2. Samuel 2:9 - O Debleskro Drom 2021 (Sinte)

⁹ un kras, te well job baro rai pral i themma Gilead, Asser, Jesreel, Efrajim, Benjamin un pral o tselo Israel.

O Debleskro Lab 2024 (Sinte-Manouche)

⁹ oun kras, te vell yob baro ray pral i themma Gilead, Asser, Yesreel, Efrayim, Benyamin oun pral o tselo Israel.

2. Samuel 2:9 ပူးပေါင်းရင်းမြစ်များ

1. Mose 30:13

Koi penas i Lea: “Har bachtelo hom me. I romja sharenna man un penenna ‘Hawi bachteli romni!’” Un joi das les ko lab Asser.

2. Samuel 2:10

Un o Ish-Boshet, koleskro dad o Saul his, his star-deesh bersha phuro, har was lo baro rai pral Israel, un his rai pral kowa dui bersha. Kokres i menshe dran o kheer Juda rikran ap o Davideste.

2. Samuel 3:6

Jaake rah har ko kurepen his mashkral o Sauleskri familja un o Davideskri familja, his o Abner ap koi rig o Sauleskri familjatar un kras lat soreles.

1. Familjakro liil 12:29

o Zadok, i terno sorelo kurepaskro, un leskre menshendar 22 (biish-te-dui) pralstune.

1. Familjakro liil 12:30

Dran o kheer Benjamin, o Sauleskre menshendar: 3.000; bis ap ko tsiro rikran bud i menshentsa dran o Sauleskro kheer.

Debleskri gili 108:8

O Dewel rakras an peskro kheer, kai job djiwell: “Me wom o sorleder”, dell lo gole i bachtjatar. “Me dau o foro Sichem mire menshende, un ninna i tala Sukkot.

Josua 16:5

Un kawa hi o them, hoi las o kheer Efrajim: Ap koi rig, kai o kham pre djal, djas o drom, hoi sikras, har dur o them djal, fun o forestar Atarot-Addar bis pash o pralstuno foro Bet-Horon,

Josua 16:8

Fun o foro Tappuach djas o drom kote, kai o kham tele djal, pash ko tikno pani, hoi kharell Kana, un dureder pash o Baro Pani. Kowa hi o them, hoi lan i familje dran o kheer Efrajim.

Josua 16:9

Koi pashel lan le bud forja un i gaba koi trujel, hoi an o them Manasse tchiddo his.

Josua 17:1

Un kowa hi ko them, hoi las o kheer Manasse, jaake har peran i barra. O Manasse his o Josefeskro phureder tchawo. Koleskro phureder tchawo his o Machir. Un koleskro tchawo his o Gilead. O Machir his i sorelo kurepaskro. Doleske las lo ko them Gilead un Bashan.

Josua 18:11

Un i barra peran o Benjamineske un leskre familjenge. Un jon lan o them mashkral o them Juda un o them, hoi o Josefeskre tchawe lan.

Josua 18:20

Ap koi rig, kai o kham pre djal, djas o them bis pash o pani Jordan. Un kawa his ko kotar them, hoi lan i familje dran o kheer Benjamin.

Josua 19:18

An lengro them his kol forja: Jesreel, Kesullot, Shunem,

Josua 22:9

Kote djan i mursha dran i familja Ruben un dran i familja Gad un dran i paash familja Manasse penge pengre phralendar, kol wawar Israelitarjen. An o foro Shilo, hoi an o them Kanaan tchiddo hi, kran le pen ap o drom, te djan le khere an o them Gilead. Kote his ko kotar them, hoi lenge dino was, te well lo lengro, jaake har o baro Dewel ap o Moseste penas.

Čačepangre 1:32

Doleske djiwan i menshe dran o kheer Asser mashkral i Kanaanitarja, kai kote khere his. Wi tradan le len gar.

1. Samuel 29:1

I Filistarja lan pengre lurden khetne pash o foro Afek. Un o Israelengre lurde tchiwan pengre plachtene khera pre pash o tikno lengsto pani glan o foro Jesreel.