Saul oun ap leskro kheer hi i rateskri doosh čiddo, doleske, kay o Saul das kol Gibeonaryen moulo.”

2. Samuel 21:1 ပူးပေါင်းရင်းမြစ်များ

1. Mose 12:10

Koi was i tsiro an ko them, kai his i menshen un i viechen tchi te chal. Len his bari bok. Dran kowa djas o Abram dureder, te djiwell lo an o them Egiptia.

1. Mose 26:1

His i tsiro, kai was i bari bok an o them, jaake har an o Abrahameskro tsiro. Doleske djas o Isaak an o foro Gerar pash o Abimelech. Kowa his o baro rai pral i Filistarja.

1. Mose 41:57

Ninna dran i tsele wawar themma wan i menshe pash o Josefeste an o them Egiptia, te ginenn le djob. Jaake baro his i bok an i tsele themma.

1. Mose 42:5

Un har i bok baro was an o them Kanaan, djan ninna wawar an o them Egiptia, te ginenn le djob. Lentsa khetne wan o Jakobeskre tchawe an o them Egiptia.

1. Mose 43:1

Un i bok his baro an o them.

2. Samuel 16:8

Tu lal o Sauleske leskri rajeskri beshepaskri tuke! Kanna anell o baro Dewel o tselo rat o Sauleskre menshendar pral tute. O rajeskri beshepaskri das o baro Dewel tiro tchaweste, o Absalomeste. Marepaskro, kai hal, kanna hal tu an i bibacht!”

2. Samuel 20:26

Ninna o Ira i menshendar Jair his o Davideskro rashai.

2. Samuel 21:5

Penan le ap leste: “Ko mursh, kai maras men, un kai kamas te atchell mendar kek djido an o tselo Israel,

2. Samuel 24:1

Un o baro Dewel was pale chojedo ap o Israel. Un job kras, te anell o David bibacht ap kol menshende an Israel, un penas leske: “Dja koi un hatse win, har bud mursha hi an Israel un an Juda!”

2. Samuel 5:19

O David putchas o baro Deblestar: “Djap me pral pash kol Filistarja? Kameh len an mire wasta te dell?” Un o baro Dewel penas ap o Davideste: “Dja pral! Me dau kol Filistarjen an tire wasta.”

2. Samuel 5:23

Un o David putchas o baro Deblestar, un kowa penas: “Tu djas gar pral glan lende. Tu wess palla pral lende un wess pral lende koi rigjatar, kai i balsamtikre ruka tchidde hi.

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

1. Rajengro liil 18:2

Un o Elija kras pes ap o drom, te mukell lo pes glan o Ahab te dikell. An o them Samaria his i bok soreles.

2. Rajengro liil 6:25

Har jon jaake i rah tsiro o foro dren pandan, was i bok an o foro Samaria baro. I eseltikro shero was 80 (ochta-deesh) rupene beme un i wast pherdo tchirklengri tchik was pantch rupene beme.

2. Rajengro liil 8:1

O Elisa rakras kol djuwjah, kai kras lo lakro tchawes djido, un penas: “Dja krik tire menshentsa an i wawar them, te djiwess koi! O baro Dewel mukell i tsiro te well an kau them, kai bokenn i menshe efta bersha.”

Hiob 10:2

Me penau ap o Debleste: Ma pen: Doosh hi ap tute! Pen mange, hawi doosh tu ap mande hatsal?

Debleskri gili 27:8

Tire laba wan mange an o shero, hoi tu penal: “Awenn pash mande!” Doleske wau pash tute.

Debleskri gili 50:15

Un de gole ap mande ap ko diwes, kai hal an i bibacht! Palle lau tut win, un tu sharess man.”

Debleskri gili 91:15

Job dell ap mande gole. Doleske shunau me ap leste, un hom pash leste, te djal leske gar mishto. Me lau les win dran i bibacht un krau les bares.

3. Mose 26:26

Tumen well buder gar doha djob, te pekenn maro. Deesh djuwja nai pekenn pengro maro an jek bob. O maro well ap i waga tchiddo, un hakeno lell i kotar. Un tumer chan un wenn gar tchalo.

4. Mose 27:21

Un an tsirja, kai djinell lo gar, hoi te krell, hunte well lo glan o rashajeste Eleasar. Kowa hunte putchell mandar un hunte witsrell kol Debleskre barra, te hatsell lo win, hoi me, o baro Dewel, an kau koowa kamau. Jaake te sikrell o Eleasar o Josueske un i tsele Israelenge, hoi te krenn le.”

Josua 7:1

I Israelitarja rikran pen gar ap o Debleskro lab, hoi job penas, te well halauter an o foro Jericho leskro. Jek lendar, o Achan, las tchomone peske. O Achaneskro dad his o Karmi, koleskro dad his o Sabdi, un koleskro dad his o Serach. Un kolla his mursha dran o kheer Juda. Har o Achan kowa kras, las o baro Dewel i bari choli pral i Israelitarja.

Josua 9:20

un kamah maro sowel, hoi dam, te rikrell, un mukah len te djiwell, te well gar i choli o Deblestar pral mende. Kowa kamah lentsa te krell:

Ruth 1:1

An ko tsiro, har i tchatchepangre mursha i raja pral o Israel his, was i bari bok an o them. Un i mursh dran o foro Betlehem an o them Juda djas an o them Moab, te djiwell lo koi peskri romjah un peskre dui mursh tchawentsa.

1. Samuel 10:22

Un jon putchan o baro Deblestar: “Was ko mursh kai?” Un o baro Dewel penas: “Job khatras pes ap i platsa, kai i koola hi.”

1. Samuel 23:11

Baro Dewel, tu o Israeleskro Dewel, pen mange: Kal menshe, kai an kau foro Kehila djiwenna, denn kolla man an o Sauleskro wast? Un well o Saul tchatchepah kai tele, jaake har me shunom?” Un o baro Dewel penas: “Awa, job wella tele!”

1. Samuel 23:2

Kote putchas o David o baro Deblestar: “Djap me pre ap kol Filistarja?” Un o baro Dewel penas: “Dja ap lende! Tu mareh len un leh o foro Kehila dran lengre wasta win.”

1. Samuel 23:4

Kote putchas o David gomme i duito kopo o baro Debles, un o baro Dewel penas: “Ste pre un dja an Kehila! Me kamau tumen i Filistarjen an tumaro wast te dell!”