2. Samuel 20:1 - O Debleskro Drom 2021 (Sinte)

¹ Kowa his jaake, kai koi an Gilgal i mursh his, kai tchi-moldo his. Leskro lab his Sheba. Leskro dad his o Bikri i menshendar Benjamin. O Sheba phurdas an i phurdepaskri un penas: “Tumer mursha dran Israel! O David hi gar mare menshendar. Men hi tchi te krell o Isajeskro tchaweha. Hakeno tumendar te djal an peskro kheer!”

O Debleskro Lab 2024 (Sinte-Manouche)

¹ Kova his yaake, kay koy an Gilgal i morsh his, kay či-moldo his. Leskro lab his Sheba. Leskro dad his o Bikri i menshendar Benyamin. O Sheba phourdas an i phourdepaskri oun penas: “T'mer morsha dran Israel! O David hi gar mare menshendar. Men hi či te krell o Isayeskro čaveha. Hakeno t'mendar te djal an peskro kheer!”

2. Samuel 20:1 ပူးပေါင်းရင်းမြစ်များ

1. Mose 46:21

O Benjamin un leskre tchawe: o Bela, o Becher, o Ashbel, o Gera, o Naaman, o Ehi, o Rosh, o Muppim, o Huppim un o Ard.

2. Samuel 15:10

Tchorchanes bitchras job murshen an o tselo them Israel trujel, un mukas lenge te penell: “Tumer te shunenn, te phurdell jek ap i bari phurdepaskri, palle denn gole: ‘O Absalom was baro rai pral o foro Hebron!’”

2. Samuel 16:11

Un o David penas ap o Abishai un ap leskre pralstune budepangre: “Miro tchawo Absalom, kai mandar was, kamell man mulo te dell, hoske gar ninna ko Benjaminari. Mukenn les te praassell! O baro Dewel penas, kai nai krell job kowa.

2. Samuel 16:7

Un o Shimi praassas les un das gole: “Dja tuke, tu marepaskro! Dja tuke, tu bedo!

2. Samuel 18:17

Un jon lan o Absalomes un witsran les an o weesh an i bari cheb, un tchiwan bud barra ap leste. Un o Absalomeskre lurde nashan penge, hakeno an peskro kheer.

2. Samuel 20:2

Koi djas hakeno an Israel o Davidestar krik, un djas ko mursheha Sheba, koleskro dad o Bikri his. Kokres kol mursha dran o them Juda atchan pash pengro baro rajeste, un djan leha ap o drom o panjestar Jordan an o foro Jerusalem.

2. Samuel 20:22

Un koi djuwel rakras gosewes kol tsele menshentsa an o foro. Un jon dan o Shebaeske o shero tele, un witsran o sheres pash o Joab win. Koi phurdas job an i phurdepaskri, un djas peskre lurdentsa kau forestar krik. Un i lurde djan hakeno pale an peskro kheer. Un o Joab was pale an o foro Jerusalem pash o baro rajeste.

2. Samuel 23:6

Kol menshe, kai tchi molenna, hi har subjengre patria, kai o ducho krik phurdas, un kai nai taprell kek i wastentsa.

1. Rajengro liil 12:16

Har i tsele Israelitarja dikan, kai kamas o baro rai gar ap lende te shunell, dan le gole: “Hoi djal men o David an un leskri familja! Hoi kran le menge? Mu dikenn le kokres pal lengro kheer! Nashas khere, mer dran Israel!” Kowa penan le, un hakeno djas pash peskro kheer.

1. Rajengro liil 21:10

Palle beshenn dui murshen, kai tchi moldo hi, pash leste. Kolla te rakrenn, har te penans le o tchatchepen glan lauterende: ‘Nabot, tu praassal o Debles un o baro rajes.’ Palle anenn les dran o foro win un witsrenn les i barrentsa mulo!”

