2. Samuel 2:4 - O Debleskro Drom 2021 (Sinte)

⁴ Un kol mursha dran o them Juda wan, un makan o Davides dren o djeteha, te well job baro rai pral ko kheer Juda. Un har o Davideske penlo was, kai kol mursha dran o foro Jabesh an o them Gilead o Saules paskran,

O Debleskro Lab 2024 (Sinte-Manouche)

⁴ Oun kol morsha dran o them Youda van, oun makan o Davides dren o djeteha, te vell yob baro ray pral ko kheer Youda. Oun har o Davideske penlo vas, kay kol morsha dran o foro Yabesh an o them Gilead o Saules paskran,

2. Samuel 2:4 ပူးပေါင်းရင်းမြစ်များ

2. Samuel 19:11

O Absalom, koles kai kamam, te well job baro rai pral mende, kowa was maredo an o kurepen. Hoske krenn tumer tchi kanna, un lenn o baro rajes gar pale pale?”

2. Samuel 19:42

Koi wan kol tsele mursha dran Israel pash o baro rajeste un penan ap leste: “Hoske lan penge mare phrala, kol mursha dran o them Juda, ko tchatchepen, te anenn le tut, tiri familja un tire tsele lurden pral o pani Jordan?”

2. Samuel 2:11

Ko tsiro, kai o David baro rai his pral o kheer Juda, un an o foro Hebron djiwas, kowa his efta bersha un shob tchon.

2. Samuel 2:7

Awenn sorele un tchatche mursha! O Saul, tumaro rai, hi mulo. Un i mursha dran o kheer Juda makan man o djeteha dren, te wap baro rai pral lende.”

2. Samuel 21:11

Un o Davideske was penlo, hoi kras o Sauleskri duiti romni, i Rizpa, kolakro dad o Aja his.

2. Samuel 21:12

Un o David djas koi, un las o Sauleskre kokale un kol kokale peskro tchawestar Jonatan, hoi pash kol menshende Jabesh an Gilead his. Kolla lan len tchorchanes krik kotar, kai i Filistarja len pre bladan ap i platsa an Bet-Shean, pal kowa, kai jon len maran ap koi berga Gilboa.

2. Samuel 5:17

Har kol Filistarja shunan, kai was djet pral o Davideskro shero tchoredo, te well job baro rai pral Israel, djan jon lauter koi, te rodenn le les. Har o David kowa shunas, djas job tele an peskro sorelo kheer.

2. Samuel 5:3

Har kol tsele phureder dran Israel pash o baro rajeste an o foro Hebron his, kras kote o baro rai David lentsa win, te well lo lengro baro rai. Un jon dan ap o baro Debleste gole, te shunell job kowa. Un jon tchoran djet pral o Davideskro shero, te well job baro rai pral o Israel.

2. Samuel 5:5

An o foro Hebron his les penepaske efta bersha un shob tchon pral o them Juda. Un an o foro Jerusalem his les penepaske 33 (trijanda-te-triin) bersha pral o Israel un o Juda.

2. Rajengro liil 11:12

Palle mukas o Jojada o baro rajeskro tchawes win te well, te nai dikell les hakeno, un tchiwas leske koi rajeskri stadi ap o shero, un das les ko liil, kai tchinlo hi, hoi te krell lo. Un tchoras djet pral leskro shero, te well lo baro rai. Koi dan le halauter an i wasta un dan gole: O baro rai te djiwella!

1. Familjakro liil 10:11

Har shunan halauter, kai djiwenn an o foro Jabesh an o them Gilead, hoi i Filistarja o Sauleha kran,

1. Familjakro liil 11:3

Har kol tsele phureder dran Israel pash o baro rajeste an o foro Hebron his, kras kote o David lentsa win, te well lo lengro baro rai. Un jon dan ap o baro Debleste gole, te shunell job kowa. Un jon tchoran djet pral o Davideskro shero, te well job baro rai pral o Israel, jaake har glan i tsiro o baro Dewel ap o Samuel penas.

1. Familjakro liil 12:23

Jaake wan hako diwes budeder mursha pash o Davideste, te wenn le leske ap i rig, bis te his le bud bud lurde.

1. Samuel 16:13

Kote las o Samuel o djet un tchoras les ap o Davideskro shero, glan i jaka peskre phralendar. Un o baro Debleskro ducho was pral leste ap ko diwes un atchas ap leste. Un o Samuel djas pale an Rama.