2. Samuel 2:5 - O Debleskro Drom 2021 (Sinte)

⁵ koi bitchras job murshen pash lende un mukas lenge te penell: “O baro Debleskri bacht well ap tumende! Tumer kran tumaro dji pre tumaro baro rajeske, o Sauleske un paskran les.

O Debleskro Lab 2024 (Sinte-Manouche)

⁵ koy bičras yob morshen pash lende oun moukas lenge te penell: “O baro Debleskri barht vell ap t'mende! T'mer kran t'maro dji pre t'maro baro rayeske, o Sauleske oun paskran les.

2. Samuel 2:5 ပူးပေါင်းရင်းမြစ်များ

1. Mose 14:19

Un job sharas o Abrames un penas: “Tu, Abram, ap tute hi tchiddo i soor un i bacht ko Deblestar, kai hi o Dewel pral halauter un kras o bolepen un i phub.

1. Mose 14:22

Koi penas o Abram ap leste: “Me dau man sowel glan o baro Debleste, kai hi o Dewel pral halauter, un kras o bolepen un i phub:

2. Samuel 15:20

Taissar wal tu, un kai diwes nashals tuke mentsa kai un koi? Me djinau gar, kai te djap. Risse trujel un le kol wawaren dran Gat tuha. Latchepen un tchatchepen mu well ap tiro drom!”

2. Samuel 21:12

Un o David djas koi, un las o Sauleskre kokale un kol kokale peskro tchawestar Jonatan, hoi pash kol menshende Jabesh an Gilead his. Kolla lan len tchorchanes krik kotar, kai i Filistarja len pre bladan ap i platsa an Bet-Shean, pal kowa, kai jon len maran ap koi berga Gilboa.

Debleskri gili 115:15

Mu well ap tumende i bacht kolestar, kai o bolepen un i phub kras.

Josua 2:14

Kote penan kol mursha ap late: “Mer dah men sowel pash maro djipen: Te phukreh tu men gar, krah mer kek tchilatchepen ap tumende ap ko tsiro, kai dell men o baro Dewel kau them, un wah latches ap tumende.”

Čačepangre 21:8

Doleske putchan le: “Dell kol 12 (deesh-te-dui) bare familjendar, kai wenn o Jakobeskre tchawendar, jek, kai was gar an o foro Mizpa, har mer glan o baro Debleste khetne wan?” Un jon shunan, te was kek dran o foro Jabesh, hoi an o them Gilead hi, ap i platsa, kai o tsillo his.

Ruth 1:8

penas i Naomi ap lende: “Kanna djan pale pale, hakeni an lakri dakro kheer! O baro Dewel mu dell tumen peskro latchepen, jaake har tumer latches hans ap tumare romende un ap mande.

Ruth 2:20

Kote penas i Naomi ap i Rut: “O baro Dewel mu tchiwell peskri bacht ap leste! O baro Dewel tserdas peskro latchepen gar pale, – gar i djidendar, witar gar i mulendar.” Un pale penas i Naomi ap late: “Tu hunte djiness, ko mursh hi jek mare menshendar. Job hi jek kolendar, kai pal maro tchatchepen menge ap i rig hunte wenn.”

Ruth 3:10

O Boas penas: “O baro Debleskri bacht well ap tute, latchi tchai! Tu sikral, te rikreh tu pash tiri familja kanna gomme latcheder un shukeder har tu kowa glanstunes kral. Tu nashal gar i terne murshenge palla – gar i brawelenge un witar gar i tchorwelenge.

1. Samuel 11:1

Un o rai pral i Ammonarja, o Nahash, las peskre tsele lurden, djas win un tchiwas pes lentsa trul o foro Jabesh an o them Gilead, jaake te nai was kek dren un kek win. Un i tsele mursha dran o foro Jabesh penan ap o Nahash: “Kre mentsa win, te kress menge kek tchilatchepen. Palle nai weh tu o rai pral mende!”

1. Samuel 11:9

Un job penas ap kol bitchepangre: “Penenn tumare menshenge an o foro Jabesh: Taissar mashkral o diwes han buder gar dren pandlo.” Un kol bitchepangre djan khere, un penan lauter i murshenge an Jabesh, un kolla wan pale bachteles.

1. Samuel 15:13

Un har o Samuel pash o Saul was, penas o Saul ap leste: “O baro Dewel dell tut bacht! Me krom lauter, hoi o baro Dewel penas.”

1. Samuel 23:21

Un o Saul penas: “O baro Dewel mu dell tumen bacht, kai kran tumare djia mange pre.

1. Samuel 24:19

Kau diwes sikral tu man un lauteren, te hal tu latches ap mande, har tchiwas man o baro Dewel an tiro wast, un tu dal man gar mulo.