2. Samuel 20:6 - O Debleskro Drom 2021 (Sinte)

⁶ Koi penas o David ap o Abishai: “Kanna krell o Sheba menge budeder tchilatchepen har o Absalom. Le tu mire lurden un naash leske palla, te lell job gar i sorele forja penge, un khatrell pes kote.”

O Debleskro Lab 2024 (Sinte-Manouche)

⁶ Koy penas o David ap o Abishay: “Kanna krell o Sheba menge boudeder čilačepen har o Absalom. Le tou mire lourden oun naash leske palla, te lell yob gar i zorele forya penge, oun khatrell pes kote.”

2. Samuel 20:6 ပူးပေါင်းရင်းမြစ်များ

2. Samuel 10:14

Har kol Ammonarja dikan, kai kol Syrarja nashan, nashan jon ninna glan o Abishai an o foro dren. Koi mukas o Joab tele kol lurdendar dran o them Ammon, un was an o foro Jerusalem.

2. Samuel 11:11

Penas lo: “O Debleskro mochton, ninna i lurde dran Israel un Juda hi an plachtene khera. Un o Joab, miro pralstuno, un tire lurde sowenn ap i phub. Un me djap an miro kheer, te chap un pijap, un te wap pash miri romjate tchiddo. Jaake tchatcho har kowa hi, kai tu djiweh: Sawo koowa krau me gar.”

2. Samuel 18:12

Penas ko mursh: “Ninna te tchiwals tu i sero rupene lowe an miro wast, hadoms me miro wast gar ap o baro rajeskro tchaweste. O baro rai penas tuke un ap o Abishai, un ap o Itai, glan mare kanda: ‘Denn garda ap miro tchaweste Absalom!’

2. Samuel 18:2

Pral kolla lauter tchiwas job triin lurdengre rajen, hakenes pral i triinto kotar kol lurdendar. Kolla triin his: o Joab, leskro phraal o Abishai, koleskri dai i Zeruja hi, un o Itai dran Gat. Un o baro rai penas ap i lurdende: “Me kamau tumentsa an o kurepen te djal.”

2. Samuel 19:7

Tu kameh kolen, kai tut gar kamenna, un kameh gar kolen, kai tut kamenna. Mer haiwam kai diwes, kai kol pralstune un kol lurde tuke tchi molenna. Awa, me haiwom kai diwes ninna, te djiwals o Absalom un mer lauter wams mulo, kowa wals tuke mishto.

2. Samuel 2:18

Koi pashel his ninna kol triin phrala, kolengri dai i Zeruja his: o Joab, o Abishai, un o Asahel. O Asahel his sik har i wesheskri busni ap peskre herja.

2. Samuel 21:17

O Abishai, koleskri dai i Zeruja his, was leske ap i rig, un das kol Filistares mulo. Koi dan o Davideskre lurde les sowel, un penan: “Tu djas mentsa gar buder an o kurepen, te djal koi momeli an Israel gar win!”

2. Samuel 23:18

O Abishai, koleskro phraal o Joab hi, un kolengri dai i Zeruja hi, kowa his ko pralstuno kol triin-deshendar. O Abishai las leskro witsepaskro tchuri, un das triin-sheel lurden mulo, un les his i baro lab mank kol triin-deshende.

2. Samuel 3:30

Un o Joab un leskro phraal Abishai maran o Abneres doleske, kai job lengro phrales Asahel an o kurepen pash Gibeon mulo das.

2. Samuel 3:39

Ninna te makan jon man djeteha dren, te wap baro rai, hom kau diwes gar sorelo. Kal mursha, kolengri dai i Zeruja hi, hi sorleder har me. O baro Dewel mu dell koles tchilatchepen pale, kai tchilatchepen kras!”

1. Rajengro liil 1:33

Un o baro rai penas ap lende: “Lenn tumentsa i pralstunen pral miro kheer, un penenn miro tchaweske, o Salomo, te beshell lo pes ap miri burika, un djan leha tele pash o pani Gihon!

1. Familjakro liil 11:20

O Abishai, koleskro phraal o Joab hi, un kolengri dai i Zeruja hi, kowa his ko pralstuno kol triin-deshendar. O Abishai las leskro witsepaskro tchuri, un das triin-sheel lurden mulo, un les his i baro lab mank kol triin-deshende.

1. Familjakro liil 18:12

Un o Abishai, koleskri dai i Zeruja hi, das i Edomarja ap ko kotar phub, hoi kharell Londi Tala. Un job maras an koi tala 18.000 (deesh-te-ochta-serja) lurden.

Jeremia 8:14

Hoske ham mer kai trujel beshdo? [putchenn i menshe dran Juda.] Mer was khetne, te djas mer an kol sorele forja, te was koi maredo! Mer mukam o baro Debles, maro rajes. Doleske kamell lo maro merepen, un dell men sawo pani te pijell, hoi marell men.

Markus 3:24

Te kurenn pen i bare raja an jek them, palle djal ko them paash.

1. Samuel 26:6

O David penas ap o Ahimelech, ko Hetari, un ap o Abishai, koleskri dai i Zeruja hi, un koleskro phraal o Joab hi: “Koon kamell mantsa tele ap i platsa pash o Saul te djal?” Un o Abishai penas: “Me djau tuha tele!”