2. Familjakro liil 10:16

Har i tsele Israelitarja dikan, kai kamas o baro rai gar ap lende te shunell, dan le gole: “Hoi djal men o David an un leskri familja! Hoi kran le menge? Mu dikenn le kokres pal lengro kheer! Nashas khere, mer dran Israel!” Kowa penan le, un hakeno djas pash peskro kheer.

2. Familjakro liil 10:6

Kote djas o rai Rehabeam pash i phureden; kolla his ninna glan leskro dadeste, o Salomeste, tarde, har job gomme djiwas. Un o Rehabeam penas: “Penenn mange tumaro goswepen, hoi te well kal menshenge penlo?”

Debleskri gili 17:13

Baro Dewel, ste tu pre, tchip tut lenge an o drom! Stake len khetne! Ab un le tiro charo, un le miro djipen win dran i wasta kol tchilatchendar.

Debleskri gili 34:19

O baro Dewel hi pash kolende, kai lengro dji phagedo hi. Un kolenge, kai dikenn buder kek momeli an pengro djipen, hi lo ap i rig tardo.

Gosewe laba 25:8

Ma dja sik pash i tchatchepangre murshende, te peness lenge, hoi dikal. Te well palle i wawar un sikrell, kai hi tut gar tchatcho, hoi kreh tu palle?

Gosewe laba 26:21

Jaake har krell o kasht, te chatchell i jag dureder, jaake krell i mursh, hoi tchingepen rodell, te djal o tchingepen dureder.

Markus 3:24

Te kurenn pen i bare raja an jek them, palle djal ko them paash.

Louka 19:14

I menshe an peskro them his chojedo ap leste un bitchran murshen leske palla, te penenn le leske: Mer kamah gar, te wess tu baro rai pral mende!

Louka 19:27

Un job penas dureder: Anenn kolen glan mande, kai hi chojedo ap mande, un kai kaman gar, te wap baro rai pral lende, un denn len glan mire jaka temerl!”

Johanni 13:8

Penas o Petro ap leste: “An kek tsiro kamau me, te thowess mire pire!” “Te thowau tut gar,” penas o Jesus, “hal tu gar miro.”

5. Mose 13:13

Te shunenn i forestar, hoi tumaro baro Dewel tumen das, te djiwenn koi dren,

Čačepangre 19:22

Un har jon les penge mishto djal mukan, wan mursha dran o foro un tchiwan pen trul o kheer tardo, tchi-molde mursha. Un kolla dan ap o wudar, un penan ap ko phuro mursh, koleske ko kheer his: “An menge ko murshes win, kai pash tute an o kheer was, te kras dinelo koowa leha!”

Čačepangre 3:27

Un har lo kote was an o pralstuno them Efrajim, phurdas lo an i phurdepaskri, te kharell lo i Israelitarjen khetne o kurepaske. Un jon djan leha i berga tele. Un job djas glan lende,

Ruth 2:3

Koi djas li win, kolenge palla, kai o djob tchinenn, un hadas djob pre ap i hachetikri phub. Un kowa was jaake, kai kau kotar phub o Boases his, ko murshes dran o Elimelecheskri familja.

1. Samuel 13:2

Un o Saul rodas peske 3.000 (triin-serja) murshen win. 2.000 (dui-serja) lendar his pash leste an o foro Michmas un ap i berge pash Betel. Un 1.000 (jek sero) mursha his peskro tchaweha, o Jonatan, pash o foro Gibea an o them Benjamin. Kol tsele wawar bitchras lo khere.

1. Samuel 2:12

O Elijeskre tchawe his tchilatche un kaman o baro Deblestar tchi te djinell.

1. Samuel 30:22

Mank kol murshende, kai o Davideha djan, his tchilatche mursha, kai tchi-moldo his, un kolla penan: “Jon wan gar mentsa. Doleske dah mer len tchi kolestar, hoi randam! Kokres peskri romjat un peskre tchawen lell hakeno! Un palle djal lo peske!”